صور عربيتى الكوردوبا .. تعديلى اناااا

**grandfox** · 21-05-2013 11:12 PM

الله ينور ذوقك عالى وشغل محترفين
ربنا يبارك لك فيها ويكفيك شرها

**ahmed_x545** · 22-05-2013 06:00 PM

تسلم على ذوقك ..

**Mody_Benz** · 23-05-2013 04:26 AM

بجد بسم الله ما شاء الله ربنا يديك خيرها ويكفيك شرها يا رب

التعديل جميل اوى عليها وعجبنى انا شخصيا

انا معايا بردو كوردوبا 1997 لونها نبيتى ميتاليك

http://www.nilemotors.net/Nile/326968-a.html

وكنت عايز استفسر من حضرتك على شوية حجات

-الاسبويلر اللى على الشنطة بتاع العربية عايز اجيبه ,, منين وبكام؟
ياريت لانى مش عارف اجيبه منين والشنطة عندى فى العلامات بتاعت الاسبويلر باين كان موجود واتشال او اتكسر قبل كدة
- التعديل اللى فى الفوانيس الخلفية اللى على الاطراف او اللى فى النص للشبوره
اجيبهم منين ولا اعملهم ازاى ؟

وشكرا ليك

**matrix012** · 23-05-2013 10:12 AM

على رأى سعاد حسنى فى فلم صغيره على الحب
انا عايزه مندا يا حزمومبل انا عايزه مندا
بس الفانوس ب 1500 جنيه يعنى الاتنين ب 3000 جنيه يعنى تقريبا ممكن الواحد يشد العربيه سمكره ودوكو وسروجى وكمان يغير كسوة الكراسى اوفر
بس بأمانه ربنا الاكصدام الامامى جميل جدا جدا جدا ربنا يباركلك في العربيه ويكفيك شرها وشر العين
وربنا يستر طريقى وطريقكم

**mahmoud ghanem** · 23-05-2013 08:33 PM

الله ينور وربنا يباركلك فيها ان شاء الله

انا فهمت ان 2 فانوس بـــ 1500 جنيه !!! انا فهمت صح ؟؟؟

**ahmed_x545** · 24-05-2013 02:43 AM

شكراااااااااااااااااااااا ااااااا ليكوا وجزاكم الله خير ...
اولا . Mody_Benz .. الاسبويلر موجود فى الحرفيين عند بتوع الابيزا والبولو وانا اللى كان عندى اتكسر واشتريت دة ب 150 جنيه بس دة كان من حوالى سنتين . بس هتلاقى معظم الناس هيقولولك اشترى الشنطه كلها على بعض فحاول تقنعه انك تاخد الاسبويلر بس .. او اشترى باب الشنطه كلها وهيه مش غاليه على فكرة وهتستفاد بكل حاجه فيها سواء العلامه او العاكس او الاسبويلر او كسوة الفابريكه اللى جوة باب الشنطه ...

وبالنسبه للفوانيس الخلفيه انا جيبت قطر وسخنته جامد و قصيت المثلث الاسود اللى فى الفانوس لانه انا فى رائ ملوش لازمه لانه غامق اوى ومش بيظهر اضاءة اللمض كويس و بعدها اشتريت 2 ليد مدور احمر و 2 ليد فلاش برتقالى لكل فانوس ولزقتهم زى ما حضرتك شايف فى الصورة بس انا هعمل عليهم كفر بلاستيك علشان العيال الصغيرة ممكن تقطعه او تشدة وانا باذن الله هصور العربيه بليل واخليك تتفرج على الاضاءة عامله ازاى . وهميه

وبالنبسبه لفوانيس الشبورة ادام وورا انا خليت بتاع الفايبر يقفل على الاتنين اللى ادام مكان الهوايه السودة وال 2 اللى ورا فتحت على ادهم بالظبط وسقطنا الفانوسين فيهم ..
وكل الليدات واللمض من التوفيقيه . انزل هتلاقى اشكال كتييييير وانت وذوقك و دماغك و تعديلك ..

ثانيا . matrix012 .. طبعا يا صاحبى انا كنت اقصد جوز الفوانيس ب 1500 .. مش واحد ... بس نصيحتى لو فى نيتك تشتريهم انجز لان بالذات الفوانيس المعدله غليت جدا .. لان اخوك مهوس بالفوانيس وتعديلها . خراب بيوت ...
بس الفانوس بيجى جواة الليد اللى بعرض الفانوس بس .. انا اللى فتحت وش الفانوس و زوذت عليهم ..

ثالثا . استاذ mahmoud ghanem .. طبعا اكيد يا باشا انت فهمت صح .. الطقم ب 1500 جنيه ...

رابعا . استاذ warfighter2114 .. تسلم على ذوقك ...

واخيرا اى حد محتاج اى مساعدة انا تحت امرة وفى خدمته .. كلنا هنا اخوات ..
كان الله فى عون العبد ما دام العبد فى عون اخيه ...