هل السواقه تصيب بضغط الدم و امراض القلب ؟ -- جادد جداا و دعوه للحوار

اقتباس:

---

المشاركة الأصلية كتبت بواسطة ashraf_ibrahim

بدون أي شك هي بتسبب ضغط كبير جدا وممكن تقلب بضغط وبسكر وبحجات حلوة كتير
المشكلة تتلخص في شوية حجات
اولا احنا شعب يخاف ميختشيش وما دام مفيش قانون او وازع يجعل الغير يلتزم محدش هيلتزم
انا لما بكون مروح بالليل على 1 كدة مش بيكون فيه عساكر مرور بقف في الاشارات الضوئية مع الاضاءة الحمراء عاوز اقلك باخد كمية شتايم وكلاكسات ونور عالي وبتاع وانا قافل ازاز عربيتي وواقف ولا مدي اي اهمية للناس دي
ثانيا يا عزيزي احنا شعب دخل عليه مصطلح جديد يسمى الحرية وللأسف بيستخدمه بطريقة خاطئة تماما فهو متفهم ان الحرية انه يعمل كل اللي هو عاوزه بس في نفس الوقت متناسي حرية الاخرين ووجوب احترامهم وعدم المساس بامنهم او راحتهم مطلقا
الاهم من كل دا اننا متأخرين جدا في الثقافة يعني اتمنى اول في مرحلة اننا نربط الحزام مع تحريك المفتاح في الكونتاكت كثقافة ان الناس تفهم ان الحجات دي لمصلحتها مش تعسيف او حاجة
لما بكون في البلد واكون ماشي ورابط الحزام او حاجة باخد تريقة للصبح ومش من حد غريب من اعمامي يعني :d
اخر نقطة ان الرخص ما شاء الله كلها بالمحسوبية والفلوس وكل حاجة حلوة
رشا بتسلم عليك يا اتش :d

---

ههههههه و انت طيب ياابو رشا

اقتباس:

---

المشاركة الأصلية كتبت بواسطة aymanshebl

للاسف كل اللى حضرتك قولته صح يكفى انك ممكن تلاقى توك توك ماشى عكسى فى طريق سريع المشكلة فى الشعب نتيجة لغياب الوعى و الفقر و الجهل و الاستهانة بادق الامور و التعليمات الخاصة بالقيادة و السير العكسى لا يبرره الظروف اللى انا فيها يعنى انا عندى ظرف طارى و عاوز اوصل بسرعة امشى عكسى لا طبعا لان لا قدر الله ممكن اعمل حادثة اذى بيها نفسى و غيرى و برده مش هوصل بسرعة انما الواحد مضطر انه يمشى عكسى لو الطريق فيه اصلاحات او تحويلات او ما شابه و انا عن نفسى اى مشوار لو بالموصلات بروحه من غير العربية لان لما بسوق بالعربية اعصابى بتفلت و اشتم و طبعا السكر و الضغط و الاعصاب بتبوظ من السواقة و فى مقولة كان قالها استاذ فى كلية الحقوق ان سلطان القانون اقوى من سلطان الضمير الا ما ندر طبعا

---

و اللهي سيادتك التكاتك دول بلاء بس للاسف يعني هما شغالين كويس في كل دول جنوب شرق اسيا انما هنا دي شغله السوابه و البلطجيه و كمان ايجار التوكتوك في اليوم 80 جم يعني شوف بقا بيكسب كاك

اقتباس:

---

المشاركة الأصلية كتبت بواسطة ahmed air

والله كل مره لازم ادور العربيه فيها اقعد اقول فى نفسى ان شاء الله مش ناوى اتعصب وانا سايق هكون بارد هكون بارد يجى موقف يخلينى اشيط يعنى مثلا شارع رايح جاى يجى عيل عربجى يوقفك علشان يلف بالتوك توك وياريت بيلف ويخلص لا ده فى وسط ماهو بيلف جت زبونه ست كبيره وفضل بتاع دقيقتين عقبال ماركبت بقيت نفسى اشيل التوك توك بالعربيه والله مره تانيه كنت رايق وبهرج وبضحك ومشغل الكاسيت ورايق وعلى كوبرى اكتوبر الاقى بي ام بيزنق عليا طبعا الدنيا بتمشى سنه سنه المهم عمال اديله كلاكس ولاهو هنا المهم قربت جمبه ابصله بيبصلى ولا هو هنا اكنه عايز يقولى مالك ياعم ماتخليك فى المخروبه بتاعتك لازم تحصل حاجه تفور دمك نزلت بليل كانت الساعه حوالى 2 المهم نازل من كوبرى فيصل فى اتجاه شارع السودان وطبعا الدنيا فاضيه وظلمه اوى ماعلينا كنت ماشى فى النصف لان على الشمال فى زى بلاعات كده والاقى ميكروباص جاى من ورايا عايز يعدى ويدى كلاكس وينور العالى كل ده فى لحظات وسعتله مش عايز يعدى طبعا قربت على الحته بتاعه كوبرى ثروت فالازم اخد الشمال روحت جيت قدامه تانى فضل يعمل كده تانى لحد البحوث ولا عبرته بس طبعا هتجنن منه وبس صدعتكم ها هههههههههه

---

لا نورتنا سيادتكههههه ربنا يكون في عونك

اقتباس:

---

المشاركة الأصلية كتبت بواسطة dr-a.7.m.a.d

خليك بارد و اقفل الإزاز و متكلمش حد ولا تبص على حد والله هترتاح

---

انت بتفكرني بفيلم اسماعيل ياسين و محمد فوزي لما بيقوله خلك بارد بس واللهي مش بمزاج الواحد يتعصب

اقتباس:

---

المشاركة الأصلية كتبت بواسطة diaby

اللى بيعصب اكتر برود اللى قدامك وكأنه معملش حاجة
مرة كنت راكب العربية مع والدي بليل وهو اللى كان سايق كان ساعتها معانا عربية 128 جمب الماتريكس للمشاوير الصغيرة ماشيين ف شارع متقسم رايح وجاى وف الوسط الحاجات الواطية دي اللى شبه المطب الصناعى ياخد عربيتين 3تلاتة بالعافية ساعة الزحمة كل ناحية ماشيين ف امان الله ومرة واحدة الناحية التانية كزا عربية ورا بعض شكلو كان فرح وبيسابقو بعض عادي مافيهاش حاجة ماشى ف سكته واذ فجاة عربية كورولا الجنوب افريقى 2008/2009 سايب طريقو وجاي عكس ومفيش بينا وبينو وكنا على سرقة 60 تقريبا طبعا والدي فرمل ورما على الناحية التانية كان فى تاكسى ماشى جمبينا كنا هنخبط فيه بس لحق نفسه وفرمل معانا طبعا كل ده مفيش 8 ثوانى العربية طلعت فجاة لقيناها ف وشنا ف العربية وقفت خالص التانى ابن ال^%%^^%&&^^% بيبص بقرف لل128 فوالدي بيبصله لسه هيكلمه يعنى ينفع كده وهتخبطنا ف التاكسى التانى مش عاجبه هناخره على السباق راح شاتم وطلع يجري بس كنا لازقين ف بعض متجبهوش راح حاكك عربيته من الفانوس للفانوس ف حرف الشنطة عندنا ومكمل سكته ولا كان في حاجة حصلت بس الحمدلله محصلش حاجة عندنا بس الجمب عنده باظ لغاية كده السفالة وقلة الادب وصلت بينا واللى ينرفز انو بيشتم ومش عاجبه اننا عطلناه واسف على الاطالة

---

انت رادد اهوه و كاتب عمار يا مصر هههههههههههههه