انا مش فاهم ايه اللي حاب سيرة ليكزس دلوقتي !!!!!
حد قال حاجة علي قدرات شركة تويوتا؟ !!!!
احنا بنتكلم عن قدرات الكورولا الموجودة بالسوق المصري و ما يمكن شرائه بنفس السعر....ليس اي مقارنة اخري
لا اله الا الله...وحدوا الله ياخوانا
........
عرض للطباعة
انا مش فاهم ايه اللي حاب سيرة ليكزس دلوقتي !!!!!
حد قال حاجة علي قدرات شركة تويوتا؟ !!!!
احنا بنتكلم عن قدرات الكورولا الموجودة بالسوق المصري و ما يمكن شرائه بنفس السعر....ليس اي مقارنة اخري
لا اله الا الله...وحدوا الله ياخوانا
........
لا اله الا الله
تويوتا كورولا 2013 غير اعتماديه
وعمرها ماهاتبقى زى الموديلات اللى فاتت
انا برضه مش عارف
انا قلتله ان احنا كده كده فى مصر غلابة و بنشوف انصاف العربيات سواء فى الرينو او التويوتا او اى ماركة تانية و دا عشان الجمارك
قام رادد رد غريب و بيقول احنا فى مصر بقر !! معرفش ايه علاقة اللى قلته بالبقر بصراحة !!!
هو كل فكرته عن العربية reviews على النت و واضح انه مركبش فلوينس اصلا لأنه لو ركبها عمره ما هيقول الكلام اللى بيقوله ده .. قالك الياريس بتسبقها !!
بس مينفعش اجى اقول ديه شركة تويوتا ديه شركة تعبانة و مش بتعرف تعمل عربيات نضيفة عشان الكورولا مش قد كده و نفس الكلام على الرينو لأن الشركات ديه بتنتج حاجات انضف من اللى عندنا هنا فى مصر مليون مرة ..
بصراحه انا عمري ما عجبني عربيات تويوتا. ليه؟ أقل كلمه تتقال ان تصميماتها دايما متأخره حتى في الموديلات الغاليه. بصو مثلا لشكل لاند كروزر 2013 من جوه وقارنوها ببورش كايين 2004 مثلا وقولي انهي صالونها افخم وتكنولوجيتها وامكانياتها أعلى علما بأن الكايين أرخص من اللاند كروزر.
الميزه الوحيد اللي الناس بتتكلم فيها هيه "الاعتماديه" ممكن يبقى فيها كلام بعد ما تيوتا مبقتش تنزل ياباني مصر واللي موجود جنوب افريقي تقريبا؟ مش متأكد ال 2013 تصنيع أي بلد بس بشكل عام موضوع الاعتماديه هيبدأ يبقى فيه كلام تاني وبالتالي العربيه تفقد أهم ميزه فيها.
بالنسبه لمقارنه الياباني بالكوري واللي بيقولو تاريخ التيوتا وبتاع زي بالظبط لما خليجي يقارن نفسه بمصري والمصري معندوش غير كلمه احنا حضاره 7000 سنه. الدنيا بتتقدم بسرعه والتكنولوجيا سريعه يعني مبقاش حد دلوقتي بيجيب عربيه وناوي انها تقعد معاه 15 ولا 20 سنه زي زمان فاللمسه العصريه في العربيه بقت شيء مطلوب.
في الأول وفي الاخر ودي كلمه أنا بقولها في أي موضوع مقارنات برد فيه. كل واحد بيجيب العربيه اللي تحقق متطلباته وده مش معناه ان العربيه الفلانيه اللي بنفس السعر أقل منها ولكن العربيه اللي جابها حققت ميكس معين من الحاجات اللي هوه محتاجها في عربيته.
لصاحب الموضوع. دي عربيه شغل فقضيها وخلاص ومتحطش في بالك والايام بتجري وهتحتاج تغيرها ووقتها ابقى اختار لنفسك اللي على مزاجك.
ايوه يا زعيم
في عربيات 1600 و 2000 و ركوبه اكتر من عربيات 5600 سي سي
زي الهوندا ال sir و ال type r و ميتسوبيشي ايفو في فئة ال 2000 سي سي
و في برضه حاجات زي ال 316 و ال c 180 و ال cc في فئة ال 1600 و اقل كمان
التيربو عامل شغل كبير في الفئة دي
متقولش علي نفسك كده انت جميل :ma:
يا زعيم كل المواقع اللي انت جايبها دي امريكي و رينو مش بتنزل امريكا اصلا فاكيد مش هتشوفها
و هو حد قال و لا جاب سيره ان الكرولا و لا اللكزس (اللي انت دخلتها مش عارف ليه) مش اعتماديين
ده بالعكس كله اتفق معاك و كلامنا ان الفرق بينها و بين الماركات التانيه في تناقص مستمر و ان الاعتماد علي الميزة دي بس مش هينفعهم كتير
و الدليل ان حتي لكزس اللي عاجباك قوي دي حاطه bmw هدف ليها و بيسعوا انهم يحصلوها و بيزودا الحس الرياضي في طرازتهم
و مع احترامي لكزس لو عملوا ايه مش هيوصلوا لنص اللي فيه بورش و خصوصا من ناحيه متعة القياده
و اسالني انا
و علي فكره انا امتلكت و لا زلت امتلك عربيه ياباني بالفعل و منهم الكورولا
فمش متحيز و لا حاجه و لا بتكلم من فراغ
هي فعلا فقيرة من الداخل لكنها من العربيات المحترمة جدا
- موتور قوي
- عفشة ناعمة
- ثبات علي الطريق
- وفر في استهلاك البنزين
- قطع غيار معمرة و لكنها غالية و ده في كل العربيات
- توكيل كويس
و بالنسبة للصالون و أنه فقير تقدر أنت تدلعها و تعمل اللي تفسك فيه مش مشكلة
ربنا يهنيك بعربيتك و يحفظها لك من كل شر و من كل سوء و يبعد عنها العين و الحرامية
مع احترامي ليك !! اه الياريس تسبقها
ومش بس الفلونس !! لا انا بطلع من معظم الفرنساوي ال 1.6 !! ؟
مش عايز اعمم عشان اكيد فيه عربيات فرنساوي ماشدتش معاها
بس على الاقل بطلع من الفلونس / الميجان / ال 307 وحتى اللوجان الجديدة الاتوماتيك 2 كامة 16 صمام 110 حصان
برضوا طلعت منها وكان شكله وحش اوي لما عربية 1.3 اتوماتيك علمت عليه :10_9_133:
اولا من غير استاذ
ثانيا عشان مانخرجش بره الموضوع اكتر من كدا وصاحب الموضوع مايطردناش :)
انا رديت عليك قبل كدا بس انت جايز ماخدتش بالك او مفهمتش قصدى
انا قولت ان السيراتو فيها كل مميزات الكورولا وكمان مميزات زياده مش موجوده فيها
يعنى لو فصصنا العربيتين نقطه نقطه , موتور فتيس عفشه ثبات تقفيل عزل اعتماديه استهلاك بنزين ...... الخ
السيراتو على الاقل هاتتساوى معها فى كل حاجه , وهاتتفوق فى حاجات , بالإضافه لنقطة السعر والاوبشنز والسعر مقابل القيمه ودى نقطه مانقدرش نغفلها
وطبعا الشكل اذواق زى ما انت قولت , بس ماعتقدش حد ممكن يشوف الكورولا احلى من السيراتو فى اى حاجه :)
انا دخلت اعلق على كلمة واحد بس هتجنني وممكن اقتل نفسي بعدها
سيبك ان الليكزس تتقارن بالالماني لكن تجيب سيره الالماني واسمع اودي ومتقولش BMW او مرسيدس اللي هم اصل الالماني ؟؟؟؟؟؟؟؟؟ ياراجل حرام عليك طيب هو مين الاعلى اودي ولا BMW ومرسيدس
هنتكلم عن الالماني يبقى BMW الاول بعدين مرسيدس والكل ييجي وراهم بعد كده دول بيسموهم ريحة الالماني :chatting:
عموماً لصاحب الموضوع هو قال رأيه بصراحة - وفعلاً عنده حق الكرولا الجديدة مش ممكن تنافس يا جماعة في ظل العربيات والتكنولوجيا الموجوده دلوقتي
زعلانين لما الراجل بيقول لكم عربية بصمة ؟؟؟؟؟؟؟؟؟ هو احنا رايحين ولا راجعين طيب ما لازم الدنيا تتقدم تلاقي البصمة بدل المفتاح ولا انت عايز تشتري عربية فئة عالية بدون كل ده ؟؟؟؟؟؟
الراجل فكر انه لما هيشتري الكرولا هو بيشتري فئة عالية زي الفلونس ولكن للاسف هي لاترتقي حالياً لاسم التويوتا نهائياً
اتمنى انهم يصلحوا اخطائهم في الكرولا الجديدة ياريت
فعلاً الكل دلوقتي عرف ايه الاتجاه اللي ماشي فيه العربيات الكوري اللي بدأت تتجاوز الياباني
علشان فعلاً يا جماعة الياباني بدأ مستواه مش ينزل لأ بدأ ينحدر للاسفل
انا واحد كنت بعشق العربيات الياباني لكن دلوقتي لأ طبعاً ولا شكل ولا اوبشنز ولا اي شئ ولا حتى التصنيع اللي كانت بتكسب بيه بقيت جودة وخامات مش زي زمان
لكن الكوري دلوقتي بدأ يتطور فعلاً بشكل ملحوظ وياريت يكملوا هم كمان على الاتجاه ده مش يغيروه زي تويوتا بعد كام سنة من نجاح !!!!!!!