بسم الله ماشاء الله !! 100 الف كيلو فى سنتين؟ معنى كده حضرتك كنت بتعدى 4000 كيلو شهريا..وده بيدل على مدى اعتمادية العربية
عرض للطباعة
بسم الله ماشاء الله !! 100 الف كيلو فى سنتين؟ معنى كده حضرتك كنت بتعدى 4000 كيلو شهريا..وده بيدل على مدى اعتمادية العربية
استمتع بالعربية يا باشا
يا جماعة المدرسة اليابانية و كذلك الامريكية مختلفة تماما عن الاوروبية في موضوع الكماليات.
الاوروبي بيهتم بالكماليات في جميع الفئات و حتلاقي عربيات هاي لاين 1400 سي سي وأقل. الكماليات غير مرتبطة بسعة الموتور
الياباني و الامريكي كل ما بتعلى بالفئة لازم تعلى بالموتور، والكماليات مرتبطة بالفئة، وبالتالي الكماليات فقط في الفئات العالية اللي سعة مواتيرها كبيرة اللي صعب تشوفها في مصر.
....كده انا ازعل منك:ma:...مالها اللادا ياباشا ؟ اقتصادية وممتازة على قد فلوسها.. مميزاتها وعيوبها معروفين من 30 سنة بل فى تحسن كمان.. وعربية مصروفها مصروف عجلة...أضيف لحضرتك انها ثالث اكتر عربية منتشرة فى العالم من بدء صناعة السيارات وحتى الان بعد فورد موديل T والبيتلز..
الكورولا مش سيئه زيها زى اى عربيه ليها عيوب ومميزات
بس مميزاتها مش حاجات هى محتكراها او حصريه عندها بس , لأ دى بقت حاجه عاديه فى وقتنا دا وموجوده فى عربيات كتير
يعنى مثلا اعتماديه , تكييفها حلو , قطع غيار مش عارف ايه , ما كل دا موجود فى معظم الاسيوى وبعض الاوروبى
فمينفعش تعتمد على الكام ميزه دول اللى بقوا موجودين عند اى حد وكمان شكل مش حلو وفقر فى الكماليات واخيرا سعر عالى !!! يبقى اكيد اى عربيه بنفس تمنها او ارخص وفيها اوبشنز هاتبقى احسن منها
وعموما انا شايف ان ظلم ليها انها تتقارن بالموديلات الجديده الحاليه , نستنى نشوف الجديده ايه نظامها , بس لو سعرها ضرب فى العالى اكتر من كدا زى اختها السيفيك هاتقعد جنبها
اعكس السؤال ياباشا وانت تعرف اجابته
ايه اللى موجود فى الكورولا هاى اللى ب 180 مش موجود فى الالنترا والسيراتو اللى بنفس السعر ؟
مش عارف انت مستغرب اوى كدا ليه كاننا بنتكلم عن افالون الجديده :)
بص ياباشا لما كانت المقارنه بين الاوربي انا متكلمتش عشان عارف ان فيه فرق
لكنمعلش يا ياباشا انت بتنزل بالكورولا اللي هي طول عمرها فوق وسمعتها سابقاها لعربيات لسه جديده في السوق وسمعتها برده سابقها
يبقى اقنعني كعميل اسيب الكورولا ام 180 ليه واشتري الكيا او الهيونداي اللي بنفس السعر ايه بقه اللي يخليني اسيب التويوتا كشكره ياباني من اعرق شركاتالسيارات واشتري الكوري ابن امبارح ؟
ملحوظه انا مش معايا كورولا ولا بحبها اصلا
انت برضه ماجاوبتش على سؤالى
لو حطينا الكورولا جنب الالنترا الجديده او السيراتو الجديده , هاتبقى احسن منهم فى ايه ؟ كنت منتظر منك تقولى احسن فى كذا وكذا وكذا كنقط فنيه فى مقارنه عربيه بعربيه
لكن طول عمرها فوق وسمعتها سابقاها وشركه يابانى عريقه , كل دى جميل ومش معترض عليه
بس انا ليا بالنهارده مش بالتاريخ , ليا بالعربيتين اللى واقفين جنب بعض قدام عينينا دلوقتى
لو كل حاجه بالتاريخ والاقدم هو الافضل ماكنش حد اشتغل وطور نفسه عشان يبقى احسن لان كدا كدا القديم هايبقى احسن بقى !
فى النهايه لو هاتفضل الكورولا عليهم عشان يابانى والتاريخ والكلام دا مقدرش الومك ولا اغلطك لانها اذواق وافكار واحتياجات و ومش انت لوحدك اللى هاتفكر كدا دا ماشاء الله مفيش اكتر من ال Toyota Drivers فى العالم دول رقم 1 بقالهم سنين
على كده بقى ايه الفرق بين اسبرانزا وتويوتا وهيونداي وكيا وكلهم عربيات اسيوي وكلهم نفس الاوبشنز !!