الموضوع: Megane Estate مطلوب تقرير

بص يا باشا على اللينك ده

http://www.renault.com.eg/vn/megane_estate_f2/p61.html

فيه كل المواصفات ومن ضمنهم مثبت السرعة

الوحيد اللى معاه العربية هو تقريباً فهد يحيى

بس بقاله فترة مش باين ممكن حضرتك تبعتله mail

خسب معلوماتى أنها مش هتفرق كتير عن السيدان من ناحية الأداء.....يعنى ممكن يكون أدائها أقل حاجة بسيطة عشان فرق الوزن

عموماً الميجان السيدان عربية ممتازة لا يضاهيها( أو يتفوق عليها ) فى رأى الشخصى غير الألمانى

لو فى أى أستفسارات محددة أنا فى الخدمة

ربنا يوفقك

المشاركة الأصلية كتبت بواسطة gomha

متشكر على سرعة الرد اخوانى فى الحقيقة ليس لى اى تجربة مع الصانع الفرنسى انا نازل مصر بعد شهرين الميزانية للشراء 150 الف عاى العموم ان قريت عن موضوع الكويل بتاع الميجان فهل ده عيب متكرر لان ان معى سوبارو ليجاسى موديل 1998 ويوجد بها كويل واحد باربع منافذ ومرة خرب على وانا السبب لانى طلبت من عامل المغسلة غسيل المكينة بالديزل فذهبت للتوكيل اوشتريت واحد تانى وكان 150 ريال وقمت بتغيرة بنفسى بدون اى مشكلة رغم انى من عشاق السوبارو الا ان مشكلة السوبارو ان التعليق ناشف جدا لدرجة ان زوجتى رفضت رفض تام شراء السوبارو فى مصر وانا فى الحقيقة متردد جدا انى اركب غير السوبارو فارجو النصيحة بالنسبة للميجان هل التعليق ناشف او ناعم هل الدريكسيون سهل التعامل معة او مثل السوبارو رياضى عشان زوجتى تقدر تسوق السيارة هى كمان هل المتور بالعرض لان السوبارو عندى موتور بالطول مع دفع رباعى مستمر وده يخلينى اغير البواجى بنفسى لان كل حاجة امامك هل الصدام الامامى مصنوع من مادة طرية فى حالة الصدمات الخفيفة لايتاثر قوة التكيف هل مناسبة ثبات الاسيارة على سرعة 120 وتمر من جنبك سيارة نقل هل تهتز السيارة طبعا لن اتكلم عن السوبارو فى هذا الموضوع لان الكل عارف امتيازها لا اهتم بموضوع سعر اعادة البيع توفر قطع الغيار واهتمام الوكيل يوجد فى السوق قطع غيار ام عند التوكيل بس يوجد وكيل فى اسكندرية سيارتى الحالية فى مصر الادا ولن ابيعها فانا احبها جدا رغم كل عيوبه لكنى ارغب فى سيارة للرحلات العائلية والسفرات للمصيف والى ذللك فهل الميجان تصلح اذللك دورت على موضوع الاخ فهد لم اجدة المساعدة مشكورة مقدما احترام للجميع

التعليق مش ناشف والعفشة ناعمة جداً

الدركسيون فيه باور كهرباء وبالتالى سلس جداً ( أنا ساعات بلف الدركسيون بصباع واحد وأنا واقف بركن )

موضوع الكويل ده كان فى موديلات 2005 فقط على حد علمى بس عموماً متقلقش منه لأن الزيرو دلوقتى عليه ضمان 3 سنين أو 100 ألف كيلو

الثبات هايل لحد 160 كم ( بالنسبة ليا عشان هو طبعاً موضوع نسبى ومع العلم أنا قبل الميجان كان معايا أوبل فيكترا وطبعاًُ الألمانى فى الثبات مفهوش هزار )

الموتور بالعرض مش بالطول

الأكصدام الأمامى والخلفى + الرفرفين الأمامى من مادة الفيبر ولذلك عند الخبطات البسيطة فى الركن وخلافه الرفرف مثلاً بيرُد لوحده......انا حصلت معايا مرتين أن واحد يخبطنى خبطة خفيفة من ورا ناحية اليمين أو الشمال و أنزل ملاقيش حاجة خالص أو ألاقى تجريح بسيط فى الدهان

التوكيل ممتاز وقطع الغيار متوفرة داخل وخارج التوكيل

على فكرة أنا كنت جربت سوباروا أمبريزا من فترة العربية كويسة جداً ومستواها ككل قريب من مستوى الميجان وان كانت الميجان تتفوق فى الكماليات
بس برضه مينفعش نقارن الميجان بسوبارو ليجاسى عشان دول فئتين مختلفتين
يعنى موتور الليجاسى 2000 سى سى ان مكنش أكتر فى حالتك وبالتالى نظام التعليق رياضى عشان الموتور قوى جداً

تكييف الميجان كويس بس مش زى اليابانى طبعاً ( كل الأوروبى كده )