مطلوب عربية زيرو صغيرة بالتكييف للمدام والعيال

مع دخلة حر الصيف، المدام ضجت من العربية الـ 128 والنكد ابتدا

يا ترى ألاقى عندكم يا أهل سوزوكى طلبى:
عربية زيرو (يعنى بدون أعطال)
حجمها صغير (مناسبة داخل المدينة وظروف الركنة)
بتكييف طبعاً (يكون كويس جداً) وده سبب التغيير
العربية هتلف فى اطار 5 كيلومتر مربع طول عمرها مش هتطلع براهم

لو ممكن تفاصيل عن الألتو والسيلاريو وأسعارهم الآن
لأنى شفت أسعار كتير ومواتير مختلفة وكماليات مختلفة برضه

وهل تنصحونى بحاجة منهم ، واللا أدور بره سوزوكى؟

أنا أول حاجة فكرت فيها كانت السوزوكى علشان فيه فرع مودرن موتورز تحت البيت، فهاشيل عن كتافى موضوع الصيانة وتغيير الزيت إلخ ..

رجاء المساعدة ..

طب متشوف لانوس :)
1500 cc وتكيف حلو بردو.. ولا انت في دماغك حاجة معينة سوزوكي؟

خليك فى الالتو 800 cc و لو الشغل او الوزن هيبقى كتير على العربية فكر فى الاسبرانزا a 113
لان السيلاريو و الالتو 1.0 بصراحة سعرهم مبالغ فيه جدا جدا جدا
و الالتو 800 عربية بتنزل من 2008 و ناعمة جدا و اى حد بيشتغل فيها عادى و حاجاتها موجودة يعنى مش لازم تربط نفسك ب التوكيل اوى

اقتباس:

---

المشاركة الأصلية كتبت بواسطة khaled lanos

طب متشوف لانوس :)
1500 cc وتكيف حلو بردو.. ولا انت في دماغك حاجة معينة سوزوكي؟

---

شوف ، أنا معاك بصراحة ، وأنا فعلاً مش مستريح قوى من ناحية (السعر مقابل القيمة) .. بس هى مصرة على عربية صغيرة

اقتباس:

---

المشاركة الأصلية كتبت بواسطة mohamed_mesho3

خليك فى الالتو 800 cc و لو الشغل او الوزن هيبقى كتير على العربية فكر فى الاسبرانزا a 113
لان السيلاريو و الالتو 1.0 بصراحة سعرهم مبالغ فيه جدا جدا جدا
و الالتو 800 عربية بتنزل من 2008 و ناعمة جدا و اى حد بيشتغل فيها عادى و حاجاتها موجودة يعنى مش لازم تربط نفسك ب التوكيل اوى

---

الألتو 800 فيها تكييف ؟ ، وهل التكييف كويس بالرغم من أنها 800 سى سى؟
وتمنها كام لو سمحت؟

اقتباس:

---

المشاركة الأصلية كتبت بواسطة mohamed_mesho3

خليك فى الالتو 800 cc و لو الشغل او الوزن هيبقى كتير على العربية فكر فى الاسبرانزا a 113
لان السيلاريو و الالتو 1.0 بصراحة سعرهم مبالغ فيه جدا جدا جدا
و الالتو 800 عربية بتنزل من 2008 و ناعمة جدا و اى حد بيشتغل فيها عادى و حاجاتها موجودة يعنى مش لازم تربط نفسك ب التوكيل اوى

---

+1

Sent from my LT18i using Forum Runner

اقتباس:

---

المشاركة الأصلية كتبت بواسطة Egyzizo

شوف ، أنا معاك بصراحة ، وأنا فعلاً مش مستريح قوى من ناحية (السعر مقابل القيمة) .. بس هى مصرة على عربية صغيرة

---

هههههههه فكرتني ببنت خالتي مش عاجبها الجولف وعايزة حاجة أصغر منها :toothgrin:
بس طالما هي عايزة كدا خلاص..مع إن اللانوس مش كبيرة برده.
بس المهم هي الألتو 800 فيها تكيف؟ ومتهيألي لو فيها هيكون ضعيف والله أعلم..اللانوس 1500 ويدوب التكيف بيسقع شوية :)

فعلا زي ما الشباب قالو ... ممكن الالتو 800 طالما حضرتك مصمم على صغر حجمها ..واعتقد ان تكيفها على كلام الناس معقول
وان شاء الله تعجبك وربنا يباركلك فيها مقدما
بس بلاش موضوع التوكيل ده ... حتى ولو فتح فرع في الصالة بتاعتك :)
اسأل مجرب .... لاحسن انا ملسووع منه
تحياتي

الألتو 800
هى أنسب إختيار حسب طلبك عربية صغيرة وهاتشباك وتكيفها معقول على ما أسمع وقطع غيار متوافرة وسعرها زيرو تقريباً 56 ألف وسمعت إنها رفعت ل 60 ألف بس مش متأكد

أشكركم يا شباب
مع انى كنت فاكر سعرها أقل من كده
هاعدى عليهم النهارده ان شاء الله أشوف الأسعار

طب ما تشوف الماروتى و ركب لها تكييف ف مكان مضمون و هيا منتشرة عن الالتو

اقتباس:

---

المشاركة الأصلية كتبت بواسطة lidosasa

الألتو 800
هى أنسب إختيار حسب طلبك عربية صغيرة وهاتشباك وتكيفها معقول على ما أسمع وقطع غيار متوافرة وسعرها زيرو تقريباً 56 ألف وسمعت إنها رفعت ل 60 ألف بس مش متأكد

---

٦٠ الف على عربية ٨٠٠ سي سي وبالحجم ده بصراحة مبالغ فيها قوي وكمان ازاي تكييفها ده هيبقى تكييف
مهما تكن كفاءة الموتور وقوته الا علشان هيا حجمها صغير فتبريدها هيكون أسهل فقط
انت لو هتدفع ٦٠ الف جنيه ماتجيب قيرنا ولو انها هتبقى مستعمله أكيد بس أفضلك في كل حاجة تكييف وصيانه وقطع غيار ووسع كمان و١٦٠٠
وربنا يوفقك في القرار الصح ان شاء الله ومتنساش الاستخاره

انا صراحة اعترض ع الالتو اللي ب60 الف دي ده انا كده ادور علي هوندا تسعينات رياضية ولا فيرنا كسر زيرو ولا اسبرانزا 516 كسر زيرو ولا ممكن برليانس fsv

كلام مظبوط

اقتباس:

---

المشاركة الأصلية كتبت بواسطة Egyzizo

أشكركم يا شباب
مع انى كنت فاكر سعرها أقل من كده
هاعدى عليهم النهارده ان شاء الله أشوف الأسعار

---

كده سعر الالتو كمان مبالغ فيه جدا
و ادام حضرتك 3 حلول :-
1 ) انك تجيب ماروتى زيرو ب 42000 و تركب تكييف ب 3000 و دا ناس كتير مجرباه و كويس معاهم
2 ) انك تجيب اسبرنزا a 113 زيرو ب 64000 و دى عربية ممتازة بصراحة
3 ) انك تجيب اسبرنزا a 113 كسر زيرو يعنى تكون من 2010 و انت طالع و عدادها ميزدش عن 30000 كيلو و دى بتعمل من 40 : 50 الف و بتبقى حالات نظيفة جدا جدا جدا

هي الألتو بقـت بـ 60 ألف!! حرام والله :(
أنا كنت سامع ان الماروتي بـ 36 ألف أو حاجة زي كدا.

اقتباس:

---

المشاركة الأصلية كتبت بواسطة Khaled Lanos

هي الألتو بقـت بـ 60 ألف!! حرام والله :(
أنا كنت سامع ان الماروتي بـ 36 ألف أو حاجة زي كدا.

---

اخيارك قديمه....
الماروتي ب42ألف...
تحياتي

Sent from my LT18i using Forum Runner

اقتباس:

---

المشاركة الأصلية كتبت بواسطة habd

طب ما تشوف الماروتى و ركب لها تكييف ف مكان مضمون و هيا منتشرة عن الالتو

---

منصحش بالكلام دا اطلاقا
الفبريكا غير طبعا

اقتباس:

---

المشاركة الأصلية كتبت بواسطة alking_2006

منصحش بالكلام دا اطلاقا
الفبريكا غير طبعا

---

+1
وحضرتك اذا عايز زيروو يبقى مفيش قدامك غير اسبرانز113
صغيرة ونفس وقت مناسبه جدا للمدام والاولاد ان شاء الله
لان 60 كتيرر
اما اذا مش عايز تكييف ومصاريف قليله فى صيانه وقطع غيار
يبق ماروتى زيروو والله مستعان

وجهة نظرى سوزوكى التو 800 عربية مناسبة جدا للمدام وهى مميزاتها كتير أهمها انها قليلة الاعطال جدا واعتمادية وعملية جدا - الحاجة الثانية استهلاكها فى البنزين قليل جدا تقريبا كانت بتعمل معايا من 260 الى 280 كيلو فى الصفيحة بدون تكييف جوه البلد و فى الزحمة و الاشارات
و لكن فى السفر .... 390 كيلو فى الصفيحة:hlopaet_prv:- برضه البطارية الفبريكة قعدت معايا اربع سنين زى الفل ..وبعد كده روحت مزودلها ماء مقطر و اشتغلت برضه .. ده يدل على ان سوزوكى فيها جودة صناعة رائعة بصراحة و بتسافر و ممكن تجيب سرعات عالية كمان بس لغاية سرعة 100 كويسة لكن بعد كدة بتبقى خفيفة شوية فمحتاجه سيطرة شويه و لكن العربية فعلا ممتعة فى السواقة و سهلة فى الركن و برضة قطع غيارها متوفرة خارج التوكيل و مطلوبة فى اعادة البيع على فكرة ..
ملحوظه : كل الكلام ده عن تجربة ....

شكراً على نصائحكم الثمينة ..
أنا نزلت النهارده مودرن موتورز شفت العربية ..
سعرها 61.5 ألف جنيه

العربية منفضة يا جدعان ..
هو دركسيون وتكييف وخلاص ..

مافيهاش حتى سنتر ، ولا ازاز كهربا
مافيهاش حتى عداد rpm
تخيلوا مافيهاش كاسيت ولا سماعات ..

أنا قفلت منها بصراحة
وطبعاً المهمة أصبحت سهلة مع المدام لما هتعرف ان مافيهاش كاسيت ..

تفتكروا ايه البديل
هل السبيرانزا 113 كويسة
واللا أشوف دايو جوليت تكون حالتها كويسة يبقى أفضل؟
واللا تقترحوا بديل تانى؟

التو بــ 60 الف الطم .. الطم

شوف ياباشا
الاسبرانزا 113 بتنزل بكل حاجه فيها
باور - تكييف - كاسيت - سنتر - rpm
وهيا تقريبا للى انت عايزة
بعد كدة بقا عند هونداي i10 وبيكانتوو بس طبعا هتعلي كتير عن حيذ ال60 الف
تقريبا هتبدي تلعب فى 70 وانت طالع كلام دة زيروو طبعا
اما مستعمل مقدرش افيد وان كان يفضل زيرو خاص وان ست للى هتسوق تجنباا لمشاكل واعطال طريق مستعمل
والله اعلم..

انصحك بعدم شراء الالتو .. ودى نصيحه شخصيه مش عن تجربه لان حرام جدا تدفع 60 الف جنيه فى عربيه بالحجم ده والامكانيات دى
انا عن نفسي راكب ماروتى 2013 ومقتنع بيها جدا علشان انا مكنش معايا مبلغ اجيب بيه عربيه مستعمله وكنت جبت اخرى من المواصلات وبالذات بعد الجواز ومجرد ماعملت 15 الف جنيه روحت حطيتهم فى ماروتى تقسيط وانا جبت زيرو عشان مصرفش بعد الشراء زى العربيات المستعمله والعربيه ماشاء الله عمليه جدا و مريحانى
وبرضه لا انصح بتركيب تكييف لان اكيد اكيد اكيد حتواجه مشاكل كتير بعد اللعب فى فبريكه العربيه وخصوصا انك بتضيف حمل علي الموتور وده غير مستحب بالمره لان الموتور 37 حصان يعني يدوب على قد العربيه واربع ركاب
وانا شايف انك بتقول اجيب جولييت ولا لا طبعا لو فى واحده استعمال كويس ومعاك تمنها خلص من غير تفكير الجولييت عربيه جميله جدا
وبالتوفيق ان شاء الله

اقتباس:

---

المشاركة الأصلية كتبت بواسطة dr.hazem

اخيارك قديمه....
الماروتي ب42ألف...
تحياتي

sent from my lt18i using forum runner

---

دي الدنيا اتغيرت جامد بقى :)
تحياتي.

اقتباس:

---

المشاركة الأصلية كتبت بواسطة Khaled Lanos

دي الدنيا اتغيرت جامد بقى :)
تحياتي.

---

:welcome1:
مفيش حاجه بتفضل ع حالها خالد بيه ^_^

اقتباس:

---

المشاركة الأصلية كتبت بواسطة LORD.ADeL

:welcome1:
مفيش حاجه بتفضل ع حالها خالد بيه ^_^

---

هييييييييييييه دنيااا :)

طيب ماتدور على ماروتى مكيفه احنا عندنا واحده موديل 2005 وفيها تكيف فابريكا مش تركيب

اقتباس:

---

المشاركة الأصلية كتبت بواسطة eleanor

طيب ماتدور على ماروتى مكيفه احنا عندنا واحده موديل 2005 وفيها تكيف فابريكا مش تركيب

---

يا ريت ألاقى حاجة كده تكون حالتها كويسة.


حد يعرف تكييف الألتو أحسن واللا تكييف الـ 113؟

اقتباس:

---

المشاركة الأصلية كتبت بواسطة amrseif

وجهة نظرى سوزوكى التو 800 عربية مناسبة جدا للمدام وهى مميزاتها كتير أهمها انها قليلة الاعطال جدا واعتمادية وعملية جدا - الحاجة الثانية استهلاكها فى البنزين قليل جدا تقريبا كانت بتعمل معايا من 260 الى 280 كيلو فى الصفيحة بدون تكييف جوه البلد و فى الزحمة و الاشارات
و لكن فى السفر .... 390 كيلو فى الصفيحة:hlopaet_prv:- برضه البطارية الفبريكة قعدت معايا اربع سنين زى الفل ..وبعد كده روحت مزودلها ماء مقطر و اشتغلت برضه .. ده يدل على ان سوزوكى فيها جودة صناعة رائعة بصراحة و بتسافر و ممكن تجيب سرعات عالية كمان بس لغاية سرعة 100 كويسة لكن بعد كدة بتبقى خفيفة شوية فمحتاجه سيطرة شويه و لكن العربية فعلا ممتعة فى السواقة و سهلة فى الركن و برضة قطع غيارها متوفرة خارج التوكيل و مطلوبة فى اعادة البيع على فكرة ..
ملحوظه : كل الكلام ده عن تجربة ....

---

+1

اقتباس:

---

المشاركة الأصلية كتبت بواسطة egyzizo

شكراً على نصائحكم الثمينة ..
أنا نزلت النهارده مودرن موتورز شفت العربية ..
سعرها 61.5 ألف جنيه

العربية منفضة يا جدعان ..
هو دركسيون وتكييف وخلاص ..

مافيهاش حتى سنتر ، ولا ازاز كهربا
مافيهاش حتى عداد rpm
تخيلوا مافيهاش كاسيت ولا سماعات ..

أنا قفلت منها بصراحة
وطبعاً المهمة أصبحت سهلة مع المدام لما هتعرف ان مافيهاش كاسيت ..

تفتكروا ايه البديل
هل السبيرانزا 113 كويسة
واللا أشوف دايو جوليت تكون حالتها كويسة يبقى أفضل؟
واللا تقترحوا بديل تانى؟

---

هى فعلا ما فيهاش الأوبشن بتاع الاسبيرانزا ولكني أفضلها عنها ... لأنها فعلا نادرة الأعطال

وكمان مكان الكاسيت موجود والسماعات كمان مكانهم موجود في التابلوه وممكن تركب سماعتين على الرف ورا .. وعلى فكرة ده أحسن من إنك تجيب عربية فيها كاسيت وسماعات في الفئة دي .. لأن غالبا بيكونوا أي كلام وانت دفعت فلوسهم خلاص .. لكن دي هاتنزل تجيب الكاسيت اللى يعجب حضرتك والسماعات اللى انت عايزها وتركبهم

والتكييف بتاعها تلاجة بمعنى الكلمة .. في عز الحر أنا مش بقدر أجيبه على 3 إلا دقائق لما أكون لسة راكب العربية هي مركونة في الشمس مثلا وبعد كدة أجيبه على 2 وبعد كدة أجيبه على 1 .. وبعد كدة ببعد الريش عني الناحية التانية (بس ده لو فضلت سايق مدة كبيرة طبعا) .. وعلى فكرة أنا من الكائنات اللى بتعز السقعة جدا ومش بتقدر تقعد من غير التكييف في أي مكان وطوال الـ 24 ساعة

أهم ميزة فعلا هاتحس بيها هي توفير البنزين الرهيب بتاعها جوة البلد بتعمل 330 كيلو في الصفيحة في المتوسط وبرة البلد ممكن توصل لـ 360 بشرط السير على سرعة هادية لا تتعدى 90 كيلو متر في الساعة .. ولو هاتقرص عليها لغاية 120 - 130 - 150 مثلا الميزة دي بتروح تماما لكن هي بتجيب السرعات دي بكفاءة لو مش محمل حاجات ثقيلة

العفشة بتاعتها ما شاء الله لغاية دلوقتي طوال الخمس سنوات اللى فاتوا ما احتاجتش أعمل فيها اي حاجة نهائيا

اقتباس:

---

المشاركة الأصلية كتبت بواسطة d . A .\ ayman

+1

هى فعلا ما فيهاش الأوبشن بتاع الاسبيرانزا ولكني أفضلها عنها ... لأنها فعلا نادرة الأعطال

وكمان مكان الكاسيت موجود والسماعات كمان مكانهم موجود في التابلوه وممكن تركب سماعتين على الرف ورا .. وعلى فكرة ده أحسن من إنك تجيب عربية فيها كاسيت وسماعات في الفئة دي .. لأن غالبا بيكونوا أي كلام وانت دفعت فلوسهم خلاص .. لكن دي هاتنزل تجيب الكاسيت اللى يعجب حضرتك والسماعات اللى انت عايزها وتركبهم

والتكييف بتاعها تلاجة بمعنى الكلمة .. في عز الحر أنا مش بقدر أجيبه على 3 إلا دقائق لما أكون لسة راكب العربية هي مركونة في الشمس مثلا وبعد كدة أجيبه على 2 وبعد كدة أجيبه على 1 .. وبعد كدة ببعد الريش عني الناحية التانية (بس ده لو فضلت سايق مدة كبيرة طبعا) .. وعلى فكرة أنا من الكائنات اللى بتعز السقعة جدا ومش بتقدر تقعد من غير التكييف في أي مكان وطوال الـ 24 ساعة

أهم ميزة فعلا هاتحس بيها هي توفير البنزين الرهيب بتاعها جوة البلد بتعمل 330 كيلو في الصفيحة في المتوسط وبرة البلد ممكن توصل لـ 360 بشرط السير على سرعة هادية لا تتعدى 90 كيلو متر في الساعة .. ولو هاتقرص عليها لغاية 120 - 130 - 150 مثلا الميزة دي بتروح تماما لكن هي بتجيب السرعات دي بكفاءة لو مش محمل حاجات ثقيلة

العفشة بتاعتها ما شاء الله لغاية دلوقتي طوال الخمس سنوات اللى فاتوا ما احتاجتش أعمل فيها اي حاجة نهائيا

---

للأسف بعد ما كنت بارجح كفة سبيرانزا 113 ، لقيت سعرها زاد النهارده لـ 68 ألف ، فرجعت تانى أفكر فى الألتو ، وأركب سنتر وكاسيت وأمرى لله.

طيب ماتشوف الالتو k10 ١٠٠٠ سى سى وسعرها معقول وفيها تقريبا اوبشنز زياده عن الالتو ٨٠٠ سى سى بس الامهم تلاقيها اما شخصيا بدور على واحده

اقتباس:

---

المشاركة الأصلية كتبت بواسطة D . a .\ AYMAN

+1






هى فعلا ما فيهاش الأوبشن بتاع الاسبيرانزا ولكني أفضلها عنها ... لأنها فعلا نادرة الأعطال

وكمان مكان الكاسيت موجود والسماعات كمان مكانهم موجود في التابلوه وممكن تركب سماعتين على الرف ورا .. وعلى فكرة ده أحسن من إنك تجيب عربية فيها كاسيت وسماعات في الفئة دي .. لأن غالبا بيكونوا أي كلام وانت دفعت فلوسهم خلاص .. لكن دي هاتنزل تجيب الكاسيت اللى يعجب حضرتك والسماعات اللى انت عايزها وتركبهم

والتكييف بتاعها تلاجة بمعنى الكلمة .. في عز الحر أنا مش بقدر أجيبه على 3 إلا دقائق لما أكون لسة راكب العربية هي مركونة في الشمس مثلا وبعد كدة أجيبه على 2 وبعد كدة أجيبه على 1 .. وبعد كدة ببعد الريش عني الناحية التانية (بس ده لو فضلت سايق مدة كبيرة طبعا) .. وعلى فكرة أنا من الكائنات اللى بتعز السقعة جدا ومش بتقدر تقعد من غير التكييف في أي مكان وطوال الـ 24 ساعة

أهم ميزة فعلا هاتحس بيها هي توفير البنزين الرهيب بتاعها جوة البلد بتعمل 330 كيلو في الصفيحة في المتوسط وبرة البلد ممكن توصل لـ 360 بشرط السير على سرعة هادية لا تتعدى 90 كيلو متر في الساعة .. ولو هاتقرص عليها لغاية 120 - 130 - 150 مثلا الميزة دي بتروح تماما لكن هي بتجيب السرعات دي بكفاءة لو مش محمل حاجات ثقيلة

العفشة بتاعتها ما شاء الله لغاية دلوقتي طوال الخمس سنوات اللى فاتوا ما احتاجتش أعمل فيها اي حاجة نهائيا

---

موافق على الكلام ده
انصحك بشراء الالتو وبعدين تحط فيها اللى انت عاوزه
السماعات الاماميه موجوده والتكييف جميل عموما جميله ماشاء الله
عن تجربه:ma(36):