أبيع الميجان ... وأجيب ميجان برضه ؟

**Hosam_Optrawy** · 21-08-2008 05:23 AM

السلام عليكم ورحمة الله وبركاته
ياريت الاخوه هنا فى المنتدى يساعدونى فى الموضوع ده
ليا صديق عنده ميجان سيدان 2006 اوتوماتيك المستوى التانى اللى ب 136 حاليا
وهو ناوى يغيرها عشان ضمان ال 3 سنين قرب يخلص وهو خايف لقدر الله لو حصل عيب وحاجه محتاجه تتغير او تتصلح هاتكون مكلفه
فناوى يبعها ويجيب ميجان اوتوماتيك برضه عشان هى الصراحه مريحاه جدا وفيها كل اللى هو عاوزه وهياخد معاها ضمان 3 سنين من الاول بقى
فقلتله يفكر يغير احسن ما يجيب نفس العربيه تانى
فبطلب منكم تقولولى رأيكم مع مراعاة أن
تكون 1600 cc سيدان اوتوماتيك
نفس الفئه السعريه يعنى بالكتير 140 الف
السعر عند اعادة البيع لانه من النوع اللى بيغير عربيته كتير
توافر قطع الغيار ويكون تمنها معقول
الاداء والثبات قريب من الميجان
مساحه الشنطه تكون واسعه
مع استبعاد كل من
الصينى والماليزى و الكورى واللانسر البوما والشارك والصنى والتيدا وال sx4 والكورولا :)
انا عارف ان كدا تقريبا اغلب العربيات مستبعده لكن هو مش عاجبه ولا واحده فى دول
وبيتهيألى مبقاش فاضل غير المازدا والسيفيك
وهو بس خايف من توكيلهم وقطع غيارهم وبيقول ان السيفيك كمان واطيه
رأيكم يخليه فى الميجان احسن وهى فيها اللى هو محتاجه ؟
ولا ممكن تكون المازدا او السيفيك احسنله ؟
ولا فى عربيه غير الاتنين دول انا مش واخد بالى منها ؟
اسف انى طولت عليكو بس بيتهيألى انى حسمتلكو الخيارات ومشكورين جميعا مقدما

**Hosam_Optrawy** · 21-08-2008 06:03 AM

متشكر جدا لردك
لكن للاسف مفيش امكانيه انه يزود وكمان مش عايز اى حاجه خليجى عشان مش مضمون

**Ahmed Selim** · 21-08-2008 10:06 AM

ممكن أقترح عليك حاجة غير اللى أنت بتفكر فيه ؟؟؟؟

يخللى العربية بتاعته معاه وميبعهاش

أنا عربيتى 2005 وضمانها كان سنتين بس يعنى الضمان خلص من سنة ونصف تقريباً دلوقتى والعربية بسم الله ما شاء الله زى الفل......مش بروح التوكيل غير فى الصيانات الدورية أو فى حاجات بسيطة زى تيل...طنابير....كده يعنى.
ومعظم ملاك الميجان فى المنتدى نفس الحال.

العربية دى زى ما noon eg قال مش هينبسط لو غيرها الا بألمانى
أسمع نصيحة من واحد معاه ميجان وقبلها كان معايا عربيتين ألمانى .

أنا بس هستأذنك فى حاجة....لو ناوى يبيع خلاص يا ريت تبقى تقولى بكام على الخاص لو الكيلومتر بتاعها مش عالى.

وربنا يوفقه أن شاء الله

**haneena** · 21-08-2008 10:31 AM

انا راى لا المازدا ولا السفيك يرقوا لمستوى الالمانى بصراحة فيه فرق كبير ده غير ان الاتنين فعلا واطيين وماينفعوش فى شوارعنا الجميلة
الميجان عربية محترمة الى ابعد الحدود واذا كان هايغيرها يبقى يجيب ميجان تانية
لكن الافضل يخليه شوية كمان بعربيته ومايقلقش من حاجة ده معاه وحش ماشاء الله

**vet mitcho** · 21-08-2008 11:59 AM

اظن لو عاوز يغير فمفيش قدامه اوتوماتيك في رايي الا حاجة من اتنين
ميجان هاتش باك (لو ده يعتبر تغيير) عربية كويسة جدا ما شاء الله بس اغلى من الحد اللي انت طالبه
او سيفيك واهو هياخد اداء متقارب في القوة او الثبات وقطع غيارها ارخص من الميجان وماركة محترمة جدا صحيح الاوبشنز اللي فيها اقل من الميجان بكتير بس هتحس انها متكافئة في حاجات تانية
بس مازالت السيفيك في رايي افضل اختيار لعربية اوتوماتيك في سعرها
ربنا يوفقكم في الاختيار

**vet mitcho** · 21-08-2008 12:06 PM

اه نسيت اقولك
عيب السيفيك في وجهة نظري (هنا في مصر ان خلوصها قليل) 15 سم

خلوص 15 سم + قاعدة عجلات كبيرة في فئتها 2700 سم + نظام تعليق خلفي ناعم=

ثبات جميل + حك مرعب في مطبات مصر مع الحمولة شبه كاملة

بس ده في رايي مش عيب في العربية قد ماهو عيب على طرقنا

**Chicco** · 21-08-2008 12:29 PM

المشاركة الأصلية كتبت بواسطة hanboly

مع استبعاد كل من
الصينى والماليزى و الكورى واللانسر البوما والشارك والصنى والتيدا وال sx4 والكورولا :)

المشاركة الأصلية كتبت بواسطة hanboly

متشكر جدا لردك
لكن للاسف مفيش امكانيه انه يزود وكمان مش عايز اى حاجه خليجى عشان مش مضمون

واضح إن صاحبك مصمم على الميجان بس عايز اللي يشجعه ....لا إما يخليه في العربية اللي معاه ...لو موسوس قوي ..يجيب ميجان جديدة ....واضح إن ما فيش أختيارات في السؤال ده

-

-

-

الموضوع: أبيع الميجان ... وأجيب ميجان برضه ؟

LinkBack

أدوات الموضوع

عرض

أبيع الميجان ... وأجيب ميجان برضه ؟ - انشر الموضوع فى :

-

-

-

-

-

المواضيع المتشابهه

حراره الميجان (( ميجان 2005 ))

أبيع برافو وأجيب 318 ??????

بافكر أبيع السيفيك وأجيب جراند تريوس

أبيع عربيتى وأجيب مستعمل تانى ولا جديد ؟؟

الكلمات الدلالية لهذا الموضوع

المفضلات

المفضلات

ضوابط المشاركة