صيانة ال 1000 للتيدا

**nader_sharara** · 20-05-2013 03:44 PM

السلام عليكم يا صقور نيسان ... أنا الحمد لله رب العالمين لسه مستلم نيسان تيدا سيدان الإسبوع اللى فات وكنت عاوز أحجز لصيانة ال 1000 فى اوتو ايجيبت اللى فى أبو رواش ... أنا أساسا من إسكندرية بس شغال فى القاهرة وبنزل كل ويك إند ... المهم أنا إشتريت العربية من معرض فى الإسكندرية إسمه فودة موتورز وهوه كان شاريها من معرض السبع فى القاهرة ... وأنا بتصفح كده فى المنتدى لقيت إن معرض السبع بيدى جواب للصيانة المجانية لصيانة ال1000 كيلو فهل ده ينطبق على حالتى فا أروح أسأل معرض فودة عليه ولا لازم أكون أنا بنفسى اللى شاريها من السبع مباشرة عشان آخد الميزة ديه ...

**aliabdo** · 20-05-2013 04:03 PM

اسئل هناك اضمن لك

**Ramy Rateb** · 20-05-2013 07:23 PM

فى كتيب الضمان هتلاقى ورقة بأن أعمال صيانة 1000 كم مجانية .. الورقة ديه بتتقص من الكتيب فى التوكيل و بيحاسبك على الزيت و الفلتر بس .. الورقة ديه حاجة تانية غير جواب الصيانة المجانية اللى بيديه السبع.

**Hoss88** · 21-05-2013 02:17 AM

الف مبروك يا باشا .. طب انا استلمت التيدا الهاتشباك من المصرية .. ومحدش اداني كتيب ضمان قالولي في التوكيل وكلمت التوكيل اديتهم بيانات ادوني كود .. مش فاهم اروح صيانة الالف اديهم الكود هايدوني ولا ايه

**sherifzein78** · 21-05-2013 02:28 AM

المشاركة الأصلية كتبت بواسطة hoss88

الف مبروك يا باشا .. طب انا استلمت التيدا الهاتشباك من المصرية .. ومحدش اداني كتيب ضمان قالولي في التوكيل وكلمت التوكيل اديتهم بيانات ادوني كود .. مش فاهم اروح صيانة الالف اديهم الكود هايدوني ولا ايه

المفروض يا باشا انك بديلهم صوره من الرخصه وبعد كده بيجبولك كتيب الضمان بعدها باسبوع كده انا اشتريت منهم تيدا 2013 من شهر 12

**beshoyyy** · 21-05-2013 09:28 AM

المشاركة الأصلية كتبت بواسطة ramy rateb

فى كتيب الضمان هتلاقى ورقة بأن أعمال صيانة 1000 كم مجانية .. الورقة ديه بتتقص من الكتيب فى التوكيل و بيحاسبك على الزيت و الفلتر بس .. الورقة ديه حاجة تانية غير جواب الصيانة المجانية اللى بيديه السبع.

معني كدة اني جواب السبع يشمل تغير زيت و فلتر مجاني في صيانة الالف

**amr011111** · 21-05-2013 09:37 AM

يا جماعه لو حد اشترى التيدا من اى معرض ومخدش كتاب الضمان بياخد ورقه مكتوب ان انت تستلمه مثلا من اوتو ايجيبت فى الكيلو 26 طريق مصر اسكندريه الصحراوى بتروح هناك ومعاك الورقه ديه
تستلم كتيب الضمان من هناك وبيطلب منك هناك كود تفعيل الضمان والكود ده بتجيبه عن طريق الاتصال ب 16244 على ما اعتقد

**Ramy Rateb** · 21-05-2013 01:33 PM

المشاركة الأصلية كتبت بواسطة beshoyyy

معني كدة اني جواب السبع يشمل تغير زيت و فلتر مجاني في صيانة الالف

النقطة ديه انا مش عارفها .. لكن بالمنطق اه لان مصنعية صيانة الالف مجانا من نيسان .. يبقي ايه لزمة جواب السبع ?!

**Ramy Rateb** · 21-05-2013 01:34 PM

المشاركة الأصلية كتبت بواسطة amr011111

يا جماعه لو حد اشترى التيدا من اى معرض ومخدش كتاب الضمان بياخد ورقه مكتوب ان انت تستلمه مثلا من اوتو ايجيبت فى الكيلو 26 طريق مصر اسكندريه الصحراوى بتروح هناك ومعاك الورقه ديه
تستلم كتيب الضمان من هناك وبيطلب منك هناك كود تفعيل الضمان والكود ده بتجيبه عن طريق الاتصال ب 16244 على ما اعتقد

+1
هو مش شرط من اوتو ايجيبت .. و لكن حسب ما المعرض شاريها من اي موزع معتمد

**Hoss88** · 21-05-2013 02:20 PM

أنا ماخدتش ورقة بخصوص الضمان !
ولما سألت في المصرية قالوا في التوكيل، فأنا كلمت نمرة الضمان وخدت كود، كدة أروح بالكود بس للتوكيل في أبو رواش ولا هايكون في مشكلة ؟