محتاج رأيكم - طب ولا هندسة ؟ علوم ولا رياضة؟

السلام عليكم ..
انا عاوز استشارتكم بصراحة كأخ صغير وياااااااريت الإفادة من الكل بخبراتكم
انا داخل 3 ثانوي إن شاء الله والمفروض اختار بين علمي علوم وعلمي رياضة وقدامى اسبوعين ممكن اغير فيهم عادي ..
انا محتار بين الإتنين .. انا الحمدلله والشكر لله بجيب درجات عالية في الاتنين سواء الأحياء اوالرياضة وماشى عادي فيهم هما الاتنين ..
الفكرة إنى بصراحة بحب مجالات الطب اكتر وبحب مهنة الطب اكتر -طب بشري تحديداً- .. اما بالنسبة للهندسة فبصراحة هي عادية بالنسبة ليا ولابحبها ولا بكرهها .. مع العلم انى ماشي عادى فى الرياضة اي نعم مش عبقري ومش بحب الرياضيات اوى زي بعض الناس لكن بعد المذاكرة الحمدلله درجاتي كويسة فى الاتنين سواء احياء او رياضة ..

المشكلة بقى إن ناس كتير مخوفانى من الطب وناس بتقول الهندسة احلي ومستقبلها اسرع واحسن، وناس بتقولك عبال ما تخلص طب 7سنين و ماجستير حيكون سنك كبر وفى نفس الوقت حيكون المهندس بقى له مركزه فى شركته وبياخد مرتب محترم والدكتور لسة بيقول يا مسهل ..
وللأسف من ضمن الناس دي اخويا(هو صيدلي) بيقولى طب ايه دي اللى تقعد فيها تذاكر طول عمرك وماتمسكش فلوس قبل التلاتينات الهندسة او طب الاسنان احسن..
انا عاوز طب الحقيقة بس من كتر اللى بيتقال تقريبا قلقت ......
وبصراحة الموضوع مسببلي حيرة جامدة ..
اتمني اسمع رأيكم بإمانة وصدق :) وشكرا مقدماً

فى الاول ربنا يوفقك الى الخير
طلما انتا حابب حاجة يبقا هى فى المقام الاول وهتنجح فيها اكتر اما عن الفلوس ومش عارف ايه ده كلام مش مظبوط حاول تحط هدف وتعمل على تحقيقه هو ده النجاح بجد :bravo:

لو بتفكر تبقى دكتور في مصر يبقى بلاش أحسن.. إلا بقى لو هتكمل دراستها بعد الجامعة بره مصر و تمارس المهنة بره فساعتها هيكون وضع مختلف تماماً.. بس هنا في مصر مفيش أكتر من الدكاترة بسبب الثقافة السائدة أن لازم أبني يطلع دكتور أو مهندس و كأنهم الشغلانتين الوحيدتين المرموقتين!!.. و أكيد طبعاً أنت عارف أو على الأقل سمعت عن وضع خريجي طب أيه هنا!!..
طب أسنان أسهل شوية و وضعها في الشغل أعتقد أحسن.. لكن تكاليف فتح عيادة أسنان بتبقى عالية أوي لأن الأجهزة مكلفة..

بس عايز أقولك أن أختيارك يكون مبني على رغبتك أنت مش أختيار حد تاني.. و بالتوفيق..

خدها مني نصيحة سؤالك ده بداية طريق الفشل
اجابة السؤال ده محدش يقدر يجاوبك عليه غير نفسك شوف انت هدفك ايه وعايز ايه من الدنيا واختار واوعى تفكر في الماديات كلو بيجيب فلوس لو كنت ناجح في مجالك ومتزعلش من بس انا زي اخوك الكبير

بص انا هكلمك عن طب بما انى فى 5 طب القصر العينى .. كلام اخو صح جدا جدا و لو جيت عندنا الكلية و اخدت نصيحة اى حد حيقولك بلاش تخش طب ..

نتكلم كلام واقعى بقى .. كل الكليات صعبة هندسة طب او صيدلة

بس فى طب بقى المفروض الى داخلها يكون بيحبها و بيعشقها عشان يستحمل قرفها

هديلك فكرة بسيطة عن المواد .. كل سنة فيها اربع مواد بس اربعة محترمين

كل مادة فى اخر السنة هتجيبها من اولها الخرها .. بعكس كل الكليات التانية هتحصل شوية مواد فى ترم و تبدا مواد جديدة فى الترم التانى

سنة اولى و تانية اربع مواد بيفهموك جسم الانسان الطبيعى
سنة تالتة بتدرس جسم الانسان المريض
التلات سنين دول دراسة نظرى
التلات سنين الباقيين
رابعة بتدرس مواد اكلينيكية زى رمد مثلا
خامسة كذلك
سادسة مادتين بس جراحة و باطنة بس حاجه فخيمة كده
و التلات سنين دول اسمهم دراسة اكلينيكية
و على فكرة سنة سادسة سنة و نصف مش سنة واحدة ( يعنى 3 ترمات )
تيجى بقى للامتياز سنة بردو و دى ميعتبرش فيها مذاكرة
يبقى لحد دلوقتى 7.5
تتخرج من الكلية بقى اسمك ممارس عام مش متخصص فى حاجه
تشوف بقى هتروح فين و لا تتعين فين و تشوف تخصص عاجبك و بعدين تحضر ماجيستر تقعدلك فيه سنتين تلاتة ..

لو عايز تسافر لازم تعمل شهادات معادلة و حاجات زى كده ..
يعنى مذاكرة ملهاش اول ولا اخر
يعنى عايزة واحد غاويها و هييجى فى سنة سادسة و يهنج بردو و تلعن اليوم الى دخلتها فيه

انا معرفش دماغك بس انا مثلا مبطقش المذاكرة و لو كان حد فهمنى القصة دى من الاول و النظام جوه الكلية عامل ازاى مكنتش دخلتها

نصيحة منى شوف دماغك انت اكتر واحد تقدر تحكم على نفسك و متسمعش من حد ميعرفش حاجه عن الكلية و يقولك عشان تبقى دكتور ولا صيدلى

اسمع من حد فى الكلية و حاول تعرف معلومات بسيطة عن الكام كلية ( هندسة صيدلة طب بشرى اسنان )

و ربنا يوفقك

الهندسة مقرفه في دراستها وشغلها ومش ها تستحمل القرف ده الا اذا كنت بتحبها

اقتباس:

---

المشاركة الأصلية كتبت بواسطة forti

بص انا هكلمك عن طب بما انى فى 5 طب القصر العينى .. كلام اخو صح جدا جدا و لو جيت عندنا الكلية و اخدت نصيحة اى حد حيقولك بلاش تخش طب ..

نتكلم كلام واقعى بقى .. كل الكليات صعبة هندسة طب او صيدلة

بس فى طب بقى المفروض الى داخلها يكون بيحبها و بيعشقها عشان يستحمل قرفها

هديلك فكرة بسيطة عن المواد .. كل سنة فيها اربع مواد بس اربعة محترمين

كل مادة فى اخر السنة هتجيبها من اولها الخرها .. بعكس كل الكليات التانية هتحصل شوية مواد فى ترم و تبدا مواد جديدة فى الترم التانى

سنة اولى و تانية اربع مواد بيفهموك جسم الانسان الطبيعى
سنة تالتة بتدرس جسم الانسان المريض
التلات سنين دول دراسة نظرى
التلات سنين الباقيين
رابعة بتدرس مواد اكلينيكية زى رمد مثلا
خامسة كذلك
سادسة مادتين بس جراحة و باطنة بس حاجه فخيمة كده
و التلات سنين دول اسمهم دراسة اكلينيكية
و على فكرة سنة سادسة سنة و نصف مش سنة واحدة ( يعنى 3 ترمات )
تيجى بقى للامتياز سنة بردو و دى ميعتبرش فيها مذاكرة
يبقى لحد دلوقتى 7.5
تتخرج من الكلية بقى اسمك ممارس عام مش متخصص فى حاجه
تشوف بقى هتروح فين و لا تتعين فين و تشوف تخصص عاجبك و بعدين تحضر ماجيستر تقعدلك فيه سنتين تلاتة ..

لو عايز تسافر لازم تعمل شهادات معادلة و حاجات زى كده ..
يعنى مذاكرة ملهاش اول ولا اخر
يعنى عايزة واحد غاويها و هييجى فى سنة سادسة و يهنج بردو و تلعن اليوم الى دخلتها فيه

انا معرفش دماغك بس انا مثلا مبطقش المذاكرة و لو كان حد فهمنى القصة دى من الاول و النظام جوه الكلية عامل ازاى مكنتش دخلتها

نصيحة منى شوف دماغك انت اكتر واحد تقدر تحكم على نفسك و متسمعش من حد ميعرفش حاجه عن الكلية و يقولك عشان تبقى دكتور ولا صيدلى

اسمع من حد فى الكلية و حاول تعرف معلومات بسيطة عن الكام كلية ( هندسة صيدلة طب بشرى اسنان )

و ربنا يوفقك

---

الإختلاف في الرأي لا يفسد للود قضيه
على الرغم انك فى طب بس انا مش معاك فى كلامك

شوف الحاجه اللى انت بتحبها علشان متندمش بعد كدا.......عموما الاتنين عايزين مجهود ......بس الطب حباله طويله فى الدراسه اكتر من الهندسه.....انما لو على شغل ومستقبل كله فى علم الغيب ولا يعلمه الا الله.
وربنا يوفقك.

اقتباس:

---

المشاركة الأصلية كتبت بواسطة emad_2020

الإختلاف في الرأي لا يفسد للود قضيه
على الرغم انك فى طب بس انا مش معاك فى كلامك

---

مش معايا فى ايه طيب , و طبعا اختلاف الرأى لا يفسد لود قضية

صيدله بتاخد متوسط 10 مواد في السنه وعايزه حفظ كتير وهيبقي عندك مواد رياضيه وتحسب برضه لو محتاج تفاصيل اكتر قلي

Sent from my Xperia Arc S using Forum Runner

اقتباس:

---

المشاركة الأصلية كتبت بواسطة emad_2020

فى الاول ربنا يوفقك الى الخير
طلما انتا حابب حاجة يبقا هى فى المقام الاول وهتنجح فيها اكتر اما عن الفلوس ومش عارف ايه ده كلام مش مظبوط حاول تحط هدف وتعمل على تحقيقه هو ده النجاح بجد :bravo:

---

كلامك جميل..شكرا علي ردك

اقتباس:

---

المشاركة الأصلية كتبت بواسطة dede_dodo88

لو بتفكر تبقى دكتور في مصر يبقى بلاش أحسن.. إلا بقى لو هتكمل دراستها بعد الجامعة بره مصر و تمارس المهنة بره فساعتها هيكون وضع مختلف تماماً.. بس هنا في مصر مفيش أكتر من الدكاترة بسبب الثقافة السائدة أن لازم أبني يطلع دكتور أو مهندس و كأنهم الشغلانتين الوحيدتين المرموقتين!!.. و أكيد طبعاً أنت عارف أو على الأقل سمعت عن وضع خريجي طب أيه هنا!!..
طب أسنان أسهل شوية و وضعها في الشغل أعتقد أحسن.. لكن تكاليف فتح عيادة أسنان بتبقى عالية أوي لأن الأجهزة مكلفة..

بس عايز أقولك أن أختيارك يكون مبني على رغبتك أنت مش أختيار حد تاني.. و بالتوفيق..

---

بره دي تقصد بيها تشتغل فى دول الخليج ولا اوروبا وكندا ؟! لو خليج يبقى عادي .. دول اجنبية لأ بصراحة وهل فيه احتمال الوضع يتحسن فى مصر؟ وكمان بالنسبة للدكاترة اللى عيادتها شغالة كويس فى مصر ايه النظام ؟ .. شكرا على ردك

اقتباس:

---

المشاركة الأصلية كتبت بواسطة ahmedzag1

خدها مني نصيحة سؤالك ده بداية طريق الفشل
اجابة السؤال ده محدش يقدر يجاوبك عليه غير نفسك شوف انت هدفك ايه وعايز ايه من الدنيا واختار واوعى تفكر في الماديات كلو بيجيب فلوس لو كنت ناجح في مجالك ومتزعلش من بس انا زي اخوك الكبير

---

ردك جميل جداً، بس انا بستشير الناس عشان اخد معلومات اكتر:) شكرا ليك

اقتباس:

---

المشاركة الأصلية كتبت بواسطة forti

بص انا هكلمك عن طب بما انى فى 5 طب القصر العينى .. كلام اخو صح جدا جدا و لو جيت عندنا الكلية و اخدت نصيحة اى حد حيقولك بلاش تخش طب ..

نتكلم كلام واقعى بقى .. كل الكليات صعبة هندسة طب او صيدلة

بس فى طب بقى المفروض الى داخلها يكون بيحبها و بيعشقها عشان يستحمل قرفها

هديلك فكرة بسيطة عن المواد .. كل سنة فيها اربع مواد بس اربعة محترمين

كل مادة فى اخر السنة هتجيبها من اولها الخرها .. بعكس كل الكليات التانية هتحصل شوية مواد فى ترم و تبدا مواد جديدة فى الترم التانى

سنة اولى و تانية اربع مواد بيفهموك جسم الانسان الطبيعى
سنة تالتة بتدرس جسم الانسان المريض
التلات سنين دول دراسة نظرى
التلات سنين الباقيين
رابعة بتدرس مواد اكلينيكية زى رمد مثلا
خامسة كذلك
سادسة مادتين بس جراحة و باطنة بس حاجه فخيمة كده
و التلات سنين دول اسمهم دراسة اكلينيكية
و على فكرة سنة سادسة سنة و نصف مش سنة واحدة ( يعنى 3 ترمات )
تيجى بقى للامتياز سنة بردو و دى ميعتبرش فيها مذاكرة
يبقى لحد دلوقتى 7.5
تتخرج من الكلية بقى اسمك ممارس عام مش متخصص فى حاجه
تشوف بقى هتروح فين و لا تتعين فين و تشوف تخصص عاجبك و بعدين تحضر ماجيستر تقعدلك فيه سنتين تلاتة ..

لو عايز تسافر لازم تعمل شهادات معادلة و حاجات زى كده ..
يعنى مذاكرة ملهاش اول ولا اخر
يعنى عايزة واحد غاويها و هييجى فى سنة سادسة و يهنج بردو و تلعن اليوم الى دخلتها فيه

انا معرفش دماغك بس انا مثلا مبطقش المذاكرة و لو كان حد فهمنى القصة دى من الاول و النظام جوه الكلية عامل ازاى مكنتش دخلتها

نصيحة منى شوف دماغك انت اكتر واحد تقدر تحكم على نفسك و متسمعش من حد ميعرفش حاجه عن الكلية و يقولك عشان تبقى دكتور ولا صيدلى

اسمع من حد فى الكلية و حاول تعرف معلومات بسيطة عن الكام كلية ( هندسة صيدلة طب بشرى اسنان )

و ربنا يوفقك

---

طيب يعني بتبقى اخصائى وتخلص كل ده وانت عندك28-29 سنة ، طيب وبعد كدة الوضع بيتزبط ؟ ماهو لو الحياة بعد كدة بتبقى كويسة يبقى اعتقد مش مشكلة تتعب حبة اصاد انك ترتاح بعد كدة باقى عمرك وكدة كدة زي ماقلت كله صعب وحتي المهندسين بيقعدو حبة لحد ما يوصل لمركز محترم واى وظيفة كدة،، ولا البهدلة دي طول العمر ولا ايه النظام ؟ وشكرا جدااا على ردك

اقتباس:

---

المشاركة الأصلية كتبت بواسطة alameer81

الهندسة مقرفه في دراستها وشغلها ومش ها تستحمل القرف ده الا اذا كنت بتحبها

---

شكرا على ردك

اقتباس:

---

المشاركة الأصلية كتبت بواسطة ahmed_selmy

شوف الحاجه اللى انت بتحبها علشان متندمش بعد كدا.......عموما الاتنين عايزين مجهود ......بس الطب حباله طويله فى الدراسه اكتر من الهندسه.....انما لو على شغل ومستقبل كله فى علم الغيب ولا يعلمه الا الله.
وربنا يوفقك.

---

صح طبعا كله فى علم الغيب ، بس انا بستفسر عن الواقع الحالى للناس اللى عايشة فى التخصصات دي حاليا ، شكرا على ردك

اقتباس:

---

المشاركة الأصلية كتبت بواسطة dr_mido

صيدله بتاخد متوسط 10 مواد في السنه وعايزه حفظ كتير وهيبقي عندك مواد رياضيه وتحسب برضه لو محتاج تفاصيل اكتر قلي

sent from my xperia arc s using forum runner

---

طيب والنظام بعد التخرج؟اصل اخويا (صيدلى) مش عاجبه الكلية اصلا


اللى انا ملاحظة ان كل واحد مش عاجبه كليته او مجاله !!
ياجماعة انا عارف طبعا ان الارزاق بتاعت ربنا،لكن بستفسر كصورة عامة للمجالات دي عشان ابقى عارف الحاجة قبل ما اخشها .. وربنا يكرمكم وشكرا على ردودكم ، مستني اراء اكتر كمان :)

من الآخر ادخل اللي بتحبه وشايف نفسك فيه كل الكليات فيها تعب ومجهود بس لما بتكون حابب اللي بتعمله عمرك مابتكون ندمان مهما تعبت...أنا كنت زيك كده وبرضو ناس قالتلي هندسه دي مقرفه وكترو في البلد بس لأني كان نفسي فيها دخلتها والحمد لله أنا ف سنه تالته دلوقتي ..ادخل اللي نفسك فيه لان ده مستقبلك انت وربنا يوفقك أن شاء الله

على حسب انت بتحب ايه و دماغك في ايه ؟

و هقولك على هندسة
انت عندك في هندسة متقسمة كالتالي
ميكانيكا و دي لها تفرعات : قوى - سيارات - بحرية
كهرباء
كومبيوتر
الكترونيات
صناعية
بيئية
طبية
ميكاترونيكس و دي بتجمع بين الالكترونيات و الميكانيكا
إنتاج
نووية
بتروكيماوية
كيميائية ( مش عارف اذا كانت موجودة في مصر ولا لا )

نظام الشغل دلوقتي للمهندسين بقى ايه ؟

نسبة نادرة جدا جدا من المهندسين بيشتغلوا بمجهوداتهم و امكانياتهم الشخصية و دي حصلت مع ناس اصحابي اشتغلوا الحمد لله بمرتبات كويسة في شركات كويسة من غير واسطة

تجيجي انت تدور على اعلانات اقل خبرة مطلوبة هي سنتين على الرغم من كدة ممكن تقدم في وظايف طالبين فيها خبرة و دي حصلت مع واحد صاحبي كان بيبعت لاي شركة طالبة مهندسين حتى مع اشتراط الخبرة و كان فيه شركات بتبعتله علشان يعمل مقابلة

الهندسة لو انت بتحب تبدع و تبتكر مناسبة ليك .. الهندسة ممكن تشتغل في ناحيتين التصميم او التشغيل و الصيانة

طبعا الهندسة دراستها خمس سنين لو دخلت معهد او كلية خاصة و درست مواد هندسة لمدة اربع سنين بس مش هتاخد البكالوريوس

بالنسبة للدراسة في او سنتين بتدرس علوم اساسية PHYSICS & Mathematics & chemistry & electrical circuits و شوية مواد تانية معاهم من تالت سنة بتبدأ تدرس في مواد تخصص ( دة كان نظام الكلية عندي )

بلاش طب وبكرة هتفتكر كلامى كويس جدا

طب يادى الوقعه السوده يا ساتر يا رب يا بنى متظلمش نفسك انت فى بلد لا تقدر الاطباء لو انت فى اى دوله محترمه مممكن اقولك استحمل كل سنين الطب اللى الاخ فورتى قالك عليها ولكن انت هتلاقى نفسك بعد 7 سنين طب وسنتين تكليف المحصله تقريبا 9سنين من عمرك صفر لانك المفروض هتبدا تبنى نفسك فى تخصصك اللى انت لو مش محدده حتتعب اوى علشان تستقر فى الوقت ده تلاقى اى حد ميلك بقاله يجيى اربع سنين بره وانت لسا بتاخد مصروفك من اهلك ولو وضعك المادى مش مسندود يبقى انسى الجواز دا كله كوم وانك تشتغل فى مستشفى غير ادميه فى امكانيتها ومعاملة الناس السيئه جدا وتلاقى نفسك بتلعن ابو اليوم اللى دخلك الكليه دى احنا بننصحك نصيحه ملقناش حد يوجهنا ايامها مع ان ابويا الله يرحمه كان دكتور ولكن كان عاشق المهنه وايامه كان سهل ان دكتور يبنى نفسه وربنا يوفقك

طب انا مهندس وبقولك ولا طب ولا هندسه
احنا فى بلد كل الشغل فيها تجارة
ادخل business administration واتقن الانجليزى وممكن بعد سنه شغل تاخد MBA
هتلاقى نفسك بعد سنتين شغل احسن من المهندس ومن الدكتور ميه مره
وما ضيعش نفسك فى اوهام هندسه وطب والبلد كل المرتاحين فيها هم التجار

ما انا بقولك لو انت دماغك انك ممكن دلوقتى و انتا عندا 19 سنة مثلا تقدر تقدر 10 سنين كمان تذاكر يبقى كويس و ربنا يوفقك

نصيحة مني انا مهندس دفعة 2011 ...ونصيحتي ليك هندسة وش ومتفكرش ...انا اينعم اتمرمط في الكلية شوية وسنة تدوير ع شغل ..بس الحمد لله دلوقتي شغال في شركة محترمة مالتي ناشونال ومرتب كويس وبرستيج وكل حاجة ..نيحي بقي نبص لزميلي اللي دخل طب اتفحت 7 سنين في الكلية ووخلص السنة دي وجاله تكليف في الغردقة في حاجة اخر قذارة وبعدها ان شاء الله لسه هيشوف جيشه ايه نظامه وبعد كده لسه هيحضر ماستر وبعد كده يشوف حاله بقي ... شوف عقبال ما هوي يبتدي شغل هكون انا وصلت لأيه ؟؟ ...نصيحة مني خش هندسة او حاجة كمبيوتر ساينس لو دماغك في الكمبيوتر والبرمجة غير كده انت بتحكم ع نفسك بالشقاء....طبعا انا كلامي ده لو انت بتدور ع كلية عملية ..انما لو كلية نظرية زي تجارة مش وحشة برضه بس اهم حاجة تتميز فيها يعني تقدير ولغة وسوفت سكيلز وانا اضمنلك انك هيبقي ليك كاريير محترم يمكن مساوي او اكبر من المهندسين كمان ...

اقتباس:

---

المشاركة الأصلية كتبت بواسطة Eng.Omar_karem

من الآخر ادخل اللي بتحبه وشايف نفسك فيه كل الكليات فيها تعب ومجهود بس لما بتكون حابب اللي بتعمله عمرك مابتكون ندمان مهما تعبت...أنا كنت زيك كده وبرضو ناس قالتلي هندسه دي مقرفه وكترو في البلد بس لأني كان نفسي فيها دخلتها والحمد لله أنا ف سنه تالته دلوقتي ..ادخل اللي نفسك فيه لان ده مستقبلك انت وربنا يوفقك أن شاء الله

---

100% - شكرا علي ردك

اقتباس:

---

المشاركة الأصلية كتبت بواسطة Mzeid

على حسب انت بتحب ايه و دماغك في ايه ؟
و هقولك على هندسة
انت عندك في هندسة متقسمة كالتالي
ميكانيكا و دي لها تفرعات : قوى - سيارات - بحرية
كهرباء
كومبيوتر
الكترونيات
صناعية
بيئية
طبية
ميكاترونيكس و دي بتجمع بين الالكترونيات و الميكانيكا
إنتاج
نووية
بتروكيماوية
كيميائية ( مش عارف اذا كانت موجودة في مصر ولا لا )
نظام الشغل دلوقتي للمهندسين بقى ايه ؟
نسبة نادرة جدا جدا من المهندسين بيشتغلوا بمجهوداتهم و امكانياتهم الشخصية و دي حصلت مع ناس اصحابي اشتغلوا الحمد لله بمرتبات كويسة في شركات كويسة من غير واسطة
تجيجي انت تدور على اعلانات اقل خبرة مطلوبة هي سنتين على الرغم من كدة ممكن تقدم في وظايف طالبين فيها خبرة و دي حصلت مع واحد صاحبي كان بيبعت لاي شركة طالبة مهندسين حتى مع اشتراط الخبرة و كان فيه شركات بتبعتله علشان يعمل مقابلة
الهندسة لو انت بتحب تبدع و تبتكر مناسبة ليك .. الهندسة ممكن تشتغل في ناحيتين التصميم او التشغيل و الصيانة
طبعا الهندسة دراستها خمس سنين لو دخلت معهد او كلية خاصة و درست مواد هندسة لمدة اربع سنين بس مش هتاخد البكالوريوس
بالنسبة للدراسة في او سنتين بتدرس علوم اساسية PHYSICS & Mathematics & chemistry & electrical circuits و شوية مواد تانية معاهم من تالت سنة بتبدأ تدرس في مواد تخصص ( دة كان نظام الكلية عندي )

---

شكرا على التوضيح والمعلومات الجميلة

اقتباس:

---

بلاش طب وبكرة هتفتكر كلامى كويس جدا

---

ممكن توضيح اكتر؟ليه ؟؟

اقتباس:

---

طب يادى الوقعه السوده يا ساتر يا رب يا بنى متظلمش نفسك انت فى بلد لا تقدر الاطباء لو انت فى اى دوله محترمه مممكن اقولك استحمل كل سنين الطب اللى الاخ فورتى قالك عليها ولكن انت هتلاقى نفسك بعد 7 سنين طب وسنتين تكليف المحصله تقريبا 9سنين من عمرك صفر لانك المفروض هتبدا تبنى نفسك فى تخصصك اللى انت لو مش محدده حتتعب اوى علشان تستقر فى الوقت ده تلاقى اى حد ميلك بقاله يجيى اربع سنين بره وانت لسا بتاخد مصروفك من اهلك ولو وضعك المادى مش مسندود يبقى انسى الجواز دا كله كوم وانك تشتغل فى مستشفى غير ادميه فى امكانيتها ومعاملة الناس السيئه جدا وتلاقى نفسك بتلعن ابو اليوم اللى دخلك الكليه دى احنا بننصحك نصيحه ملقناش حد يوجهنا ايامها مع ان ابويا الله يرحمه كان دكتور ولكن كان عاشق المهنه وايامه كان سهل ان دكتور يبنى نفسه وربنا يوفقك

---

طيب ايه الكلية الكويسة من وجهة نظرك ؟
مش ممكن كمان كام سنة لحد ما يكون الواحد اتخرج يكون الوضع اتحسن ؟
شكرا علي ردك

اقتباس:

---

المشاركة الأصلية كتبت بواسطة mr_safwt

طب انا مهندس وبقولك ولا طب ولا هندسه
احنا فى بلد كل الشغل فيها تجارة
ادخل business administration واتقن الانجليزى وممكن بعد سنه شغل تاخد MBA
هتلاقى نفسك بعد سنتين شغل احسن من المهندس ومن الدكتور ميه مره
وما ضيعش نفسك فى اوهام هندسه وطب والبلد كل المرتاحين فيها هم التجار

---

لو قصدك على تجارة او تجارة English فالبلد كلها مليانة بيهم واللى بيشتغل بياخد مرتبات يادوب تكفى المواصلات ، وبتوع البنوك والشركات الكبيرة كلها وسايط
لو تقصد حاجة تانية وضحها ؟؟؟
شكرا علي ردك

اقتباس:

---

المشاركة الأصلية كتبت بواسطة hazemhany

نصيحة مني انا مهندس دفعة 2011 ...ونصيحتي ليك هندسة وش ومتفكرش ...انا اينعم اتمرمط في الكلية شوية وسنة تدوير ع شغل ..بس الحمد لله دلوقتي شغال في شركة محترمة مالتي ناشونال ومرتب كويس وبرستيج وكل حاجة ..نيحي بقي نبص لزميلي اللي دخل طب اتفحت 7 سنين في الكلية ووخلص السنة دي وجاله تكليف في الغردقة في حاجة اخر قذارة وبعدها ان شاء الله لسه هيشوف جيشه ايه نظامه وبعد كده لسه هيحضر ماستر وبعد كده يشوف حاله بقي ... شوف عقبال ما هوي يبتدي شغل هكون انا وصلت لأيه ؟؟ ...نصيحة مني خش هندسة او حاجة كمبيوتر ساينس لو دماغك في الكمبيوتر والبرمجة غير كده انت بتحكم ع نفسك بالشقاء....طبعا انا كلامي ده لو انت بتدور ع كلية عملية ..انما لو كلية نظرية زي تجارة مش وحشة برضه بس اهم حاجة تتميز فيها يعني تقدير ولغة وسوفت سكيلز وانا اضمنلك انك هيبقي ليك كاريير محترم يمكن مساوي او اكبر من المهندسين كمان ...

---

تخصصك ايه ؟؟ وحكاية كمبيوتر ساينس هو ايه الفرق اصلا بين كلية هندسة قسم كمبيوتر وكلية علوم قسم كمبيوتر و حاسبات ومعلومات ؟! وبينهم وبين واحد خريج اى كلية تانية واخد شوية كورسات وشغال فى نفس المجال؟
وحكاية التجارة البلد كلها خريجة تجارة ومرتباتهم ضعيفة جداااا ده لو لقى اصلا .. وبخصوص الكارير المحترم فده لو اشتغلت فى بنك او شركات كبيرة ودي كلها وسايط
شكرا علي ردك

اقتباس:

---

المشاركة الأصلية كتبت بواسطة mr_safwt

طب انا مهندس وبقولك ولا طب ولا هندسه
احنا فى بلد كل الشغل فيها تجارة
ادخل business administration واتقن الانجليزى وممكن بعد سنه شغل تاخد MBA
هتلاقى نفسك بعد سنتين شغل احسن من المهندس ومن الدكتور ميه مره
وما ضيعش نفسك فى اوهام هندسه وطب والبلد كل المرتاحين فيها هم التجار

---

مش عارف.. كلمة تجار دي حسستني أني قاعد في محل عطارة و لابس جلابية و مولع بخور جنبي lol
تجار مش ماشية خالص مع MBA و Business Administration,, جو غير الجو يعني lol

هي البلد فعلاً مليانة خريجي تجارة بس عشان تشتغل في مكان كويس و بمرتب كبير لازم تبقى فعلاً متميز عن غيرك..
الأنجليزي بقى حاجة أساسية, يعني لو معكش أنجليزي قوي مش هيتبص على الـC.V بتاعك أصلاً.. أي دراسات فوق البكالريوس بتبقى Plus طبعاً و بتديك ميزة عن غيرك.. دراسات مثلاً زي HR diploma, MBA, CPA, CFA
و كل شهادة من دي لما بتاخدها بتسمع في مركزك الوظيفي و في مرتبك جامد جداً..
الكلام على الشغل بالوسايط ده مش حقيقي,, صحيح الوسايط موجودة لكن بتبقى حالات فردية لو بنتكلم على شركات أو بنوك كبيرة لأن الأماكن دي بتعين موظفين على الفرازة.. و الكلام ده بقوله من الواقع اللي عايشه في الشغل و من أصدقاء ليا..

انا تخصصي ميكانيكا باور .. وانصحك لو هتخش هندسة يبقي يا ميكانيكا يا مدني يا عمارة غير كده فاكس وكله عن تجارب شفتها بعيني حتي البترول فاكس ....الفرق بين هندسة كمبيوتر وحاسبات ومعلومات ..اولا انت في هندسة كمبيوتر هتبقي مهندس وتابع للنقابة اما حاسبات لأ ..ثانيا في هندسة انت بتدرس هارد وير وسوفت وير يعني بتدرس الدواير الكهربية وبتصممها بتدرس ميكروكنترولرز كل اجزاء الكمبيوتر والشبكات بتدرسها ..اما حاسبات انت بتدرس سوفت وير بس برمجة بحتة ملكش اي دعوة بالبروسيسور ده بيشتغل ازاي بيتكون من ايه الدواير دي متصممة ازاي ده ملكش دعوة بيه انت بتدرس برمجة بس ...وبخصوص تجارة انا اصحابي شغالين في بنوك كبيرة وبدون واسطة اطلاقا وقدراتهم عادية جدا مهماش معديين انجلش ولا تقدير بس هما سعوا ولاقوا وتعبوا في الدراسة ...

انصحك بدخول الهندسه وحاول تتخصص مدنى او عماره وان شاء الله الشغل بايد ربنا اولا واخيرا وعلى فكره ناس كتير فاكره ان الرياضه اساسيه فى كلية الهندسه
الرياضه فى اعدادى بتخدها ولو دخلت مدنى او عماره بتخدها فى اولى وتانيه بس ومش اساسيه فى شغلك
بخلاف قسم كهرباء بيخدوها كتير
بالنسبه لمدنى المواد اللى بتخدها هىا للى بتساعدك فى الشغل بعد كده زى الخرسانه المسلحه والانشاءات وكلها مواد لذيذه فى دراستها
وان شاء الله الشغل موجود بكثره للمهندسين سواء فى مصر او بالخارج
وبالتوفيف ان شاء الله

اسمع مني طب ديه عايزه واحد ابوه شغال في نفس المجال و تشتغل معاه لاكن لو لوحدك انسي ... 7 8 سنين دراسه غير الماجستير .. و يا سلام بقي لو ليك جيش هتلبس 3 سنين يعني هتبدي حياتك و انت في التلاتينات ... حرام يعني ... انا واحد عندي 21 سنه و اتقبلت في بنك كبير و اقسم بالله لا واسطه و لا حاجه ... و باخد مرتب محدش يحلم بيه ... و دلوقتي بحضر cfa ... عايز نصيحتي عشان متضيعش عمرك يا اما تخش ادبي و تجيب مجموع كبير .. الادبي مش صعب بس عايز مجهود .. يا اما تخش هندسه تطخ خمس سنين .. و شوف انت عندك جيش و لا لا .. عشان الهندسه او الطب من التخصصات الي بتلبس 3 سنين اساسي و انت ادري بحالك

شوف انا درست في البشري 3 سنوات وبعدين حولت لااسنان وشغال دلوقتي الحمدالله
الطب البشري حاجة رخممممممممممممةةةة جداااااا
الاسنان الدراسة 1- سهلة جدا جدا
2- كل دراستك عملي مكرر وليس حشو حفظ غبي زي الطب
3- ممتعة جدا جدا
4- خمس سنوات بالعد
5-بعد الامتياز تقدر تفتح عيادة مباشرة .....سنة واحدة ان شاء الله تبقى مش ملاحق شغل
6-كل الخبرات الزيادة بتبقى تخدها في شكل كورسات عملية
7-مكسب الطبيب جامد جدا
8- تكلفة فتح عيادة كاجهزة 30000 وبالتقسيط كمات على 5 سنوات
يكفي اقولك ان حشوة الاسنان تكلف الطبيب 5جنيه وانت بتدفع فيها من اول 80 الى 500 حسب المكان اللي فيه العيادة
ده نصيحتي ليك عن تجربة في البشري والاسنان

اقتباس:

---

المشاركة الأصلية كتبت بواسطة ahmed_badawy14

دلوقتي بحضر cfa ...

---

أحكيلي عن الـCFA..
level كام و عامل ايه فيها ؟

ليفل 1 .... بس اجلت امتحاني لشهر 12 .. عشان افهم الشغل اكتر ... بس هي لذيذه .. و بالذت security analysis

اقتباس:

---

المشاركة الأصلية كتبت بواسطة ahmed_badawy14

ليفل 1 .... بس اجلت امتحاني لشهر 12 .. عشان افهم الشغل اكتر ... بس هي لذيذه .. و بالذت security analysis

---

طب نصيحة صغيرة,, ذاكر أول بأول لأن الكمية خزعبلية.. و حل كمية أسئلة على قد ما تقدر..

شكرا جداً لكل الناس اللى ردو
المفاجئة انى مش لاقي حد بيشجع على طب الا نادراً
امال الاف الطلبة اللى بتجري ورا طب وبتقضيها مذاكرة ليل نهار فى الثانوية العامة عشان تدخل طب دي ايه نظامها :d
ليه مفيش تشجيع !!

أنا شايف ايلى عاوز يدخل طب لازم يكون والده او حد من أقاربه دكتور عشان يشتغل بسرعه ويعمل

أسم

مبدئيا كل واحد هيحكيلك تجاربه الشخصية وبالتالي لاتتاثر باي حد وكون وجهة نظرك عن اقتناع

بالنسبة لتجربتي االشخصية فانا كنت كاره الطب كره العمي وكنت مقتنع اني لو بقيت دكتور هتسبب في موت الناس

واخترت هندسة بالرغم من ان كل الناس حواليا كانو عايزيني ابقي دكتور وجدي الله يرحمه كان بيقولي لو دخلت طب هشتريلك عربيه هههههههه الله يرحمه مات وانا في تانيه ثانوي

المهم في الاخر دخلت حاسبات ومعلومات مع اني مكنتش عايزها وكنت عايز بترول وتعدين لكن فرقت علي نصف في الميه

الحمد لله ان ربنا كرمني بحاسبات بالرغم من اني كنت قرفات في اول سنتين لانهم كانو نظري قوي والتطبيق كتيير لكن اخر سنتين (الكليه 4 سنين بس) كانو كلهم عملي فحت والنظري قليل او تقدر تقول لو طبقت العملي هتعرف تحلي النظري لوحدك والحمد لله الكليه كانت سهله جدا بالنسبة ليا عشان بحب العملي واتخرجت وبعد التخرج ب 3 اسابيع كنت شغال في شركة كبيرة بمجهوي ولا بكوسة ولا غيره وبالحاجات اللي درستها في االكليه

مرتباتها حلوه قوي واحسن من هندسة بكتيير بس شغلها متعب لانه كله مبني علي التفكير والقرايه المستمره لكن بتبقي ممتعة جدا للي بيحبها

عن نفسي مش مقتنع بطب نهائي عشان الأسباب اللي الأخوه عرضوها وانا مكنش عندي استعداد ازاكر 7 سنين وادخل جيش 3 سنين واطلع اذاكر تاني 3 سنين عشان اشتغل في مستشفي ب 300 جنيه

هتجوز امتي واعيش حياتي امتي ؟

حاجه تانيه

70% من الناس اللي قابلتهم في طب كانو كارهين الكليه ومش طايفين نفسهم من اول 2 طب لحد امتياز

شكرا على كل الردود

بلااااااش صيدله طلعها من حساباتك تماما مش عشان انا درستها بس هي فعلا شهاده ملهاش لازمه

اقتباس:

---

المشاركة الأصلية كتبت بواسطة newcastle

بلااااااش صيدله طلعها من حساباتك تماما مش عشان انا درستها بس هي فعلا شهاده ملهاش لازمه

---

ليه؟ ده انا شايفها احسن من الطب

بتتخرج بعد 5 سنين ومفيش الطحن بتاع طب وليك صيدليتين اقل واحده لو حطيت اسمك هتجيبلك 600 ولا 1000 جنيه وممكن تشتشغل في شركة ادوية مثلا

سيبك من الكلام اللي المصريين بيقولوه وانه بياع دوا والكلام الخايب ده

بلاش طب وبكرة هتعرف قيمة نصيحتى لك بس بعد فوات الاوان

طيب ياريت واتمنى كل واحد يذكر السبب مش سطر وبس ..
ملحوظة : مرتبات الاطباء فى السعودية اضعاف مرتبات المهندسين ..
فياريت كل واحد يذكر اسبابه ..

نفسي الناس في مصر تدرس اللي هيا بنحبه...مش مجرد نشوف ايه الموضه ايه ونمشي معاه