تعالوا نتكلم شوية عن الى بيحصل فى غزة...(موضوع ساخن)..

**eng.octooo** · 22-01-2009 02:50 AM

انا والله كل مااقلب على قناة الاقى ناس بتموت وبيوت مدمرة وكل دة فى غزة ياريت الاعضاء كلها تتدخل وتقول رايها فى الابادة الجماعية دى اية

ومستنينكم

**hookyelyak** · 19-02-2009 06:24 PM

***************************
برجاء مراعاه الالفاظ وعدم التعصب
مشرف فرعي 1

**elassar2010** · 19-02-2009 08:20 PM

يباشا الموضوع هيقلب بخناقة وانذارات من الادارة وهيتقفل الموضوع

**SHNORY** · 19-02-2009 09:31 PM

المشاركة الأصلية كتبت بواسطة octooo

انا والله كل مااقلب على قناة الاقى ناس بتموت وبيوت مدمرة وكل دة فى غزة ياريت الاعضاء كلها تتدخل وتقول رايها فى الابادة الجماعية دى اية

ومستنينكم

اكتو باشا انا حقول رايي بكل صراحه في الموضوع ده
مع احترامي الكامل لكل نقطه دم نزفها جريح او شهيد في غزه
بس احنا بنشوف في التليفزيون والتليفزيون مهما كان فهو اداه اعلاميه بتوصللنا اللي هي عاوزه توصله
بغض النظر عن الحكومه بقي واللي الناس كل شويه تدخل تقول عليها كلام ايا كان سواء بالسلب او بالايجاب
بس ساعات الكلام بيوصل لنهايه مسدوده لانه مجرد كلام
لو علي المناقشات والمساعدات
بيتهيالي ان عندنا في مصر ناس كتير مش لاقيه تاكل
عندنا مستشفيات خيريه علي سبيل المثال مستشفي الاورام بتاعه الاطفال
عندنا ايتام
عندنا ناس مش مستنيين غير كلمه حلوه حتي لو من حد ميعرفوهوش
عندنا اعاده اعمار كبيره جدا جوه بلدنا الغاليه مصر وناسها الغاللين المصريين
اخواتنا واهالينا وجيراننا وقرايبنا وكل الناس اللي حوالينا
فيهم ناس كتييييييييييييير جدا محتاجين مساعدتنا ايا كانت
حتي لو مجرد اننا نكتب عنهم هنا
انا طول عمري محايد في اي موضوع سياسي او اي حاجه تعلق بالحكومه
لان مصر مش حكومه مصر شعب واحنا الشعب انا وانت وكل المجتمع اللي حوالينا
حنتناقش في ايه علشان غزه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟
الحكومه اللي معملتش وصادرت وحجبت وقفلت وهببت وهوب واحد يحدف طوبه والمناقشه تتحول لخناقه والخناقه تكبر والخ الخ الخ
طيب ما تيجوا نتناقش في ازاي نصلح نفسنا قبل ما نفكر نتكلم علي الغير وازاي حنصلح الغير
مينفعش اروح انضف وارتب بيتك غير لما يكون بيتي نضيف
غير كده تبقي مجرد شعارات وكذب
نبدا بنفسنا وبعد كده ندور علي غيرنا
العضو الفاضل اكتو
كلامي مش موجه لشخصك او لاي حد تاني
كلامي موجه لنفسي الاول قبل ما يكون موجه لاي شخص تاني
دا رايي في موضوع غزه والعراق وليبيا واي بلد تاني غير مصر
انا مصري ومش حضحي بنفسي غير علشان مصر ولا بقرش من مالي او صحتي او حتي كلامي غير لما مصر تبقي كامله متكامله من جواها احل مشكلتي الاول وبعدها ابقي اتكلم علي مشاكل غيري
ارجو ان محدش يزعل مني بس انا بحبها ورفضت فرص كتير للسفر علشان بحبها
ماهو الحب ساعات بيبهدل صاحبه بس بمزاجه وعن طيب خاطر

**hookyelyak** · 19-02-2009 09:51 PM

محمد الشنورى باشا:انا عاوز اسئل حضرتك سؤال
انتا كدة عاوزنا نشوف اخوتنا فى غزة بيتحرقوا وبيوتهم تتهد فوقيهم واحنا نقول مالناش دعوة لما نحل مشاكلنا نبقا نبصلهم .افرض ماتحلتش.هنستنى لما نشوف الشعب الفلسطينى كلة بيتحرق واحنا اعدين نتفرج.ولا نحاول نصلح نفسينا وفى نفس الوقت نعمل كل الى فى الأيد عشان نحميهم.وانا فى نظرى الفلسطينى اولى من المصرى فى الوقت دة لان ظروفة كارثية.

**SHNORY** · 19-02-2009 10:00 PM

المشاركة الأصلية كتبت بواسطة hookyelyak

محمد الشنورى باشا:انا عاوز اسئل حضرتك سؤال
انتا كدة عاوزنا نشوف اخوتنا فى غزة بيتحرقوا وبيوتهم تتهد فوقيهم واحنا نقول مالناش دعوة لما نحل مشاكلنا نبقا نبصلهم .افرض ماتحلتش.هنستنى لما نشوف الشعب الفلسطينى كلة بيتحرق واحنا اعدين نتفرج.ولا نحاول نصلح نفسينا وفى نفس الوقت نعمل كل الى فى الأيد عشان نحميهم.وانا فى نظرى الفلسطينى اولى من المصرى فى الوقت دة لان ظروفة كارثية.

يا باشا انا بقول راي شخصي وبتكلم عن نفسي ما اجبرتش حد انه يقول مليش دعوه وانا مقولتش مليش دعوه
بس انا عرضت قايمه اولوياتي االلي انا شخصيا مقتنع بيها
مش كل الناس بتفكر زيي او كل الناس بتفكر زي حضرتك
وبالنسبه لموضوع انك شايف الفلسطيني اولي من المصري فدي حريه شخصيه وراي شخصي لحضرتك مقدرش اجادلك فيه
ماهو مش ال 70 مليون حيعمروا مصر ولا حيعمروا فلسطين
كل واحد وليه تفكير و اولويات

**eng.octooo** · 20-02-2009 03:11 PM

وبعدين الكلام دة توجهوا للاعلام لانهم نسيوا المصريين الضايعيين وتوجهوا ناحية الشهداء فى غزة يعنى انا عندى معلومات عن شعب غزة اكتر من مصر ودة سببة الاعلام