الأوفر بريس و الشعب المصرى

**Ramy Rateb** · 21-05-2013 08:01 PM

بسم الله الرحمن الرحيم

طبعا كلنا عارفين المشكلة الحالية الخاصة بالأوفر بريس أو فترة الأنتظار الطويلة لسيارات نيسان .. أفتكرت قصة كنت سمعتها من فترة و كنت حابب أقولها لكم و من حسن الحظ لقيت زميل محترم سبقنى فى كتابتها و اللينك بتاعها ده :

http://www.nilemotors.net/Nile/351570-a.html

كل واحد فينا أكيد بيحصل قدامه موقف غلط فتلاقيه بدون ما يشعر يقول : "هو ده الشعب المصرى .. عمره ما هيتغير".

حد فكر أنه واحد من الشعب ده .. و أن تصرفاته بتخضع لنفس المقولة.
هل لو كل واحد فينا قرر يعمل زى الشعب الأرجنتينى تفتكروا التجار هيستغلونا فى قصة الأوفر بريس.

ربنا يهدينا جميعا و يرفع البلاء عن مصرنا..

دمتم جميعا بخير

**amr elsisi** · 21-05-2013 09:02 PM

هوا كدة الشعب المصري
يؤمن بمن يقودة ولم يؤمن بانة ممكن يكون القائد

**FBIAhmed** · 22-05-2013 10:42 AM

هو للاسف المشكله تكمن في ان المفروض يكون في مقاطعه لاي نوع سياره و بالذات التجميع المحلي ترفع سعر و تاخر السيارات على العملاء عشان تروح تشتريها اوفر برايس و عشان ده يحصل لازم تتعمل حملات توعيه للناس سواء من خلال الفيس بوك او المنتديات

**Ramy Rateb** · 22-05-2013 06:22 PM

المشاركة الأصلية كتبت بواسطة the_air_devil

بسبب انتشار الخرافات في البلد والإشاعات , المنطقي ان اللي معاه فلوس كاش في الشنطة يحطها عالترابيزة وياخد العربية بسعر أقل بحوالي من ألفين إلى 5 ... لكن الفعلي في مصر المحروسة ان اللي معاه فلوس كاش بيروح يشتري العربية بسعر أعلى بدعوى انها تسليم فوري !!! ... مش فاهم هي يعني تسليم فوري انها كانت مخطوفة مثلاً والتمن ده هو الفدية ..؟؟!!

تشجيع الناس للتجار على كدة وعدم معارضتهم للجشع, أدى لتجرؤ التجار على استغلال الناس وتقليب كل الفلوس الزيادة اللي معاهم

يوم ما روحت أستلم العربية من المعرض قعدت أتكلم مع مندوب من عندهم على زيادة الأسعار و الأوفر بريس .. فقال لى : " زمان كنا بنعد نتحايل على العميل و نعمل تخفيض على العربية عشان يشترى , بس دلوقتى الطلب زاد و بقى فيه قائمة حجز طويلة و مش محتاجين نعمل عروض على العربية" .
التجار عارفين أن الطلب زاد و أننا مش بنستحمل نقف فى الطابور

**mem** · 22-05-2013 06:47 PM

احنا اللى عملنا كدا فى نفسنا
وبعدين نرجع نقول مش عارف ايه
لو كل واحد وقف للجشع بتاع التجار ورفض المساومات بتعتهم
ما كنوش عملوا كده
لكن احنا للاسف اللى بنعطيهم الفرصه