الموضوع: يلا بينا نتكلم شوية عن الاليزيه ... مناقشة مفتوحة

السلام عليكم ...

تحية جامدة جدا لكل الناس اللى حاجزة الاليزيه

كنت عايز اتكلم عن كام نقاط بشكل سريع

اولا : محتارين جدا بيجو 301 ,, ولا ستروين

من حوالى 3 ايام ذهبت انا وصديقى الجميل فى المنتدى هنا استاذ حازم اللى حاجز الاليزيه برده .. واتفرجنا على البيجو 301 وكان موجود الاليزيه برده فى نفس المعرض

الخلاصة فى الموضوع عشان الناس اللى محتارة وقلقانة وبتفكر كتير فى :
- اعادة البيع
- اسعار قطع الغيار
- توكيل بيجو ولا ستروين
- اسم بيجو ولا اسم ستروين

الخلاصة فى الموضوع
العربيتين واحد مفيش اى فرق
قطع الغيار واحدة ,, يعنى اللى حيسرى على الستروين حيسرى على البيجو
طبعا مع انتشار العربيتين الكل حيبقى عارف ان العربيتين واحد ( رأيي ان الشكل ساعتها فقط هو اللى حيفضل عربية عن التانية )
طبعا التجار حيبقوا عارفين ان العربيتين واحد وحيشتغلوا احلى شغل وحيكسبوا احلى مكسب لانهم حيجيبوا قطع غيار واحدة تمشى على عربيتين
المصريين عموما ,, مش بيدفعوا الفلوس بسهولة لانهم تعبوا فيها بجد ,, يعنى كل واحد بيشترى عربية جديدة بيفكر الف مرة وبيسال كل اللى يعرفهم وبيقارن مقارنات مميتة بين العربيات ,,
وغالبا العربيتين دول بالذات بيقدموا ميزات تنافسية قوية ترجح كفتهم عن كل اللى فى السوق منها
الفخامة العالية , جودة التقفيل , الشكل الخارجى , عوامل الامان , الاعتمادية , الوسع , الرفاهية العالية , الموتور القوى , استهلاك بنزين ممتاز ) وطبعا السعر اللى يعتبر اقل من الكورى وفى مستوى الصنى الجديدة

طبيعى ان العربية يتحكم عليها وتنتشر بمعايير السوق

بالنسبة لقطع الغيار
اولا الموتور هو هو نفس موتور ال c4 وموتور تانى فى البيجو مش فاكر تقريبا 408
ثانيا : زى ما الاعضاء ملاك c4 هنا فى المنتدى قالولنا ان قطع الغيار متوفرة وكمان فى بدائل ليها ,, وطبعا السى فور اقل انتشارا من عربيات كتير موجودة , ونلاقى ان اسعار قطع الغيار قريبة وارخص كمان من الكورى

فنتوقع انتشار قطع الغيار وتوافرها باسعار معقولة ,,

اللى حيفرق بين البيجو والستروين حنلاقى حاجات بسيطة زى الفوانيس و البربريز حاجات من هذا القبيل اللى هى بس فى اختلاف الشكل

طبعا عايز اقول بقى .. الاليزيه شكلها افضل بكتير جدا جدا ,, البيجو عربية شكلها جميل جدا ,, بس مش فى نفس فخامة الاليزيه

لو اتكلمنا عن التوكيل حنجد المقارنة صعبة لان توكيل بيجو مفيش معلومات عنه اصلا لول ان بعض اعضاء البيجو بيقولوا اسعار المصنعيات غالية ,, وهو مش معاه اى عربية غير البيجو
توكيل عز العرب سئ ولكن ارى الكفة تميل فى صالحه

لو قلنا ان عز العرب مش عارف يجيب العربية ,, وانه اتاخر فى التسليم ,, حنقول عشان بس العربية جديدة فلازم نصبر عليهم شوية ,, وخصوصا ان العربية مش بتتصنع فى مصر ,, لا ديه جاية من برة مصر

وكمان العربية موديل 2014 ,, واتهيالى ان الدفعات الاولانية بس هى اللى حتتاخر ,, عشان حتى لو العربية موجودة فى حاجات كتير لازم تتظبط غير التسليم , مثلا المهندسين لازم يتدربوا على صيانة العربية ويدرسوها كويس ( وارد جدا ان واحد يستلم العربية انهاردة على اخر الاسبوع يبقى رايح يعمل صيانة الالف ) فلازم التوكيل يكون مستعد ,, كمان لام يكون قطع الغيار اتوفرت

البيجو زى الستروين جت دفعة هنا ودفعة هنا , الاليزيه كانت محجوزة واتسلمت , البيجو اتباعت بتسليم فورى واوفر برايس , مفيش فرق بين التوكيلين فى احضار العربية مصر

اسم بيجو ولا اسم ستروين واعادة البيع ,, مش حتفرق لان العربيتين واحد والناس كلها حتبقى عارفة ان العربيتين واحد ,, اتهيالى ان اعادة البيع والسعر مش حيفرق كتير من بيجو او اليزيه

اخيرا :: عن نفسى بقى ,, ان فضلت الاليزيه ,, عشان الشكل , حسيت بمصداقية اكتر من التوكيل فى الامكانيات , بعكس توكيل بيجو اللى نزل صفحة كاملة فى الاهرام وكاتبين ان فيها نظام التوازن الاليكترونى وهو مش موجود فى العربية ,, الشكل الداخلى للستروين افضل , بصراحة انا مطمن لعز العرب اكتر حتى لو كان التوكيل سئ بس افضل من توكيل لسة فى مرحلة التجربة والانشاء كتوكيل سيارات جديد للبيجو

ياريت كل الاعضاء تشاركنا وجهة نظرها

بص يا باشا أنا هقولك رأيى ، العربيتين نسخة طبق الأصل من جميع النواحى ما عدا الشكل الخارجى فقط ، للعلم لو ماكنتش عارف ، شركة سيتروين و شركة بيجو هما أصلاً شركة واحدة فى فرنسا اسمها psa فا من الاخر كده الفرق بينهم شكل فقط ، فا اشترى اللى يعجبك شكلها كدة كدة الاتنين نفس الجودة ، و حتى التوكيل مش هيبقى الفرق يعنى لأن الاتنين هيستوردوا قطع الغيار من نفس المصدر و بنفس السعر و مش بعيد فى شحنة واحدة كمان ، و نفس الكلام ينطبق على تجار قطع الغيار خارج التوكيل ، الفرق الوحيد بين التوكيلين هيكون فى المعاملة ، و ممكن يحصل قدام فرق على حسب المستهلك المصرى هيتجه ناحية أى عربية فيهم أكتر و برضه مش هيبقى الفرق الواضح...

و دة فديووو مقارنة بين الاتنين Peugeot 301 vs Citroen C-Elysee - YouTube

المشاركة الأصلية كتبت بواسطة muslim_nsb

يا شباب ايه اخبار وسع العربيه حاجه كده زي الالنترا او السيراتو والصني في الوسع ولا زي الاكسنت rb و الريو

أوسع منهم بشكل واضح جداً لأن دي أوسع عربية في فئتها سواء الصالون أو الشنطة الخلفية.

عايز اسأل عن ارتفاعها عن الارض وطبعا انا مش خبير في السيارات والمطبات لكن عندي تجربة سابقة مع 5او 6 انواع من السيارات امتلكتهم ومشيت بيهم في مصر ووجدت اعلي سيارة او اقصد عشان انا مش خبير لان الامر يتعلق بطول قاعدة العجلات اضافة لارتفاع السيارة وجدت ان الباليو واللوجان كانوا بيعملوش اي مشاكل مع المطبات خصوصا وانا مسافر الريف في الشرقية اما الابيزا والانسر والهيونداي وحتب البي ام 318 كانوا بيحكوا في المطبات وكمان اليارس كت\انت كده واكتر ، علشان كده انا بسال السيارة الاليزية او البيجو 301 تشبه اي نوع من اللي انا ذكرتهم هل هما مثل اللوجان والفيات باليو ام مثل اليارس والابيزا ووو الخ وشكرا علي اجابتكم مقدما

المشاركة الأصلية كتبت بواسطة shawadfy2

عايز اسأل عن ارتفاعها عن الارض وطبعا انا مش خبير في السيارات والمطبات لكن عندي تجربة سابقة مع 5او 6 انواع من السيارات امتلكتهم ومشيت بيهم في مصر ووجدت اعلي سيارة او اقصد عشان انا مش خبير لان الامر يتعلق بطول قاعدة العجلات اضافة لارتفاع السيارة وجدت ان الباليو واللوجان كانوا بيعملوش اي مشاكل مع المطبات خصوصا وانا مسافر الريف في الشرقية اما الابيزا والانسر والهيونداي وحتب البي ام 318 كانوا بيحكوا في المطبات وكمان اليارس كت\انت كده واكتر ، علشان كده انا بسال السيارة الاليزية او البيجو 301 تشبه اي نوع من اللي انا ذكرتهم هل هما مثل اللوجان والفيات باليو ام مثل اليارس والابيزا ووو الخ وشكرا علي اجابتكم مقدما

سؤال مهم جداً وياريت حد يقدر يفيدنا وأعتقد ان السؤال ده يفضل طرحه كموضوع للنقاش لأن لازم نكون مطمئنين من ناحية ارتفاع العربية عن الأرض خصوصاً مع مطببات مصر اللي ملهاش مثيل في العالم.