بعض اسعار قطع الغيار من الكيلانى
سير كاتينة: 200
بلية كاتينة ثابت: 150
بلية كاتينة متحرك: 500
فلتر هواء: 30
فلتر بنزين: مفيش
فلتر زيت: 40
سير دينامو: 130
تيل: 120
حساس شكمان هما اتنين عاملين 850 جنيه
عرض للطباعة
بعض اسعار قطع الغيار من الكيلانى
سير كاتينة: 200
بلية كاتينة ثابت: 150
بلية كاتينة متحرك: 500
فلتر هواء: 30
فلتر بنزين: مفيش
فلتر زيت: 40
سير دينامو: 130
تيل: 120
حساس شكمان هما اتنين عاملين 850 جنيه
تصحيح
أنا قلت : - ال 156 بتنزل بسماعتين فى البابين الاماميين فقط ومعاهم تويترات وصوتهم متواضع جدا وحتى الكاسيت الشرايط حاسه مش قد كده
التصحيح : العربية نازلة ب 4 سماعات راكبين فى الابواب الاربعة ومعاهم 2 تويترات فى البابين الامامى
اسعار قطع الغيار اللى جيبتها للعربية النهاردة من الكيلانى
سير كاتينة 200 جنيه
بليتين كاتينه داخلى وخارجى 670
سير دينامو 170 جنيه
بليتين الدينامو 570 جنيه
فلتر زيت 40 جنيه
كاوتشة كوبلن 50 جنيه
الاجمالى 1700 جنيه وبعد الفصال 1550
اسعار حاجات تانية
المساحات 160 جنيه
قاعدة الموتور الوسطى 130 جنيه
القاعدتين التانيين 600 جنيه
متابع باهتمام...أسعار الحاجات كويسة جدا بالنسبة الى امكانياتها
شوف بئى يا جندى انت ركبت الحاجه امتى .. وشوف اول حاجه هاتتغير فيهم كام قد ايه
من ملاحظتى ان اسعار الجديد مقارب لاسعار العربيات فى نفس فئتها السعرية ممكن تزيد عن فئات وممكن تقل عن تانيين ... وكمان انت ممكن تجيب بارخص من كده لو جيبت من حد غير الكيلانى بس أنا بثق فى شغل الكيلانى والخامات اللى بيجيبها
ولو جيت للاستيراد انت حاتتفاجأ باسعار قطع الغيار يعنى ... الفتيس المانيوال من 400 إلى 600 الموتور ال 1600 من 2500 الى 3000 ال 1800 من 3500 إلى 4000
الحمد لله انا عملت الصيانة وبدأت اسجل ايه اللى اتعمل على كيلومتر كام وخليت الميكانيكى يطلعلى كل الحاجات اللى ناقصة وناوى اظبطهم واحدة واحدة بإذن الله
الحمد لله تمت أول واهم صيانة للعربية يوم الجمعة اللى فاتت عند ميكانيكى اسمه يحيى فى الحرفيين وهو ما شاء الله صنايعى فاهم ودماغه حلوة وبينجز الشغل فى السريع وكان قبل كده شغال فى كار بويز فحافظ الالفا كويس
اللى تم فى الصيانة سير الكاتينة بالبليتين الداخلى والخارجى وسير الدينامو ببلية واحدة ورجعت التانية وجيبت مكانها فلتر هوا وغيرت فلتر الزيت وزيت الموتور بشيل 5W40 بيمشى 10000 كيلو جيبت 5 لتر عامل 400 جنيه لان العربية بتاخد 4.7 لتر مع الفلتر ... هو المفروض الزيت المناسب 10w40 وكنت ناوى اجرب زيت ولف بس للاسف ملقيتوش
غيرت كاوتشة الكوبلن المخرومة وطبة الزيت كانت بتنقط وبتنقصلى الزيت فطلعت مش راكبة كويس واتظبطت ... جاب منظف انجكشن ونضف بوابة مش فاكر بتاعة ايه ... البوجيهات طلعت مش تمام فغسلها بالبنزين وكده مضطر اغير الطقم فى الصيانة الجاية ان شاء الله والطقم 8 بوجيهات عاملين 500 جنيه بعد ما خلص كل حاجة خليته غسل الحوض واخد مصنعية 250 جنيه
طلعت من عنده عملت غسيل لدورة الميا ... والميا كانت نازلة مصدية بشكل رهيب لدرجة ان فيه خرطوم كان مسدود منها وبيسبب سخونة ... الغسيل اتكلف 25 جنيه وحطيت ميا حمرا مصرى ب 25 جنيه
بمناسبة أزمة البنزين اللى فى البلد ... قست استهلاك العربية فى مشوار طوالى على سرعة تتراوح من 90 إلى 100 والعربية عملت 8.5 فى ال 100 كيلو
النهاردة مشيت على سرعة 80 كمبيوتر الرحلات بيقولى ان الاستهلاك حوالى 6.5 فى ال 100 كيلو بس أنا مش متأكد من مدى دقة الكمبيوتر فى المعلومة دى
رسوم التسجيل فى الشهر العقارى للـ 156 موديل 2003 - 1600 سى سى 755 جنيه
الضريبة فى المرور لسنة ب 238