وجهة نظرى سوزوكى التو 800 عربية مناسبة جدا للمدام وهى مميزاتها كتير أهمها انها قليلة الاعطال جدا واعتمادية وعملية جدا - الحاجة الثانية استهلاكها فى البنزين قليل جدا تقريبا كانت بتعمل معايا من 260 الى 280 كيلو فى الصفيحة بدون تكييف جوه البلد و فى الزحمة و الاشارات
و لكن فى السفر .... 390 كيلو فى الصفيحة- برضه البطارية الفبريكة قعدت معايا اربع سنين زى الفل ..وبعد كده روحت مزودلها ماء مقطر و اشتغلت برضه .. ده يدل على ان سوزوكى فيها جودة صناعة رائعة بصراحة و بتسافر و ممكن تجيب سرعات عالية كمان بس لغاية سرعة 100 كويسة لكن بعد كدة بتبقى خفيفة شوية فمحتاجه سيطرة شويه و لكن العربية فعلا ممتعة فى السواقة و سهلة فى الركن و برضة قطع غيارها متوفرة خارج التوكيل و مطلوبة فى اعادة البيع على فكرة ..
ملحوظه : كل الكلام ده عن تجربة ....