الموضوع: أسعار قطع غيار “peugeot 301″ الجديدة

المشاركة الأصلية كتبت بواسطة MuhamedNabil

العربية نازلة بماتور 307 و لما شوفت صور الماتور من الاعضاء الاستلموا العربية اخت بالى من كام حاجة

http://nileup.com/up/watermark.php?s...755426.jpg&p=c

قاعدة الماتور العلوية @ 350 فى 301 هى هى بتاعت ال 307 يعنى كدة احنا نشترى بتاعت 301 و نوفر 200 جندى
و برده طقم الكاتينة لو بالبليتين @ 480 يبقى جميل بس غالبا بلية واحدة و الطقم الفيه البليتين 600 او ازيد حاجة بسيطة.
البوجيهات و البوبينة معتقدش فيهم اختلاف.
البوجيهات و الفلاتر و الكلام ده كله واحد برده
و غالبا برده حيبقى الفتيس الاوتو AL4 بس لسة مش متأكد.

بشمهندس محمد, أخبارك أيه.؟
أنا برضه أول مرة أخد بالي أنو نفس موتور ال 307 زي عندنا وهتبقي حاجة كويسة لو هيوفرو في قطع الغيار زي القاعدة والسيور وباقي الفلاتر لو الفلتر نزلها غالية لل 301 علي أساس أنها عربية جديدة وسعرها معقول فيزود قطع غيار القطع الأستهلاكية.
والقاعدة كمان لو جاب التركي أم 60 اللي انا جبتها أخرة مرة دي اللي قلت لك عليها هيبقي وفر فيها 290 جندي بدل 200 بس, طبعاً فرق كبير في السعر لقطعة واحدة..

أما بالنسبة لموضوع الفتيس فانا عملت بحث صغير كدا عشان أشوف هيا نازلة بأية بس مفيش معلومات واضحة في معظم مواقع الريفيوهات, بس اللي فهمته أنها نازلة بالفتيس الجديد بتاعه ال 408 والكود بتاعه AT8
بس الغريب ان الفتيس دا بينزل للمواتير ال 2.0 لتر بس, مش عارف أزاي عزمة ممكن يمشي مع موتور 1600 سي سي ؟!

طبعاً ال 408 محدش بيسمع لها حس ولا خبر لأنها عربية في حالها ومحدودة أوي في السوق بس اللي معروف أنها مفيش فيها أي مشاكل لحد دلوقتي ما شاء الله,
مع العلم أنها برضه نازلة بنفس موتور ال 307 اللي عندنا, واللي أثبت كفائة عالية لحد دلوقتي لأنهم ينزلوة في ال 408 وال 301 الجديدة كمان.
بس حاجة من اللي خلت ال 408 تنجح وميبقاش فيها مشاكل أنهم معتمدوش الفتيس الأوتو AL4 اللي عندنا, ومتهيألي لو كان نزل فيها كان هيخليها بشعه.
وأنا متهيألي أن ال 307 الشكل الأخير من 2007 Restyling لو كان نزل بالفتيس الجديد كان هيخلي الحياة معاها أسهل بكتر,,

المهم اللي أنا فهمته من البحث اللي انا عملته أن الفتيس ال AL4 أتوقف أنتاجه خلاص, وطبعاً الحمد لله أنهم وقفو أنتاجة.
الفتيس نزل في العربيات دي.
Peugeot 206, 207, 307, 406
Citroen C3, C4, C5, Picaso
Renault Clio

مع العلم ان ال C5 التربو نازلة بفتيس AT6 ودا ست نقلات زي اللي بينزل في ال بيجو 308 تربو عشان يستحمل عزم الموتور.
ال C5 عادية المش تربو نازلة بالفتيس بتاعتنا AL4

دلوقي النوع الجديد
AT6 AUTOMATIC GEARBOX دا كله للمواتير التربو بس
Citroen C5 1.6 THP AT6
Peugeot 308 1.6 THP
Peugeot 408 1.6 litre THP < AT6 six-speed auto adaptive transmission with Tiptronic and a sport mode

فكدا ال 408 1.6 تربو بتنزل بفتيس AT6 ست نقلات
وال 408 2.0 لتر بتنزل ب AT8

وفيه فتيس تالت BE4R دا مش عارف لسه بينزل ليه, فا لو كانت العربية ال 1.6 عادية من غير تربو منزلتش بال AT8 هتبقي نازلة بالفتيس اللي الكود بتاعه BE4R

وفي الحالتين كدا كدا هتبقي ال 301
مشتركة مع البيجو 307 في كل البارتس بتاعت الموتور, لما نتأكد من البارت نمبرز بتاعتها.
وهتبقي مشتركة مع ال 408 في كل البارتس بتاعت الفتيس, سواء AT8 ولا BE4R.

أنا كنت مكلم واحد أستلم 301 عشان أشوف أرقام البارتس نفس رقم اللي عندنا ولا لأ, بس لسه مرضش عليا,
هحاول أشوف حد تاني ولو رد عليا الأولاني أو لاقيت جديد في الموضوع هبقي أحطه في الموضوع.