استلام سوبرصالون وتقرير مبداى

**jos** · 24-05-2013 02:14 AM

الحمد لله استلمت سوبر صالون لون برونزى فرش بيج بعد اتصالات متكرره وتقديم شكوى لتاخر التسليم ونصيحه للى حاجز انه يفضل يزن على مندوب البيع وان لزم الامر يتصل ب 16244 ويعمل شكوى
التقرير والانطباع المبدأى:
الشكل : ناس كتير مش بالعاه بس اللى يشوف العربيه عن قرب يحبها خصوصا السوبر صالون بالسبويلر والزجاج الفاميه كمان فى نقطه ان شكلها جديد فا بتحس انك راكب حاجه مميزه وده ميزتها عن عربية زى اللانسر معشوقه الشعب المصرى. اللون البرونزى لون جميل وبيقلب لفيرانى بالليل وبيدى على موف الصبح الفرش البيج على الكراسى والابواب حلو بس التابلوه الرصاصى ده مش حلو الاسود اشيك منه بس دى الالوان اللى كانت متاحه. التابلوه خامته مش قيمه بس تصميمه انيق وخصوصا بالاضاءه البرتقانى. العدادات شيك جدا ولونها جميل من غير زغلله العين كمان كمبيوتر العربيه ظريف والطاره المالتى والبلوتوث الناطق مسلىين النظام الصوتى جيد الراديو استقباله ممتاز صوت السماعات نقى طبعا الاتساع ده الميزة الكبرى
الاداء: السحب متوسط بصراحه ميفرقش عن الشكل القديم كتير بالرغم ان القديمه اتقل
الموتور صوته هادى
الفتيس سلس ونقلاته غير محسوسه اغلب الوقت ( احيانا بتتحس)
التكييف قوى بس بيعمل تكه اول لما يشتغل
الفرامل ممتازة
العفشه ناعمه
الثبات: معقول بس ااقل كتير من الشكل القديم
الصاج مش بالضعف اللى الناس عماله تتكلم عنه بس اضعف من الشكل القديم بس احسن من عربيات كورى باستثناء النيواكسنت
العزل للموتور جيد جدا بس للاصوات الخارجيه ضعيف
الباور ممتاز
الكاوتش سىء والمفروض يبقى بردجستون زى الشكل القديم

الخلاصة:
اللى بيشترى عربيه بيشترى على اد ميزانيته وفى الرنج بتاعها مفيش الا البوما هاف سبورت والار بى والريو واللوجان ومفيش اى عربيه فيهم فيها نفس الكماليات وفى نفس الوقت هيا ارخصهم

الحكم الحقيقى على العربيه دى بعد 3- 5 سنين هيبان ساعتها الاعتماديه بتاعتها وهل يا ترى هتطلع اصيله زى الشكل القديم وتحافظ على الاداء والعفشه ونادر لما تعوز قطع غيار ولا تبقى زى الصينى سنتين تلاته وتهكع؟
الايام هيا اللى

**Amr_Moh** · 24-05-2013 02:18 AM

مبروك

**jos** · 24-05-2013 09:31 AM

المشاركة الأصلية كتبت بواسطة Amr_Moh

مبروك

الله يبارك فيك

**hossam_elwani** · 24-05-2013 02:23 AM

الف مبروك عليك

**jos** · 24-05-2013 09:34 AM

المشاركة الأصلية كتبت بواسطة hossam_elwani

الف مبروك عليك

الله يبارك فيك

**Muttaz Saied** · 24-05-2013 02:27 AM

Mabrok

**jos** · 24-05-2013 09:35 AM

المشاركة الأصلية كتبت بواسطة Muttaz Saied

Mabrok

الله يبارك لك

**AboHamza2011** · 24-05-2013 02:27 AM

الف مبروك ربنا يبارك فيها
بس سؤال بسيط صني سوبر صالون اتوماتيك ب 121 الف ارخص من لوجان 95.5 الف
وربنا يكفيك شر الحوادث

**jos** · 24-05-2013 09:43 AM

المشاركة الأصلية كتبت بواسطة abohamza2011

الف مبروك ربنا يبارك فيها
بس سؤال بسيط صني سوبر صالون اتوماتيك ب 121 الف ارخص من لوجان 95.5 الف
وربنا يكفيك شر الحوادث

الله يبارك فيك يا باشا انا اشتريت بسعر التوكيل الرسمى 117 الف واللوجان صحيح اسمها رينو بس هيا فى الواقع داتشيا كمان مفيهاش كل الكماليات اللى فى الصنى واعتقد ان مراكز خدمه نيسان اكتر

**AboHamza2011** · 24-05-2013 10:57 PM

المشاركة الأصلية كتبت بواسطة jos

الله يبارك فيك يا باشا انا اشتريت بسعر التوكيل الرسمى 117 الف واللوجان صحيح اسمها رينو بس هيا فى الواقع داتشيا كمان مفيهاش كل الكماليات اللى فى الصنى واعتقد ان مراكز خدمه نيسان اكتر

ياباشا ربنا يبارك فيها وطبع الصني احسن من اللوجان انا مش بقارن اصلا بس استغربت كلمة ارخص
والف مبروك وربنا يحميها من العين اصلا انا مجرب