الموضوع: مقارنة بين اوبل كورسا 1995 او ابيزا 1995 او فيلشيا 1995 او اونو 1995 او لانسر عيون صف

المشاركة الأصلية كتبت بواسطة checo4lamor

بسم الله الرحمن الرحيم

توكلت على الله

الموضوع ببساطة عشان معطلش حضرتك انى عاوز اجيب عربية من الثلاثة دول و عاوز اعرف انهى افضل فى قطع الغيار و السحب و التظبيط و تسقيط المواتير قدام سعنى لو حبيت اظبط و طبعا الشكل و التعديل و تجنيط و ما الى ذللك


مقارنة بين اوبل كورسا 1995 او ابيزا 1995 او فيلشيا 1995 او اونو 1995 او لانسر عيون صفية او شاهين

شيكو باشا, لو تسقيط مواتير يبقى
1 لانسر
2 ابيزا-كورسا-الكورسا سحبها حلو هيا 1200 بس جرايه و لو عايز كورسا
موديل 97 - 1200 cc - لون احمر - لو داخلا دماغك كلمنى 01095886474
3 اونو-ممكن تسقط 1300 و 1400
قطع الغيار اقدر افيدك ف الكورسا و ال اونو الأتنين قطع الغيار متوفره كتير و لو عايز عناوين و مراكز صيانه قولى و انا تحت امرك...
سحب و تظبيط
1 ابيزا و الانسر تركبلهم كساحات و عتب و عدسات قدام و ليدات ورا و اتفرج على العربيه
و نفس القصه للاونو بس بتبقى اجمد منهم عشان وزنها
و الف مبروك مقدما وبالتوفيق يارب

انا هقولك اللى اعرفه الفليشيا عربية رائعة يتجمع بين انها اروبى متينة جدا و قطع غيار رخيصة جدا و منتشرة جدا الكلام دا لو حالتها حلوة العربية لو حالتها حلوة تحفة عفشة رائعة ثبات لحد 140 تسارع جيد مشكلتها الباور و التكييف تكييفها سىء اوى انا ركبت اكسل شهرين و قلبتها كانت كل قطع غيارها اللى فالسوق مضروبة و الاصلى و الاستيراد غالى جدا و عفشتها زبالة بعد 80 بتبقى بتلعب استيمشن مع عزرائيل بس العربية دى او اى عربية لازم تاخدها بحالة ممتازة و يكون صاحبها مهتم بيها و صالون الفليشيا واسع جدا اوسع من كل العربيات دى يعنى يعقد ورا 3 مستريحين

تسقيط المواتير تبقى الابيزا بلا نقاش و بعدها الفليشيا لانهم نفس شاسيه والجولف والابيزا ممكن تحط مكنة 2e تزعل بها اى حد الفليشيا ليها موتور 1600 MPI بتنزل بيه برة سير كاتينة كاوتش و باور و تكييف كانك راكب اوكتافيا صغيرة و دا فيه ناس حطاه و قطع غياره موجودة و سمعت ناس بتحط فيها موتور البولو 1400 و برضة الاونو ليها موتور 1400 على وزنها هيبقى حوار موضوع اللانسر و مواتير الmivec دى بتبقى awd و ليها كرونة و دى ملهاش مكان فالانسر العادية و برضه فى ناس ممكن تفيدك اكتر فى موضوع اللانسر ارجو اكون فيدتك

المشاركة الأصلية كتبت بواسطة عبدالرحمن-جبر

تسقيط المواتير تبقى الابيزا بلا نقاش و بعدها الفليشيا لانهم نفس شاسيه والجولف والابيزا ممكن تحط مكنة 2e تزعل بها اى حد الفليشيا ليها موتور 1600 MPI بتنزل بيه برة سير كاتينة كاوتش و باور و تكييف كانك راكب اوكتافيا صغيرة و دا فيه ناس حطاه و قطع غياره موجودة و سمعت ناس بتحط فيها موتور البولو 1400 و برضة الاونو ليها موتور 1400 على وزنها هيبقى حوار موضوع اللانسر و مواتير الmivec دى بتبقى awd و ليها كرونة و دى ملهاش مكان فالانسر العادية و برضه فى ناس ممكن تفيدك اكتر فى موضوع اللانسر ارجو اكون فيدتك

حضرتك ممكن اعرف ليه الmivec، مايركبش على الانسر العاديه و ايه
موضوع الكورونه ده، معلش هاتعبك

اللانسر العادية لحد علمى مفيهاش مكان للكرونة الmivec دا موتور جر رباعى بس سيبك من الكلام دا و ال mivec انت لو سقط فيها مكنة انجكشن بتاعت موديل حديث و تبقى 1600 هتبقى جبارة