اية الحكاية
دى انيل من السنة اللى فاتت
النور قطع 3 ساعات جة ساعة وقطع تانى ساعتين
دة اسبوع كامل على دة الحال وبعدين
اية الحل يعنى لاشغل ولا بيت ولا اى حاجة ؟!
حد بيقطع كدة زي عندنا فى اسكندرية ؟
عرض للطباعة
اية الحكاية
دى انيل من السنة اللى فاتت
النور قطع 3 ساعات جة ساعة وقطع تانى ساعتين
دة اسبوع كامل على دة الحال وبعدين
اية الحل يعنى لاشغل ولا بيت ولا اى حاجة ؟!
حد بيقطع كدة زي عندنا فى اسكندرية ؟
اة لسة راجع من نص ساعة بعد قطع ساعتين و نص و قطع الظهر
بس برده ارحم من المياة !!
فى القاهره فى شبرا او مصر الجديده بيقطع ساعة بالظبط
فعلا فى المندره عندنا قطع الساعه 1 الظهر ساعتين الا شويه وقطع الساعه حوالى 6 ساعه ونص كده وبقالوا كام يوم على الحال ده بس الصراحه احيانا مبيقطعش الظهر وللعلم عمره مكان بيقطع عندنا كده بالفترات دى .
وبجد المفروض وزير الكهرباء يشتغل شويه وينزل رجالته تشتغل وتمنع سرقه الكهرباء ويظبط العمارات المخالفه اللى ممعهاش تراخيص واللى مدخلهم كهرباء على حسابنا .
الواحد مش عارف هيعمل ايه فى الصيف وفى رمضان خصوصا لما المصيفين يضغطوا على اسكندريه ويزيد حمل الكهرباء
قطع خمس مرات النهارده فى البحيره كل مره من ساعه لساعه ونص .. عشان متزعلش مش انت لوحدك ههههههه
قاطع فى البيت عندى 3 مرات و فى الشغل زيهم برضه و فى وسط البلد و فى اوقات مختلفة
اليوم هو اليوم العالمى لقطع الكهرباء بالجمهورية كلها
قطع في شبرا كلها من الخلفاوي لحد سانت تريزا كدة لمدة ساعو ونص تقريبا من الساعة 8:30
فعلا الموضوع بقى بيتكرر يوميا
النهارده كانوا كويسين وقطعوا النور 3 مرات وكل مره ساعه بالظبط
مع انهم من اسبوعين نبهوا ولاول مره ان هيقطعوا الكرهباء يوم جمعه لمده 6 ساعات للصيانه ومن بعد الصيانه الدنيا بقت زى الفل الطبيعى مرتين فى اليوم بس بدأت تدخل على 3 و4 مرات فى اليوم
بس اللى مزعلنى ان فيه واحد كل ما النور يقطع تلقائى باخد ذنوب عليه استغفر الله
النهاردة في طنطا ... قطع 4 مرات كل مرة ساعتين وأخر مرة ثلاث ساعات ....
والبلد شبه غرقانة في ظلام دامس والمحلات بيتها مخروب ...
وربنا يستر !!!
تحياتي ...
ابتسم نحن في عصر النهضة ..... كله عالحال دة
قطع مرتين مره ساعتين ومره ساعتين
3 مرات كل مرة ساعة و نص دة غير الميه اللي بتقطع كمان :toothgrin::beated:
عندى فى دمياط الشارع الحربى تحديدا
بقالنا اسبوعين النور بيتقطع يوميا من 1 الى 4 ومن 6 الى 8 يعنى 5 ساعات يوميا بدون كهرباء
ولما نروح الشبكه يقولولنا ده مش مننا ده من المركز الرئيسى بطنطا
المصيبه بقى هيعملوا ايه فى رمضان والصيف
وعبيلوا واديلوا نهضه كمان
بأمانة يا جماعة النور مقطعش عندي في الشيخ زايد غير مرة من يومين لمدة ساعة والحمد لله من ساعتها مبقاش يقطع :))
الواحد قرف وطهق خالص
قطع مرتين كل مرة ساعة
ربنا يستر فى رمضان
انا عندى امتحان ومش عارف ازاكر بجد النور قطع 4 مرات وكل مره يقعد ساعتين واكتر منكو لله ياظلمه كهرباء وبندفع بتغلو وبندفع ومبنقولش لا
بيقطع مرتين مرة الصبح وبيقعد ساعتين ومرة بالليل وبيقعد ساعتين برده
منه لله هو وجماعته اللى عايزة الحرق دى ! :khd:
مش عايز ضرب بس النور عندى مابيقطعش فى الغالب ولو قطع بيقعد بالكتير تلت ساعة :)
ميه و نور !
أنا متهيألي مفيش بيت في مصر مقطعتش عنه الكهربا على الاقل مره واحده في أخر 48 ساعه. امبارح قطعت عندي الضهر مره وبالليل مره ومن نص ساعه مره ولسه مجتش.
امبارح قطع عندى مرتين وكمان معاه المية يعنى كهرباء ومية فى وقت واحد وكمان معاه التليفون لانه لاسلكى .... شفت نهضة اكتر من كده
انا كنت فاكر ان المنطقة عندى هي بس اللى فيها عطل وحتتصلح
طلع كل الجمهورية عطلانة ماهو اكيييييييييد مش الحل انهم يفصلوا الكهربا
Sent from my GT-N7100 using Forum Runner
باشا حضرتك ساكن فين :)))))))))اقتباس:
المشاركة الأصلية كتبت بواسطة Mahmoud_ezzo
Sent from my GT-N7100 using Forum Runner
أحب اضيف حاجة إن النور مش بيقطع في التجمع خالص عشان الرئيس المتخب مرسي الأول, من الواضح إن النهضة لسة موصلتش التجمع, أنا ساكن في الشارع اللي قبل مرسي وفعلا الكهرباء مش بتفكر بس إنها تقطع !!
كان ليا صديق من غزه كان بيقولى النور بيقطع تقريبا الصبح ويجى بليل يعنى 12 ساعه كهرباء بس احنا شكلنا هنبقى زيهم كفايه نهضه
كل ده حصاد الفساد القديم وان مكنش في اي تطوير نهائي من بعد السد العالي وشكرا علي كدا يعني كان ايام السد العالم كان عدد السكان في مصر لا يتعدي ال 20 مليون مصري دلوقتي بقينا ما شاء الله داخلين علي 100 مليون ومفيش اي تطوير حتي الصرف الصحي دلوقتي البلد كلها بقيت غرقانه في المجاري بسبب الصرف ومفيش مواسير قادره تستحمل الضغط اللي عليها وبردك الميه الحلوه نفس النظام ملناش غير ربنا بعد كدا يرحمنا بقا
السيده زينب/شبرا / ميدان الجيش
قطعوا مرتين كل يوووم بال3 ساعات
والشغل وقف خاااالص
القاهرة الجديدة وبالتحديد ارابيلا اللى انا كنت فيها مبتقطعش نهااااائى