السلام عليكم أعضاء المنتدى الكرام
انا لسه شارى اوبل كورسا موديل 1998 موتور 1400 سىسى
وصاحبها أكدلى ان عداد الحرارة بيقرأ غلط ... بمعنى ان اول ما أدور العربية وامشى شوية بسيطة بالاقى العداد قرأ على 100 مع ان المروحة شغااالة وسحب العربية عادى خالص والمياة اللى فى الريداتير مش بتنقص ؟
ارجوكم فيدونى اروح لميكانيكى ولا لكهربائى وهيعمل ايه عشان مايشتغلنيش ؟
اخر حاجة ايه افضل زيت للموتور ؟
بص ياباشا علشان تجيب من الاخر دورة الحرارة بتاعة اي عربية في الدنيا دورة مقفولة المياة بتلف فيها تاخد السخونة و تعدي علي الريادياتير تبرد و تدخل تاني تاخد السخونة و هكذا
خلال الدورة دي فيه شوية حساسات بتحس بالحرارة كل واحد منهم مسؤل عن حاجة
واحد مسؤل عن تشغيل المراوح
واحد مسؤل عن قراية عداد الحرارة
و هكذا
شوف المواضيع دي و حضرتك هتلاقي ناس افضل مني شارحين كل حاجة بالتفصيل
http://www.nilemotors.net/Nile/344792-a.html
و ده موضوع مخصوص لثرموستات الكوعة
http://www.nilemotors.net/Nile/328708-a.html
ممكن حضرتك تغير حساس الحرارة الاول اللي بيدي القراية للعداد و تشوف
في الاخر خالص بقي لو كل حاجة سليمة يبقي العداد بيقري غلط او عايز يتعاير و ساعتها لازم تغيره
والله اعلي و اعلم
اقتباس:
المشاركة الأصلية كتبت بواسطة mitsukero
شكرا ليك على الاجابة بس حساس الحرارة ده هو الترموستات ؟؟؟
لا ده حاجة تانية الثرموستات حاجة و الحساس حاجة