الموضوع: معايا من 30 ل 34 الف و عايز اشتري عربية في اقرب وقت . تنصحوني بأيه

حضرتك ده رأى واحد من الاعضاء فى منتدى فيات بخصوص العربيات اللى فى المتوسط ده وده كان ر أيه

انا هقول رأيي بعد أذن صاحب الموضوع لي بأبداء الرأي
النهاردة في 2012 اصبحت الشريحة السعرية 30-35 يوجد بها العديد من السيارات الأوروبية والكورية واليابانية ايضا الناجحة جدا والعملية جدا للموديلات ابتداء من 2002 وما قبلها

فتأتي في هذه الشريحة السعرية السيارات التالية علي سبيل المثال لا الحصر
1- هوندا سيفيك الجيل الرابع (87 - 91)
2- فولكس فاجن بولو mk2 موديلات (94-99)
3- سيات ابيزا mk2 موديلات (94-99)
4- فيات سينا (2000-2004)
5- فيات تمبرا (93-98)
6- لانشيا ديدرا (91-98)
7- دايو سيليو (95-96)
8- دايو لانوس (97-99)
9- دايو ريسير (94-96)
10 سيات توليدو (94-97)
11 هيونداي اكسنت (97-99)
12 ميتسوبيشي لانسر (91-96)
13 اوبل فيكترا (92-94)
14 اوبل كورسا (94-99)

صراحةً انا استبعدت البيجو 405 لأن سعرها اعلي من 35 للحالة الجيدة

ولو علي المقارنة بين تلك السيارات سالفة الذكر فتتربع علي عرش الأعتمادية وتوافر قطع الغيار فولكس بولو وسيات ابيزا وفيات تمبرا وسينا
اما عن الراحة واتساع الصالون فتأتي اللانشيا ديدرا والفيكترا
وسهولة الصيانة ورخص قطع الغيار فتأتي اللانوس والريسير والسيليو والهوندا سيفيك
اما عن مصاريف التشغيل والأقتصاد في الوقود فتتربع علي العرش الهوندا سيفيك واللانسر ثم البولو والأبيزا والسعة اللترية علي الترتيب هي 1.5 - 1.3 - 1.0 - 1.0 وبالطبع يتفوق الياباني نظرا لكبر حجم المحرك وتشابهه في الأستهلاك مع المحركات الأقل في البولو والأبيزا سواء بالمحركات ال1.0 او ال1.3 وال1.4 فتستهلك السيارة هوندا سيفيك 1.5 كربراتير 300 كم / الصفيحة متوسط
اللانسر 1.3 كربراتير 300 كم / الصفيحة متوسط
بولو وابيزا 1.0 انجيكشن 330 كم / الصفيحة متوسط
ولكن يتفوق محركات الفولكس في البولو والأبيزا بقلة الأستهلاك وانبعاثات اول اكسيد الكربون
اما عن الشكل الخارجي فتفوز السيارة بولو بلقب اجمل عربية يليها الأبيزا يليها الكورسا وبالطبع تتميز السيارات الأوربية بالتصميم الجذاب والذي يتميز عن نظيره الأسيوي لنفس الموديلات والفئات
وعن وسائل الأمان والتكنولوجيا فتأتي في المقدمة اللانشيا ديدرا يليها الفيكترا يليها التمبرا يليها فولكس بولو وسيات ابيزا والسيينا
عن سهولة البيع الهوينداي اكسنت واللانسر واللانوس

طبعا هذه المقارنة من خلال تجربتي ل70% من هذه السيارات وامتلاكي ل2 من هذه القائمة وباقي التقييمات من خلال تجارب الأصدقاء وبحثي حول هذه السيارت

تقبلوا مروري

وده لينك الموضوع
http://www.nilemotors.net/Nile/316898-30-35-a-2.html

لو تقدر تزود وتركب لانوس

متشكر جدا يا جماعة بجد ربنا يباركلكوا
انا معجب جدا يالسيينا ... و عرفت ان ال 1400 ماتورها شبه الشاهين و قطع غيارها متوافرة و مش غالية ... ايه رأيكم ؟

morelove0
متشكر جدا لحضرتك .. انت جبت الفايدة

المشاركة الأصلية كتبت بواسطة s o p h o s

لو تقدر تزود وتركب لانوس

كان علي عيني :)

المشاركة الأصلية كتبت بواسطة أحمد حسان

إيه رأيك فى عربية لانسر بطة موديل 92 مانويل جميع الكماليات (تكيف تلاجة - باور - سنتر - زجاج كهرباء أمامى - جنوط) والحالة ممتازة
لو تحب .. أنا ببيع بـ 34 ألف رخصة سنة باسمى بدون توكيلات

ممكن صور العربية و تقوللي هتحتاج مصارف ولا لأ ؟

المشاركة الأصلية كتبت بواسطة جيفارا

كيا سيقيا 2... حلوة موت

سيفيا جامده جدا ... بس اقل سعر سمعته فيها 40 الف

المشاركة الأصلية كتبت بواسطة fisha

فى اختيارات كتيير مكن تجيب بونتو او ابيزا او فليشيا او بولو او اكسيل او شاريد و حجات تانية كتير المهم تشوف حضرتك عايز ايه من العربية المهم بالنسبالك و إن شاء الله نقدر نفيدك

اولا انا متشكر جدا لحضرتك ... انا محتاج عربية اعمل بيها كل يوم 80 كم عالدائري غير مشاويري و تكون شكلها حلو و صيانتها سهلة و قطع غيارها متوافرة و مش هغيرها قبل 7 سنين