BYD F3 GLXi

**yasserhome** · 21-08-2008 02:30 PM

الحمد لله انا استقريت على شراء سيارة جديدة وهى BYD F3 GLXi
و الحمد لله تم شرائها وبصراحة السيارة فوق الممتازة
وهى بجميع الكماليات وسوف اشرح كمالياتها للى عايز او محتار فى انه يشتريها ولا الاسبرانزا
اولا مواصفات السيارة:
1- انسيابية جدا على الطريق
2- الشكل الخارجى مميز و جذاب جدا
3- الشكل الداخلى اكثر من ممتاز و مريح جدا
4- بالنسبة للتكييف فهو تتش و تحكم كامل فى درجات التبريد وكمان بيعطيك درجة التبريد الحالية داخل السيارة و درجة الحرارة خارج السيارة وهو ممتاز جدا فى تبريده
5- مزودة بـجهاز CD كاسيت و راديو ووصلة لتركيب جهاز MP3 خارجى
الـCD يدعم فقط Audio و صوته جميل و تحكم كامل به و بالراديو من خلال مفاتيح بالكاسسيت و كذلك الدريكسيون
6- بها جهاز حساس اثناء الرجوع للخلف يقوم بأعطاء صفارة متقطعة فى حاله اقتراب السيارة من اى عائق خلفى بمسافة متر ونصف و صفارة مستديمة فى حالة الاقتراب الى مسافة اقل من متر
7- بها ساعة ديجيتال بالتابلو
8- مزودة بعدد 2 اير باج للسائق و الراكب المجاور
9- باور كامل و نعومه فى استخدامه
10-التابلوه من الابانوس الفاخر
11- الكراسى من الجلد الفاخر الذى لا يتأثر بحراره الشمس
12-الكنبه الخلفية بها مسند بين الراكبين
13- شنطة السيارة مبطنه من الداخل بموكيت فاخر و مزودة بانارة داخلية
14- الشنطة مساحتها كبيرة جدا رغم شكلها من الخارج لا يوحى بذلك
15- بها طبعا احزمه الامان الامامية و الخلفية
16- بها مسند بجوار السائق يسمح بوضع اى متعلقات شخصية وله عدد 2 باب او دولاب
17- بها دولاب اخر غير المسند تحت فرامل اليد وهو مقسم لخانات لوضع اى متعلقات اخرى
18- مزودة بريموت كنترول لفتح و اغلاق وكذلك للبحث عن مكان السيارة بالضوء و الصوت
19- بها دعمات حماية للبيبان بكل باب للحماية
20- تحكم كامل بالمرايات من الداخل كهربائياً
21-مزودة ب RBM - عداد الرحلة - وعداد كيلومتر
22- السيارة من الداخل وسعة و شيك جدا
23- كرسى السائق به تحكم اضاقى فى تعلية الكرسى وخفضه وكذلك مسند الضهر به تحكم لفرد الضهر او انحنائه غير ميل الكرسى للامام او الخلف
24- مزودة بفرامل ABS النبضية
25- مزودة بفتحة سقف زجاجية و اخرى بنفس لون الجسم الداخلى للسيارة و تفتح بواسطة زر كهربائى
26- الموتور يابانى ماركة متسوبيشى
27- قوة الماتور 1600 سى سى
28- الجر امامى كبالن
29- قطع غيار المتسوبيشى ومتوفر وكذلك التوكيل محترم
هذا كل ما اتذكره الان و لو فيه اى اضافات اخرى نسيها سوف ابلغكم بها
بالنسبة للسعر
78000
وفية ايضا موديلات BYD F3 اقل سعراوطبعا أقل فى المواصفات
تبداء من
65000
70000
72000
78000
الضمان لمدة 3 سنوات او 60 الف كيلومتر.
هذا و بالله التوفيق
اسف على طول الشرح بس انا حبيت اوضح للاخوه اللى بيفكروا فى الـBYD F3
وكمان انا رائى انها افضل من الاسبرانزا 1600 من الداخل و الخارج والامكانيات
والمتانه
وكل واحد بقى حر فى رأيه
و السلام عليكم

**foxarc** · 21-08-2008 02:58 PM

يا فندم حضرتك مش واخد بالك ان السعر ده اعلي من الاسبيرانزا ب10000 جم و بعدين حضرتك تقدر تقولي سعر اعادة البيع كام و قطع الغيار متوفرة فين؟؟؟؟

**yasserhome** · 21-08-2008 03:15 PM

اولا في فرق جامد بين الاسبرانزا و Byd والامكانيات
انا فى نظرى الفرق لصالح ال Byd F3 و دة مش علشان انا جبتها بس ولكن لانى ركبت الاتنين و شفت الفرق واضح
و بعدين اسعارها زى ما انا كاتب تبدأ من 65000
اما الاسبرانزا 1600 فهى بـ 67900 وتصل الى 69000
اما قطع الغيار فهى موجودة بشارع بيروت بمصر الجديدة و وكلاء متشوبيشى وكذلك بالتوكيل اللى موجود بجوار اتحاد الشرطة الرياضى بالعباسية
و فى الاخر انا مالش مصلحة لا مع دة او دة انا بقول اللى انا شيفة و راضى به
وانت حر اختار اللى انت عايزه

**yasserhome** · 21-08-2008 03:50 PM

http://www.nilemotors.net/Nile/showthread.php?t=9173

**mazagnge** · 22-08-2008 04:25 PM

مبروك عليك و ربنا يعطيك خيرها و يكفيك شرها

استفسار صغير :

هي العربية فول ابشن و فيها Abs

السؤال : مفيش Ebd معاها ؟؟؟؟؟؟؟؟؟؟؟؟؟؟؟

**yasserhome** · 28-08-2008 02:00 PM

لا يوجد بها وانما يوجد فى موديلات اعلى مثل F6 و f8

**mazagnge** · 28-08-2008 03:19 PM

تصدق انا كدة تهت يا ا / ياسر

لان انا قريت البرشور بتاع F3 من المعرض و سألت الراجل بتاع المعرض قال فيها Abs & Ebd
و قال لي معلومة غريبة ان فانوس الهوندا سيتي بيركب عليها عادي ؟؟؟

+ فتحة السقف .... اللي انا شفتها كانت مانوال ( اللي بلون العربية ) -- > الغطاء الداخلي بتاع فتحة السقف .

........... مين مع مين ؟؟؟؟؟؟؟

**yasserhome** · 29-08-2008 12:32 PM

اسأل مجرب ولا تسأل طبيب
انا امتلك F3 Glxi
وبها جميع الكماليات ماعدا الفيتيس مانيول ولا يوجد بها اتوماتيك الا فى الموديلات الاعلى
ولما سألت المعرض اثناء شرائى لها عن الاتوماتيك قال
ان احتمال تنزل فى الموديلات بتاعت 2009
اما بالنسبة للفرامل فهى Abs فقط
وهى كافيه لتحقيق مبدا الامان اثناء التوقف للسيارة
وبالنسبة لفتحة السقف من الخارج فهى طبعا زجاج فيميه ويوجد ايضاً بها من الداخل غطاء بلون الجسم الداخلى للسيارة للوقاية من الشمس يفتح اما باليد او بواسطة زر فى الامام بجوار المرايا العلوية للسائق .
اما بالنسبة لقطع الغيار :
بالنسبة للشكل الخلفى للسيارة فهى شبيهه بالهوندا سيتى ولكن لا اعتقد ان فانوس الهوندا يركب عليها ولكن فى التوكيل بتعها يوجد لها جميع قطع الغيار متوفرة

**mazagnge** · 29-08-2008 02:53 PM

و الله يا استاذ ياسر انا بقيت في حيرة أكبر :

لاني رحت معرض الامل اللي قدام الرقابة الادارية ، و اتفرجت عليها :

1- بناء على اللي فى التوكيل و انا سألت محدداً العربية فيها ABS+EBD و لا Abs بس ؟
الجواب كان : فيها الـ 2

البرشور اللي بيتوزع في المعرض و الاعلان اللى في الجرائد + الراديو بيقولوا فيها الــ 2

---> فمعلش عايزك تأكد علي النقطة دي تاني .

----------------
بالنسبة لفتحة السقف انا لما اتفرجت عليها ، لقيتها كالتالي :
- فتحة خارجية زجاج فيـمية و في الداخل شباك جرر بلون الفرش بيتحرك ( يدوي ) ؟؟؟؟
----------
بالنسبة للفانوس الخلفي ، اللي في المعرض بيقول انة بيركب عليها فانوس الهوندا سيتى .... بس انا مش مصدقة ، و ان كان ال2 نفس التقسيمة .
---------------
شوفت انا تهت ازاى

**yasserhome** · 30-08-2008 06:48 PM

بص اللى يأكد الكلام هو المانيول بتاعها
وانا قرات المانول كله ملقيتش فيها غير abs
وبالنسبة لفتحة السقف:
من الخارج زجاج فيميه ومن الداخل بلون الفرش بتاع السقف
و اثناء القتح ممكن تفنح الاثنين مع بعض بواسطة الزر الموجود بجوار المرايا العلوية ولكن عند القفل يتم الضغط على الزر فيغلق الفتحة الزجاجية فقط ويتم اغلاق الفتحة الداخلية باليد
وممكن ان فتحة السقف الخارجية تفتح كشراعة للخلف فقط
بالنسبة للفانوس الخلفى هو يشبة فانوس الهوندا سيتى ولكن لا اعتقد انه ممكن يركب مكانة و الله اعلم