الموضوع: بناء على طلب أخويا الكبير أبو جنى

بسم الله


هذا الموضوع بناء على طلب أخويا الكبير أبو جنى نظرا لعدم قدرته على الكتابه بسبب إنقطاع خدمة الانترنت عنه لمده و ان شاء الله يعود إلينا قريبا و كل الكلام هنا مقتبس من أبو جنى

هو الموضوع تكمله لموضوع أبو جنى اللى فل رابط ده

http://www.nilemotors.net/Nile/349789-a.html

بإختصار كده الموضوع ابتدى عند أبو جنى بصوت خارج من الفتيس على وضع المور و عند ذهابه للتوكيل قالوله ديه بلية دريك و حنغيرهالك فل ضمان و كده و هو ساعتها فرح و كتب الموضوع اللى الرابط بتاعه فوق ده

و لكن كلمنى و هو فى شدة الغضب و الحزن و قالى على اللى حصل


اللى حصل انهم فل توكيل ماعملوش الشغل مظبوط خالص و لا كأنه رايح ورشه ميكانيكى مبتدىء لسه بيتعلم


لما اشتغلوا فل فتيس لم يفكوا القنطره اللى تحت مع ان ده لازم كان يحصل عشان يريحهم فل شغل و الحاجه ترجع زى ما كانت

و للأسف الحاجه مارجعتش زى ما كانت

و ده عمل بوش فى اسطوانة الدبرياج

ده غير ان الصوت مازال مسموع عنده

و لكن الأدهى و الأمر هو انهم لما ركبوا ,, نسيوا يركبوا 3 مسامير فى الدائر بتاع الفتيس من تحت

و هو سافر بالعربيه كده و ربنا سترها معاه هو و اللى راكبين

ده غير البرجله اللى حصلت للعربيه و احساسه انها صارت اسوأ من الأول

لما راح للبشمهندس حمدى اكتشف كل الكلام ده

.................................................. .................................................. ............................................

انتهى الاقتباس بناء على طلبه


معلش يا ابو جنى لو كنت نسيت حاجه من اللى انت قلتهولى بس انا الصراحه كتبت الموضوع ده و انا فل شغل على عجاله

و لو انا نسيت حاجه ,, كلمنى و قولى عشان ازودها



لا تعليق

المشاركة الأصلية كتبت بواسطة hany901119

لأ مش مبسوط من التقرير (الشت منك المرادى)

هو ايه يا حج هانى اللى قلاشت منى

اولا هو ده مش تقرير اساسا , ده تقدر تقول عليه


قصة فشل و خيبه

مأساة وطن و شعب

إنحطاط و تخلف


و لو لم أكن ...... لوددت أن أكون ....... للأسف


و الله يا جماعه الموضوع أكبر بكتير من وكيل سيارات

هذا البلد طارد لأهله

كله عايز يهج

معاك لغه ,, معاك فلوس ,, معاك أفكار ,, معاك صنعه أو حرفه ,, رجل أعمال أو مستثمر ,, معندكش أهل محتاجينك هنا فى مصر


ســـــااااااااااااااااااا ااااااااااااااااااااااااف ــــررررررررررررررررررررر ررر


سبحان الله ,, أول مره ألاحظ ان كلمة سافر ممكن تنقصم إثنين

1- سا : زى سأفعل يعنى سوف أفعل

2- فر : من الفرار : فر هاربا


يبقى المعنى : "سوف أفر" هاربا من هذه البلد

Egypt & good well life : don't mix

يخرب بيت الترامادول عل تادول عل كل عيلة دول اللى خاربه البلد و مبوظه العقول و الشعب فرحان بيها

جهل و أميه و فقر و تناكه و تعالى و أسياد و عبيد و تاريخ البشوات و البكوات و الخديوى و الملوك و ضباط الجيش اللى حكمونا و اللى خاننا خاننا و اللى سرقنا سرقنا و اللى ضحك علينا ضحك علينا و احنا بنسقف و نغنى و اراب ايدول و زا فويس


احنا حنفوق امتى ؟؟؟


ما بلاد الله واسعه ,, ايه اللى زانقنا فيكى يا مصر ,, ايه اللى حاشرنا فى شريط وادى النيل ,, هو يعنى لما حنسافر مش حنلاقى الميه

مستحملين لحد ما خلاص اتعودنا على كل حاجه

اتعودنا على المرور الجميل بتاعنا و على نظافة شوارعنا و على روتين موظفين دولتنا اللى بيخلصولك الحاجه فى ثوانى و على ادب و اخلاق سكان العشوائيات و المناطق المهمله و على ذوق السايس اللى بيبقى فى كل شارع و على كثرة الوظائف اللى مش لاقيا حد يملاها

ايد ده ,, ايه الجمال ده ,, ديه اليوتوبيا ديه يا خال

و جايين تكلمونى عن شركة الأمل

معلش اعذرونى على التشبيه ده

شركة الأمل ديه هى بذره فى بطيخه كبيره كلها بذر

البطيخه قرعا ,, و بذرها حيطلع برده بطيخ أقرع

و أحسن حاجه تفكك من البطيخه و تروح تجيب مانجا و لا يوستافاندى و لا اى حاجه مش قرعا و مدوده

أو زى واحد جاب بطيخه قرعا ,, ساب البطيخه و زعل من البذره ,, قالك ايه البذره الوحشه ديه ,, و البطيخه أصلا كلها ماتتاكلش

و فى الاخر تقولولى تقرير ,, تقرير ايه

مانا من ساعت ما وعيت عل دنيا و انا بكلم نفسى

خدوا كلامى ده اعملوا بيه تقرير و اتنين و تلاته و مليون

انا ممكن اقعد اكتب كده لحد ما اموت و انا بكتب ,, مفيش مشاكل

بس هما اللى كتبوا عملوا ايه

صلاح جاهين عمل ايه

ناجيب محفوظ ,, يوسف ادريس ,, طه حسين ,, العقاد ,, مصطفى محمود ,, هيكل

عملوا ايه

ما العشوائيات زى ما هى و الجهل و الأميه ,, و شركة الأمل زى ما هي

انا ضغطى على ,, بعد اذنكوا

اوففففففففففففففففففففففف ففففففففففففففففففففففففف ففففففففففففففففففففففففف ففففففففف