محتاج رايكو فى بيع مكنه واحد كامه

**creative_art** · 25-05-2013 01:31 AM

السلام عليكم ورحمة الله ..

من فتره كنت حاطط اعلان عن انى عايز ابيع عربيتي فيكترا b 1997 موتور 1600 مانيوال كامه واحده ..

وقلت ان العربيه مش مزعلانى فى حاجه بس هبيعها عشان اركب فيكترا ايكوتيك سواء 2000 او 1600 ..

وللتذكير انا قلت ان المكنه عائليه واقتصاديه وانا كانت رغبتي فى مكنه تساعدني فى تجميع سرعه وشد اكتر

عموما لاحظت ان مفيش إقبال على الفيكترا فى السوق بالشكل الى كنت متوقعه فا فكرت فى تسقيط ايكوتيك 1600 على الفتيس المانيوال الى عندى بدون تغيير فى اى حاجه من بنية العربيه ..

المهم
انا حاليا عندى مكنه الاوريجنال بتاعتها واحد كامه .. نضيفه الى اقصي درجه .. ماشيه 130 الف كيلو كلهم سفريات ومشاوير ناس عجوزه ( انا كا شاب شاريها بقالى حوالي 7 شهور ) وقبلها كانت مرفوعه مده كبيره جدا بيتم استخدامها مرتين فى الشهر ..

غير كده فا استخدامها نضيف جدا .. زيوت محترمه فالفولين وليكوي مولي وبوجيهات اصليه واتغسلت flush فى التوكيل فى صيانة ال 100 وطبعا صيانات المكنه كلها متسجله عندى فى الدفتر بتاع منصور

والمكنه بدون كلام كتير زيرو .. والى يوضح كده الكشف .. ومازالت حتي اللحظه بتعرق وبتنتش اول وتانى وبتجيب 180

المكنه دي تسوالها كام .. بما يرضي الله .. سواء سعر تجار او سعر مستهلك ..

وطبعا انا حبيعها واجيب ايكوتيك 1600 .. لو مفيهاش تعب اخر سعر وصلت ليه المكنه دى كام بادوات التغذيه وايه عيوبها لو ركبتها عندى

**ehabahmed0** · 25-05-2013 10:34 AM

..الفتيس مع المكنه؟؟

**فادى محمد** · 25-05-2013 01:41 PM

-لو هتبيعه للتاجر اللي هتشتري منه الايكوتك هيسرقه منك .بيحسبوه 500ج !!!!!
-موتورك ده قيمته اعلي كتير من اي سعر يتدفع فيه ,تمام ؟؟ بس للاسف مش هتلاقي فيه
سعر يعجبك سواء في المنتدي او خارجه ,لان اللي موتوره تعبان وهيفكر يغير بيبقي عنده
حلم انه يسقط ايكوتك زي ماهتعمل .يعني يجيب 2000ج مثلا ؟ 2500ج ؟ بصراحه قليل
عليه ده لو لقيت السعر ده اساسا..
-انا لو مكانك مش هبيعه ,هحتفظ بيه .
-لما تسقط ال1600 ايكوتك هات الموتور اللي دواسه البنزين فيه واير سلك مش كهربا لانه بيضرب كونترول
بسرعه ,الموتور x16xel منه شكلين معروفين للصنايعيه واحد بيسموه بلاطه والتاني الصوابع ..البلاطه احسن كتير وياسلام لو ركبت عليه فتيس f18 اللي بينزل للسي دي اكس الاداء بتاعه افضل من الf16 اللي عندك وسعره 900ج فاضي ,بالمره بقي وانت الكسبان الموتور الجديد هتشتريه فاضي يعني بالايموبلايزر والكونترول والدفيره والمارش بس .وباقي المغذيات اللي عندك هتشتغل ..اه هتغير الكبالن لانها مختلفه وطنابير خلفي مساطر ,ربنا يوفقك

**Moabany** · 25-05-2013 03:48 PM

المشاركة الأصلية كتبت بواسطة creative_art

فادي باشا ايه اخبارك ؟؟ يارب تكون تمام ..

لحد الأن هي مازالت فكره مطروحه .. والموتور ده بأمانه يستاهل وزنه دهب لانى عارف قيمته اداءه جيد ( انا عايز الأحسن ) توفير بنزين حساسات رخيصه جدا مقارنه باي عربيه اخري ..

عموما انا محتاج رأيك فى حاجه .. انا نزلت شارع صلاح الدين انهارده ورحت عند كذا واحد بتوع استيراد فيكترا ..
المهم .. فيه تاجر شاف المكنه الى عندى .. وقالى هاخدها وهشيل انا المصنعيه وكل حاجه وهتدفع 6 ونص ..

طبعا انا سمعت السعر ده وعرفت انه بيستهبل .. وقلتله انت كده بتهزر سلام عليكم ورايح عالعربيه لقيته جري ورايا عرفت انه عايزها ..
المهم عصرته فى السعر ووصلت معاه انى هدفع 4 ونص بالمكنه بالمصنعيه بكل حاجه هاخدها دايره ..

يعني كده تقريبا مكنتي واقفه على 3 الاف لو انا مش غلطان .. لان مصنعية تسقيط المكنه بتدخل فى الف جنيه على ماحسب ما اعتقد

فا إيه رايك فى العرض ده .. ولو انى خايف يديني مكنه شمال او يعمل حاجه غلط

انا رأي انك مش حتغلب التاجر
احسن تبيع الموتور لحد يقدر قيمته

**tananybasha** · 25-05-2013 10:59 PM

انا مش مع الخطوه دى خالص
هات اخر الموتور
و بعدين غير براحتك

**فادى محمد** · 25-05-2013 11:11 PM

الموتور سعره 4500ج وده نمره واحد فاضي طبعا
الفتيس 1000ج
الكبالن 500ج
المصنعيه من 600 الي 800ج
يبقي كله 6800ج
يبقي كده هو خد موتورك ب2300ج !!!
ابعت له واحد تبعك يساله عن موتور كامه واحده 1600 سي سي
ومستعد يدفع فيه وعدي انت بعد المكالمه قوله سلام عليكم وشوف هيقوله كام؟؟؟
خساره صدقني ..وممكن يكعبلك في موتور تعبان
احلي حاجه انك تشتري بفلوسك

**amr elsisi** · 26-05-2013 04:11 PM

ابقي كما انت
اثبت محلك

-

-

الموضوع: محتاج رايكو فى بيع مكنه واحد كامه

LinkBack

أدوات الموضوع

عرض

محتاج رايكو فى بيع مكنه واحد كامه - انشر الموضوع فى :

-

-

-

-

-

المواضيع المتشابهه

محتاج كامه جولف 2 1.8 bp

محتاج كامه جولف 2 1.8

ماتور 1500 واحد كامه بينفع يتغير ب 2 كامه

واحد كامه و اتنين كامه

واحد كامه و اتنين كامه

الكلمات الدلالية لهذا الموضوع

المفضلات

المفضلات

ضوابط المشاركة