فيرنا فضي مؤقتة القاهرة 15076 خبط وجري وقصه اخري من انعدام الضمير

الموضوع باختصار هو اني كنت ماشي ف امان الله قدام النساجون الشرقيون الي ف شارع جامع ابوبكر الصديق ف مصر الجديده امبارح بليل والاخ صاحب العربيه دي كان ماشي بسرعه جنونيه وداس فرامل جامد وخبط العربية من الخلف ..

المهم نزلت اشوف الي حصل ف لقيت تطبيق ف الاكصدام الخلفي والفوانيس اتحركت من مكانها و غطا الشنطه طلع من مكانه واتعوج
والاخ طبعن صدر عربيه اتعوج و السربنتينه اتخرمت وقفت اتكلم معاه لقيته بيتكلم بقله ادب وانعدام زوق فضيع ويقلي هبقي اوديهالك عند سمكري يصلحها ب 200 جنيه ,,,

ف طبعا انا شطت ومبقاش همي الفلوس اد ماهمي ابهدله ف اتصلت بالبوليس .. هو لما حس اني بتصل استغفلني فجاه وخد عربيته وجري بس الحمد لله اني صورتها ورحت القسم بعد كده وعملت محضر ف قسم النزهة وجبت معايا 2 شهود على اللي حصل

والي ناوي اعمله اني هبهدله ووراه وراه لحد مشوفه تاني وبجد مش عارف ممكن اعمل ايه يعني ...

ناس اقل مايمكن ان يقال عنهم انهم منعدمي الضمير ... علعموم هو غالبا ساكن قريب من مستشفي هليوبوليس وبيشتغل محاسب وعنده محلات زي ماقلي ...

اسيبكو مع صور عربيته عشان يتفضح

---------------------------------------------------------------------------------------
http://www.postimage.org/gx2YscIA.jpg

http://www.postimage.org/Pq2cCiR9.jpg

الحمد لله انها جت على قد كدا و حضرتك بخير

و خليك فاكر " كما تدين تدان "

قدر الله و ما شاء فعل ,
اللي يعمل كده يبقى واحد جبان ...

الف حمد لله على سلامتك

الف حمد لله على سلامتك

حمد الله علي سلامتك
المحضر حيظبطه ان شاء الله
و علي الاقل لو ما اخدتش تمن الخبطه اللي تسبب فيها
حتبقي عملت له كارت ارهاب
حيمشي كويس بعدها لان دخول و خروج الاقسام مش بالساهل

الحمد لله العربية بتصلح قدر الله شاء فعل والحمدلله جت على قد كده وانا مش عايز فلوس منه ولا كنت هقبل العوض بس طريقته نرفزتني بجد ووراه وراه لحد ميجيبوه ولو شفته قدامي هتف ف وشه عشان دي شخصيه قذره و غيره كتير لو متعلموش الادب وعرفو ان الله حق مش هيسكوتو ..
وإن شاء الله يكون عبره لغيره ...

ملخص الكلام :
متسيبش حقك مهما كان حتي لو هتخدو بطلوع الروح ,,, وبذات مع النوعيه دي من الناس

المسامح كريم

حمد الله عالسلامه
وكفايه اللي جراله في عربيته

مع احترامي ليك

الحمد لله انك سليم و للاسف البلد ما فيهاش قانون و انت حتي لو جيبته ما حدش حيعمله حاجة ....انا واحد خبطني بعربية بيجو 504 و وقعلي الاكصدام و كسر الفانوس و عميد شرطة في المرور تصادف مروره في الشارع جالي و قالي اقصي حاجة ممكن اعملها هي محضر في القسم ...طيب و ماذا بعد المحضر ؟؟؟؟؟؟؟لا شئ ...؟؟؟؟
قلت حسبي الله و نعم الوكيل و ربنا وحده هو الي حيجيبلي حقي و الحمد لله

لو ليك حد في المرور ممكن يجيبلك عنوانة من نمرة العربية

و منك لية بقى


هههههههههه

لا منا عملت محضر فعلا .. هو الموضوع بيطول بس انا هسيب شغلي واتابع مع القسم خطوه خطوه .. المفروض هرحلهم الاسبوع الجاي نشوف نتيجه الاستعلام عن الرقم ايه وعنوانه ايه .. انا هفضاله وهبهدله .. وبرده اهي منها فايده نشوف اخره المحاضر ف البلد دي ايه ...

ربنا يستر

الناس قليلة الادب اللى زى دى لازم حد يربيها
فعلا المسامح كريم بس لو فضلنا نسامح الناس اللى مش تستاهل البلد هتبوظ اكتر ماهى بايظة
وربنا معاك يا باشا :)

اييييييه الكلام ده المسامح كريم ازاااااااي
المسامح كريم ده لو كان استسمحه لاكن اسامح في حقى بقلة ادب اللي ادامي وانو يسيبني ويجري
بص هو لازم تسترجع عند ربنا ومتسامحوش ابدا عشان ربنا يجيبلك حقك ويعوضك خير
ده لو حصل معايا الموقف ده بالظبط بجد كنت ركبت عربيتي وجبته وخبطه ومش حتفرق معايا العربيه ساعتها بجد
اما لو كان محترم واعتذر واستسمحني كان خلاص عادي اما يبلطج ويجري يبقى لازم يتربي لانه كده تعتبر اهانه وكلام كتير بلاش اقوله
حسبي الله ونعم الوكيل

إحمد بنا إن خبطه الوش جت عنده هوا
أكيد تعرف إن الخبط في الوش , مفيهوش معلش

صح والله لو كان محترم كنت سيبته لكذا سبب منها اني كمان ممكن اخبط حد واتحط ف نفس الموقف بس هو قليل ادب وعشان كده قررت يبقي درس يمكن يستفاد بيه,