هل السواقه تصيب بضغط الدم و امراض القلب ؟ -- جادد جداا و دعوه للحوار
اصدقائي الافاضل
بقالي كام يوم كده ملاحظ المواضيع الحلوه الهدافه الجاده ههههههه اللي موجوده ففكرت اعمل موضوع جديد نتناقش فيه علشان الخيبه اللي احنا فيها
المهم طبعا مش كل الناس تعرف انا انا العربيه الشخصيه بتاعي هي بيتلز موديل 1969 بلا فخرر
و بصراحه الشوارع بقت حاجه فعلا بتصيب بالضغط يعني تمشي بالعربيه تلاقي واحد كسر عليك من غير اشاره ولا نيلهو التاني جاي عكسي في وشك و مدي النور العالي و لما تكلمه يقولك انت مش شايفني يعني ؟ و التالت واقف ميكروباص بيحمل في نص الشارع و العربيات واقفه مستنيه يحمل و الرابع ميكروباص واحد يروح مشاورله فجاه و لا يجي ينزل في نص الطريق و لا الرابع اللي مفيش حد ماشي قدامه و ايديه علي الكلاكس كانه عنوان للرجوله او صفه تميززز ؟؟؟؟
بجد مشعارف كل يوم الواحد لازم يلاقي حد يحرق دمه
والغريب ان مش شرط ان اللي يعمل كده عربيه قديمه لكن ناس شكلها محترم و عربيات محترمه
ايه الحل ايه الحل في مشكله السلوك و الاخلاق هل لانعدام الامن بس الكلام ده من زمان موجود و لكن استفحل هل لغياب الوعي او الثقافه او التعليم ليه كده الواحد بقا يتمني يركب تاكسي و يسيب العربيه
طيب هنفضل كده لامتي
وبعدين في حاجه تانيه هل الردع في العقاب هو الي بيمنع الفعل للعمل السيء ام الاخلاق و ايه اللي بينطبق عليا احنا المصريين
هل احنا لازم اللي يحكمنا يكون من حديد و نار
و في حاجه تانيه برضه عايز اسالكم عليها
انا مش من النوع اللي بيمشي عكسي او مخالف فدايما لما كان حد بيمشي عكسي او بيجري بغباوه اشتمه لحد ما كنت في مره عندي مشكل و لازم الحق الميعاد باي طريقه فكنت بجري جدا و بكسر و مشيت عكسي و نيله فقلت ما جايز اللي بيجري ده عنده مصيبه و لا حاجه فامبقتش اشتم بس للاسف في ناس بجد غبيه جدا زي واحد النهارده وانا ماشي علي اقصي اليمين في صلاح سالم بسرعه 70 كم-س
و واحد راكب بي ام موديل 2013 و بيديني نور!!!!!!!!!!!!!!!!!!!!!!!!
يعني اوسع لك و انا علي اليمين ولا اشد بالبيتلز جامد يمكن تعرف تجيبني انا بدعوكم للحوار اللي بجد هو مشكله للسلوك والاخلاق --- منتظر تعليقاتكم و شكراا لكم