سؤال بخصوص السماعات الخلفية صني 2013 الشكل القديم

**MoatazGalal** · 30-05-2013 06:46 PM

كلام حضرتك صحيح بالنسبة لتركيب السماعات مش هيأثر على الضمان و ده كلام المهندس فى التوكيل.
وكنت عايز اركب الميزان الأمامي. الأول قالي انه مش مسموح يعمل تعديل فى السيارة و بعد اصرار سأل حد من اللى مسئولين عن الضمان و قاله مفيش اي مشكلة انه يتركب بس هو مش موجود عندهم دلوقتي و هيبعتوا يجيبوه و لما يوصل هيكلموني.
و بالنسبة للتكلفة البار الحديد 950 اما عن باقى الجلب قالي هرد عليك و بصراحة نسيت اسأل عليها تاني عشان كان عندي زنة طالعة من الكنبة الجانب الأيسر و متصلحتش و دخل العربية الورشة تاني و بعد ما جربتها كانت كويسة و فى طريق الرجوع بعد ما عديت المحور ظهرت تاني. فى حد عنده اقتراحات بالنسبة للزنة دي :(
و ركبت فلتر التكييف سعره بالضريبة 220.

**MoatazGalal** · 30-05-2013 06:50 PM

المشاركة الأصلية كتبت بواسطة ramy rateb

المقصود ١٦ سم .. و تركيبهم مفهوش مشكلة بالنسبة للضمان.
بالنسبة للوات فلازم تعرف المعلومات ديه:
الكاسيت عندنا ال max output power = 50*4 watt
السماعات ٣٥٠ وات (السونى) خرجها الحقيقى ٦٠ وات.
السماعات ٢٤٠ وات (السونى) خرجها الحقيقى ٤٠ وات.
مع العلم أن ال ٣٥٠ وات سماعة ٤ واى .. و ال٢٤٠ وات سماعة ٣ واى
الاتنين كويسين مع أنى أفضل ال ٣٥٠ وات.

شكرا للمعلومة و ان شاء الله بعد التركيب هبلغكم عملت ايه.
فى اى اقتراحات بالنسبة للسماعات الأمامية و لا بلاش نفك الفبر بتاع الأبواب احنا مش ناقصين اصوات زيادة فى الصالون :)

**jojojojo** · 31-05-2013 12:10 AM

في ناس متخصصه بتفصل كارتيرات ودلايات فيبر لاي عربيه عندنا في المنصوره شارع في الناس ديه واكيد في القاهره فيه ناس كده والدلايات بيعملك الاربعه ببرشام بتاعها بحوالي 40 ج وع فكره مش هيخرم في الصاج عشان اصلا الصني الشكل القديم المصنع عامل تخريم للدلايات والكرتيرات الخلفيه فمش هتحتاج يخرم في الصاج

**د.محمدعبدالعال** · 31-05-2013 04:27 AM

بالنسبة للفرش الجلد فيه مصنع اسمه النوران عامل فرش جلد محترم جدا مخصوص للصني .. المصنع ده له فرع بيع في التوفيقية في مبنى كده فيه محلات كتير للوازم السيارات .. ويعمل حوالي 850 جنيه وتركيبه + فرش أرضية السيارة جلد كويس عند أي سروجي هيبقى حوالي 500 جنيه

**Ramy Rateb** · 31-05-2013 07:51 PM

المشاركة الأصلية كتبت بواسطة moatazgalal

شكرا للمعلومة و ان شاء الله بعد التركيب هبلغكم عملت ايه.
فى اى اقتراحات بالنسبة للسماعات الأمامية و لا بلاش نفك الفبر بتاع الأبواب احنا مش ناقصين اصوات زيادة فى الصالون :)

انا فى الحقيقة معرفش اللى راكب فى الأبواب نوعهم أو قدرتهم كام وات .. بس لو انت ركبت السماعات ورا أظن أنك مش هتحتاج تغيير السماعات الأمامية .. جرب الأول اللى ورا و بعد كده أحكم.

**amrlilo** · 26-02-2014 03:51 PM

طب هو فى سؤال هو صوت السماعات الاماميه ضعيف يعنى لازم اجيب سماعات فى الخلف و هل لو ركبت مش هخرج من الضمان؟

**AbdelRa0uf** · 27-02-2014 01:14 PM

هوا مقاس السماعات الامامية كااااام يا جدعاان لو سمحتو ؟؟؟

**amrlilo** · 27-02-2014 01:56 PM

هو حضرتك برده معندكش سماعات خلفيه يا استاذ AbdelRa0uf

**AbdelRa0uf** · 27-02-2014 11:38 PM

لا انا سوبر صالون 2010 و عندى 4 سماعات و عايز اغير السماعات بس مش عارف مقاس اللى قدام اد ايه !!!

الموضوع: سؤال بخصوص السماعات الخلفية صني 2013 الشكل القديم

LinkBack

أدوات الموضوع

عرض

-

-

المواضيع المتشابهه

سيراتو الشكل القديم 2013 او هيونداي النترا الشكل الجديد

النيسان صنى الشكل القديم 2013 ولا الشكل الجديد

سؤال بخصوص استلام نيسان صني اكس صالون الشكل القديم 2013

ممكن اعرف بس نوع السماعات الفى لانسر 2007 الشكل القديم

عايزين نعرف السماعات الفى اللانسر الشكل القديم نوعها اية

الكلمات الدلالية لهذا الموضوع

المفضلات

المفضلات

ضوابط المشاركة