مشكلة تحدث فى الساجا ارجو مساعدة الاعضاء

**amrseif** · 21-05-2013 03:30 PM

السلام عليكم على اعضاء المنتدى الكرام ...
عندى عربية ساجا اوتو 2012 بتحصل فيها مشكلة و هيا لما اجى ادوراحيانا بعد كام ثانيه كده الاقى العربية تترجرج جامد جدا فى الموتور و تابلوه العربية و كمان الدريكسيون لمدة 20 او 30 ثانيه كدة و بعدين تبقى عادى و بعدين احس ان المشكلة انتهت بس و انا ماشى فى السكة تيجى العربية تهدى لما المس فرامل تحصل نفس الرجرجة بشكل واضح كانها كدة هتبطل لكن مبتبطلش .
علما بأن الار بى ام بيبقى تقريبا على 6.5 ( اللى هو تحت الواحد ) و انا على وضع
ال D ده عادى و للا ايه ؟؟ ان حاسس ان كدة قليل .. ايه رايكم ؟؟
بس الار بي ام بيبقى على 8.5 تقريبا و انا على وضع ال n ..
على فكرة انا روحت التوكيل قاللى سببها تفويلة بنزين مغشوش !!!!!!! و نظف فلتر الهواء و بوابه الحريق و لكن المشكلة مازالت تحدث .
أرجو الافاده و جزاكم الله خيرا

**amrseif** · 21-05-2013 03:59 PM

فين المشاركات يا جماعة ؟؟ فين أسود البروتون ؟؟؟

**MaZaGAngeE** · 21-05-2013 04:36 PM

ممكن كهربا زيادة ....

**Al-Farooq** · 21-05-2013 05:23 PM

ممكن البنزين المغشوش يعمل كدة فعلا.
وبخصوص الار بي ام ، انا عندي نفس الحكاية فى برسونا على ال d اقل من على الn.

**eng.m7md.ali** · 21-05-2013 06:39 PM

البنزين فعلا يا باشا .. استعمل منضف الانجيكشن

**neejm** · 22-05-2013 01:52 AM

طيب مطبيعي ان ال rpm عال d يكون اقل من ال n ايه المشكله في دا كله كده

**osamashawky** · 22-05-2013 02:38 AM

اكشف على البوجيهات يا باشا لازم هتلاقي فيها رطوبة غيرها و هتدعيلي

**amrseif** · 22-05-2013 09:19 AM

اولا انا اسف على تاخير الرد :
شكرا لكل المشاركات الفعالة فى هذا الموضوع ....
بس بالنسبة لمنظف الانجيكشن ممكن اعرف اسمه ايه و اجيبه منين و بكام و هل موجود فى التوكيل ؟
بالنسبة للكهرباء تنصحونى اكشف عليها فى التوكيل و للا بره ؟
بالنسبة للبوجيهات العربية عاملة 3700 كيلو تقريبا ( انا استخدامى قليل ) هل اغيرها دلوقتى ؟؟
و شكرا لكل من رد عليا و اعطانى نصيحة - شكرا للأعضاء :
MaZaGAngeE و Al-Farooq و eng f3lix و neejm و osamashawky

و أتمنى اى عضو عنده معلومات زياده يفيدنا بيها

**eng.m7md.ali** · 22-05-2013 11:34 AM

منضف الانجيكشن من اي محطة بنزين . . احسن نوع اسمه stp

حضرتك بتفول العربية وتحط نص الازازة في التانك وامشي حوالي 200 كيلو مثلا وفول تاني وحط باقي الازازة

بالنسبة للسعر ممكن يعمل 38 جنيه

البوجيهات ملهاش علاقة عشان انا لسة مغيرها وحصل الرجة دي بردو

**amrseif** · 22-05-2013 11:56 AM

المشاركة الأصلية كتبت بواسطة eng f3lix

منضف الانجيكشن من اي محطة بنزين . . احسن نوع اسمه stp

حضرتك بتفول العربية وتحط نص الازازة في التانك وامشي حوالي 200 كيلو مثلا وفول تاني وحط باقي الازازة

بالنسبة للسعر ممكن يعمل 38 جنيه

البوجيهات ملهاش علاقة عشان انا لسة مغيرها وحصل الرجة دي بردو

شكرا لحضرتك و جزاك الله خيرا ..