مساعدة بخصوص تسقيط موتور polo gti على جولف 2

السلام عليكم وعلى اجمد منتدى سيارات في العالم
بعد اذن الرجالة محتاج مساعده ومش عارف اسأل مين
انا معايا جولف 2 مو1986 موتور 1300 كاربرتير
الصلاة على النبي كده الموتور بالفتيس بمجموعة الدبرياج رايحين في داهيه وحالهم يصعب عالكافر وانا الصراحة عايز حاجه اشد شويه
انا مش طماع هما 180 - 190 - 200 حصان مش اكتر بس اللى عاوز اطمع فيه الفتيس يكون اوتوماتيك عشان زهقت من المانوال (لو تيبترونيك يبقى عز الطلب :ma:)
قلت ياواد دور عالنت لحد مالقيت الموتور الجامد ده
Volkswagen Polo GTI picture # 48 of 52, Engine, MY 2011, 800x600

Volkswagen Polo GTI picture # 50 of 52, Interior, MY 2011, 800x600
الموتور ده يا أخواني 180 حصان 1400 سى سى باتنين تشارجر واحد تيربو وواحد سوبر ومابينزلش منه غير تيبترونيك يعنى عز الطلب
الموتور ده نزل في 3 عربيات بس Polo GTI و Fabia RS و SEAT Ibiza Cupra
الموديلات الجديدة من العربيات دي الكود بتاعة CAVE/CTHE ماعرفش هما حاجه واحده ولا ايه

انا اللي عاوز اعرفه بكام الموتور ده والاقيه عند مين وايه المطلوب منى عشان اسقطه
وهل مطلوب منى اعدل في حوض تعديل جامد ولا عادى
الرجاء خبراء الجولف يتدخلوا ولو حد يعرف نمرة ناس اسألهم يبقى كتر خيره
بس والنبي ما حد يكسفني ويقولى حرام جولف 2 فيها الكلام عشان العربية دي انا بحبها جدا ومستخسر ابيعها

عشان تسقط موتور زى ده يبقى لازم تجيب نص كامل وتفضيه عندك والنص ده هيكون جولف 5 او اى حاجة من نفس الجيل فيها tsi وطبعا هتسمع اسعار غريبة فيه ولازم هتعدل فى الحوض

للأسف مش هعرف افيدك على اللى يعملك الشغل ده فى القاهرة لكن لو فى اسكندرية انا تحت امرك

لو عايز 150 حصان يبقى خليك فى الـ abf موتور 2000 سى سى وبينزل فى الجولف 3 وممكن تجيب نص كامل بـ 10,000'
لو عايز أكتر يبقى vr6 بس ده 6 سلندر ونزل منه نسختين 2.6 و 2.8

اولا قبل اى شىء شكرا عالرد
(عشان تسقط موتور زى ده يبقى لازم تجيب نص كامل وتفضيه عندك والنص ده هيكون جولف 5 او اى حاجة من نفس الجيل فيها tsi وطبعا هتسمع اسعار غريبة فيه ولازم هتعدل فى الحوض)

النص الكامل مالوش لازمة عندى لان انا جولف 2 انا كل اللى عايزه الموتور والفتيس وكل مايخصهم انما التابلوه مثلا حاعمل بيه ايه
وبالنسبه للتعديل في الحوض حايبقى جامد واغير منظر الحوض اصلا ولا حاجات بسيطه

(للأسف مش هعرف افيدك على اللى يعملك الشغل ده فى القاهرة لكن لو فى اسكندرية انا تحت امرك)

الله يكرمك نمرة الموبايل برضه ونستفيد منك بعد اذنك

(لو عايز 150 حصان يبقى خليك فى الـ abf موتور 2000 سى سى وبينزل فى الجولف 3 وممكن تجيب نص كامل بـ 10,000'
لو عايز أكتر يبقى vr6 بس ده 6 سلندر ونزل منه نسختين 2.6 و 2.8)

انا عايز حاجه اكتر سيكا من 150 بس بغض النظر الناس حذرتنى من ال abf عشان قطع الغيار ده اولا ثانيا ده بينزل مانوال بس و ال vr6 كتير اوى عليا سليندر وسى سى وبرضه مانوال مافيش منهم اوتو

ماهو مش هتلاقي حد يبيع tsi الا على نص كامل

مدام بتحب الجري "وربنا يستر طريقك" يبقى ال abf وده متوفر في الحرفيين وممكن تتربنه كمان لو حابب

شكرا عالرد يازعيم
بس انا مش بحب الجرى زى مانت فاهم انا بس بحب الباور وقت ماعوزه الاقيه
صدقنى ال abf موتور جامد بس عيبه الناس حذرتنى منه عشان قطع الغيار ده زائد انى عاوزله تلقيفة فتيس اوتوماتيك ولا تيبترونيك ده زائد توربو ده يبقة خراب مستعجل

يا باشا اولا الصور اللي انت جايبها TSI و DSG
انت متخيل موتور زي دة بكام ؟؟؟
الفتيس بس العقل الألكتروني بتاعه ب35 الف يعني انت بتتكلم في فتيس وموتور يدخلوا في 50 الف بالميت - دة لو انت شاري من حد سارقهم

انا عارف ان الأستيراد ارخص بكتير من الجديد
بس هيبقي بكام ؟؟؟ ب20 الف موتور بفتيسه ؟؟

ثانياً انت متخيل انت بتتكلم في فرق كام جيل بين بيت المحرك بتاعك وبيت المحرك دة ؟؟؟؟
انت بتتكلم ان عربيتك جولف 2 يعني بداية انتاج 84 علي Platform A2
والصور لعربية بولو موديل 2011 يعني بداية انتاج 2009 - 2010 وعلي شاسيه وPlatform مختلف تماما تماما التمام عن عندك - راكبه علي شاسيه A05

يعني علي جيل من الشاسيهات بعد الجيل بتاعك بيمكن 24 سنة
ونفس الموتور اللي انت حاطط صورته نزل في الشيروكو ايضاً
اما عن الأكواد اللي انت حاططها دي فأعتقد انها للTurbo

انا رأيي انك تراجع نفسك تاني
وتبص علي الموضوعات دي وان شاء الله هتستفاد منها جامد في اختيارك للمحركات

http://www.nilemotors.net/Nile/34107...post3874863842

http://www.nilemotors.net/Nile/35883...post3875002118

http://www.nilemotors.net/Nile/354830-a.html

تحياتي

ياباشا انتا بتكلم بجد ولا بتهزر الماتور بتاع البولو بحجتة اغلي من عربيتك ومش هتلقية متوفر
وتاني شيئ الماتور قعودة اكيد غير قواعد الجولف 2 بس كل حاجة تنفع علي رائي ميكانيكي كنت بتاعمل معاه وبسئلة علي ماتور ينفع يركب للجولف قالي لو عايزني اركبهولك فوق السقف وتمشي بيه اعملهولك بس اهم حاجة مش هتكيش
انتا اختار لك ماتور من المواتير دي وانا ارشح لك ماتور 1800 بي بي انجكشن متوافر قطع غياره بي غباء سواء جديد او استيراد وبيديك سرعه الي تحبها انا كنت بجيب علي 2 120 ماتور غبي وحامي اوووي او ممكن تركب 2e وده 2000 سي سي وبرضة قطع غيارة منتشرة جديد وإيستراد ونصيحة ابعد عن Abf قطع غياره ندرة والماتور اسمع انه اعطاله كتيرة اما بخصوص vr6 فدة خراب بيوت وهتعدل برضة في الحوض وهتعمل دعمات وحورات كتيرة وقطع غيار غالية جدآآآآآآآ ومش هتلقيها بسهولة بس ماتور عايز الاتو بان بس نصيحة لو اشتريته ابقا اشتري عربية بنزين ماشيها وراك

الموتور اللي انت حاطط صوره ده أكيد مش هيركب عندك ده غير انه هتلاقيه غالي جدا ولو فرضنا انك جبته و ركب لازم تكون عارف الاكواد بتاعته عشان ده مبيشتغلش غير بمفتاح متكود عليه عشان منع السرقة وده هيبقى صعب جدا .. لأن واحد هنا في المنتدى كان بيحكي تجربته مع موتور أحدث من عربيته واضطر انه يجيب مهندس في التوكيل يفك له اكواد الموتور والراجل قعد يعمل في الشغلانة دي اسبوع ده غير المبلغ الضخم اللي اخده

أنا رأيي انك تركب موتور جولف 4 بفتيسه الاوتوماتيك .. يا أما بقى تجيب موتور جولف 2 وممكن تلاقي مواتير بفتيس اوتوماتيك بتاعها وإن كنت بفضل المانيوال في الجولفات عشان تعرف تعزم على العربية زي ما انت عاوز

اقتباس:

---

المشاركة الأصلية كتبت بواسطة Exoskeleton

اولا قبل اى شىء شكرا عالرد
(عشان تسقط موتور زى ده يبقى لازم تجيب نص كامل وتفضيه عندك والنص ده هيكون جولف 5 او اى حاجة من نفس الجيل فيها tsi وطبعا هتسمع اسعار غريبة فيه ولازم هتعدل فى الحوض)

النص الكامل مالوش لازمة عندى لان انا جولف 2 انا كل اللى عايزه الموتور والفتيس وكل مايخصهم انما التابلوه مثلا حاعمل بيه ايه
وبالنسبه للتعديل في الحوض حايبقى جامد واغير منظر الحوض اصلا ولا حاجات بسيطه

(للأسف مش هعرف افيدك على اللى يعملك الشغل ده فى القاهرة لكن لو فى اسكندرية انا تحت امرك)

الله يكرمك نمرة الموبايل برضه ونستفيد منك بعد اذنك

(لو عايز 150 حصان يبقى خليك فى الـ abf موتور 2000 سى سى وبينزل فى الجولف 3 وممكن تجيب نص كامل بـ 10,000'
لو عايز أكتر يبقى vr6 بس ده 6 سلندر ونزل منه نسختين 2.6 و 2.8)

انا عايز حاجه اكتر سيكا من 150 بس بغض النظر الناس حذرتنى من ال abf عشان قطع الغيار ده اولا ثانيا ده بينزل مانوال بس و ال vr6 كتير اوى عليا سليندر وسى سى وبرضه مانوال مافيش منهم اوتو

---

اسلام قالك ايه؟؟!!!

بص يا سيدي انا معايا جولف 2 و كنت حنزل فيه ماتور 1.8T بتاع جولف 4 لك ان تتخيل كمية المشاريع اللي قريتها عشان اعرف ان ال3 او 4 عربيات اللي نزلوها منزلينها غلط وعشان تنزل صح حتكلف 25 الف بالحاجات اللي تيجي من بره مع ان النص جولف4 يعمل 13 الف تخيل انت بتتكلم في بولو2011 يعني :
1-انت بتعمل تعديل كبير جدا يعتبر مشروع حتقعد تقرا يجي 6 شهور عن الماتور وقواعده وتعديلاته والهارنس اللي انت محتاجها والاكواد وليله
2-حتصرف بالميت 25 الف عشان تجيب القطع اللي تركب على المكنة دي من بره مثلا انت محتاج تركب قنطرة كورادوا وقاعدة شكلها ايه عشان تركب فين
3-انت محتاج نص قدامني كامل عشان تاخد االمكنة بالظفيرة بالجيربوكس بالتوزيع بالكنترول بالتكييف بالباور بالاي بي اس بتنك البنزين ليله
4-ممكن بعد ماتنزل تلاقي العربيه بتلوح معاك ومش متوازنه فراي فكك من القصة دي كلها تماما والحل كالاتي
5-المكنة دي متربنه يعني صداع يعني عينك على عدادات يعني بنزين 95 والا المكنة مش حتعيش وترزع معاك بدري بدري يعني عناية وقصه تانيه

1-مكنه 2E or ADY ده مكن 2000 سي سي على جيربوكس اوتوماتيك وفيه نص كامل في اسكندرية كان عامل 7000 جنيه اوتوماتيك
2-مكنه 1600 بتاع جولف 4 بفتيسها الاوتوماتيك ودي حتعمل 15000 دي افضل


انت مش محتاج ال ABF ولا غيره المكن اللي قلتلك عليه كفاية وصدقتي لو ركبت مكنه 112 حصان الماني تخاف من سحبها ال ABF مثلا 150 حصان بس مكنه هبله تحس انها بتسحبك لوراى مفتريه بس ليها نسها مش حتقدر عليها ولا على تكالفها وقطع غيارها موجودة بس غاليه و مش بتتجاب بسهوله

لو في اسكندرية روح لاسلام اللي في كوبري الناموس وشوف حيقولك ايه

اقتباس:

---

المشاركة الأصلية كتبت بواسطة kmk4

بص يا سيدي انا معايا جولف 2 و كنت حنزل فيه ماتور 1.8T بتاع جولف 4 لك ان تتخيل كمية المشاريع اللي قريتها عشان اعرف ان ال3 او 4 عربيات اللي نزلوها منزلينها غلط وعشان تنزل صح حتكلف 25 الف بالحاجات اللي تيجي من بره مع ان النص جولف4 يعمل 13 الف تخيل انت بتتكلم في بولو2011 يعني :
1-انت بتعمل تعديل كبير جدا يعتبر مشروع حتقعد تقرا يجي 6 شهور عن الماتور وقواعده وتعديلاته والهارنس اللي انت محتاجها والاكواد وليله
2-حتصرف بالميت 25 الف عشان تجيب القطع اللي تركب على المكنة دي من بره مثلا انت محتاج تركب قنطرة كورادوا وقاعدة شكلها ايه عشان تركب فين
3-انت محتاج نص قدامني كامل عشان تاخد االمكنة بالظفيرة بالجيربوكس بالتوزيع بالكنترول بالتكييف بالباور بالاي بي اس بتنك البنزين ليله
4-ممكن بعد ماتنزل تلاقي العربيه بتلوح معاك ومش متوازنه فراي فكك من القصة دي كلها تماما والحل كالاتي
5-المكنة دي متربنه يعني صداع يعني عينك على عدادات يعني بنزين 95 والا المكنة مش حتعيش وترزع معاك بدري بدري يعني عناية وقصه تانيه

1-مكنه 2E or ADY ده مكن 2000 سي سي على جيربوكس اوتوماتيك وفيه نص كامل في اسكندرية كان عامل 7000 جنيه اوتوماتيك
2-مكنه 1600 بتاع جولف 4 بفتيسها الاوتوماتيك ودي حتعمل 15000 دي افضل

عند مين الكلام ده؟؟؟

انت مش محتاج ال ABF ولا غيره المكن اللي قلتلك عليه كفاية وصدقتي لو ركبت مكنه 112 حصان الماني تخاف من سحبها ال ABF مثلا 150 حصان بس مكنه هبله تحس انها بتسحبك لوراى مفتريه بس ليها نسها مش حتقدر عليها ولا على تكالفها وقطع غيارها موجودة بس غاليه و مش بتتجاب بسهوله

---