فيرنا فضي مؤقتة القاهرة 15076 خبط وجري وقصه اخري من انعدام الضمير

**actronx** · 21-08-2008 02:34 PM

الموضوع باختصار هو اني كنت ماشي ف امان الله قدام النساجون الشرقيون الي ف شارع جامع ابوبكر الصديق ف مصر الجديده امبارح بليل والاخ صاحب العربيه دي كان ماشي بسرعه جنونيه وداس فرامل جامد وخبط العربية من الخلف ..

المهم نزلت اشوف الي حصل ف لقيت تطبيق ف الاكصدام الخلفي والفوانيس اتحركت من مكانها و غطا الشنطه طلع من مكانه واتعوج
والاخ طبعن صدر عربيه اتعوج و السربنتينه اتخرمت وقفت اتكلم معاه لقيته بيتكلم بقله ادب وانعدام زوق فضيع ويقلي هبقي اوديهالك عند سمكري يصلحها ب 200 جنيه ,,,

ف طبعا انا شطت ومبقاش همي الفلوس اد ماهمي ابهدله ف اتصلت بالبوليس .. هو لما حس اني بتصل استغفلني فجاه وخد عربيته وجري بس الحمد لله اني صورتها ورحت القسم بعد كده وعملت محضر ف قسم النزهة وجبت معايا 2 شهود على اللي حصل

والي ناوي اعمله اني هبهدله ووراه وراه لحد مشوفه تاني وبجد مش عارف ممكن اعمل ايه يعني ...

ناس اقل مايمكن ان يقال عنهم انهم منعدمي الضمير ... علعموم هو غالبا ساكن قريب من مستشفي هليوبوليس وبيشتغل محاسب وعنده محلات زي ماقلي ...

اسيبكو مع صور عربيته عشان يتفضح

---------------------------------------------------------------------------------------

**BLACKVERNA** · 21-08-2008 02:42 PM

الحمد لله انها جت على قد كدا و حضرتك بخير

و خليك فاكر " كما تدين تدان "

**Akram** · 21-08-2008 04:58 PM

قدر الله و ما شاء فعل ,
اللي يعمل كده يبقى واحد جبان ...

**tamim** · 21-08-2008 05:18 PM

الف حمد لله على سلامتك

**mazen86** · 21-08-2008 06:20 PM

الف حمد لله على سلامتك

**hazem_khidr** · 21-08-2008 07:53 PM

حمد الله علي سلامتك
المحضر حيظبطه ان شاء الله
و علي الاقل لو ما اخدتش تمن الخبطه اللي تسبب فيها
حتبقي عملت له كارت ارهاب
حيمشي كويس بعدها لان دخول و خروج الاقسام مش بالساهل

**actronx** · 22-08-2008 03:32 AM

الحمد لله العربية بتصلح قدر الله شاء فعل والحمدلله جت على قد كده وانا مش عايز فلوس منه ولا كنت هقبل العوض بس طريقته نرفزتني بجد ووراه وراه لحد ميجيبوه ولو شفته قدامي هتف ف وشه عشان دي شخصيه قذره و غيره كتير لو متعلموش الادب وعرفو ان الله حق مش هيسكوتو ..
وإن شاء الله يكون عبره لغيره ...

ملخص الكلام :
متسيبش حقك مهما كان حتي لو هتخدو بطلوع الروح ,,, وبذات مع النوعيه دي من الناس

**ehabthefirst** · 22-08-2008 05:44 AM

المسامح كريم

**prince_bondok1st** · 22-08-2008 03:14 PM

حمد الله عالسلامه
وكفايه اللي جراله في عربيته

**boody2** · 22-08-2008 03:23 PM

مع احترامي ليك

الحمد لله انك سليم و للاسف البلد ما فيهاش قانون و انت حتي لو جيبته ما حدش حيعمله حاجة ....انا واحد خبطني بعربية بيجو 504 و وقعلي الاكصدام و كسر الفانوس و عميد شرطة في المرور تصادف مروره في الشارع جالي و قالي اقصي حاجة ممكن اعملها هي محضر في القسم ...طيب و ماذا بعد المحضر ؟؟؟؟؟؟؟لا شئ ...؟؟؟؟
قلت حسبي الله و نعم الوكيل و ربنا وحده هو الي حيجيبلي حقي و الحمد لله

الموضوع: فيرنا فضي مؤقتة القاهرة 15076 خبط وجري وقصه اخري من انعدام الضمير

LinkBack

أدوات الموضوع

عرض

-

-

-

-

المواضيع المتشابهه

اشتريت فيرنا 2008 يوم الجمعة من القاهرة

واحد خبطني وجري... اعمل ايه؟؟؟

فيرنا 1600 موديل 2007 للبيع القاهرة

ايه حكاية مؤقتة القاهرة دي؟

خطوات نقل ترخيص سيارة من القاهرة الي محافظة اخري في الاقاليم

الكلمات الدلالية لهذا الموضوع

المفضلات

المفضلات

ضوابط المشاركة