استشارة بخصوص لانشيا ديدرا 1993

**maheralsisi** · 25-05-2013 01:37 AM

بادور على عربية اليومين دول و لقيت قدامى لانشيا ديدرا 1993 فى معرض
قلت اسأل عليها ..
طبعا انا عارف يعنى ايه لانشيا و يعنى ايه ديدرا بس انا ليا كام استفسار كده
العربية مطلوب فيها 27000 ؟؟؟
العفشة بالسلامة يا قلبى و شكله كان عاككها اساسا و العربية تحس انها منخل
هى عفشة الديدرا كاملة تتكلف كام ؟؟ و جديد و لا استيراد ؟؟
و اخبار قطع غيارها ايه ؟؟ و الاصلى بتاعها موجود ؟؟ و لا هايبقى استيراد ؟؟
و تكييف الديدرا التاتش ده كويس ؟ و لا هايبقى مقرف ؟؟ و مالوش لازمة ؟؟
هى محتاجة اى ميكانيكى شاطر ؟؟ و لا عاوزة ميكانيكى بتاعها ؟؟
معلش اسئلتى كتير بس اتمنى اجابة
و لكم جزيل الشكر مقدما

**fisha** · 26-05-2013 01:26 AM

بص انا مش عارف بس هيا نصيحة بلاش تجيب عربية طالع عينها كدا هتتقرف لحد مش ترجعها على حيلها تانى و الله اعلم هترجع ولا لا اصلا زود الفرق ده و هات حاجة حالتها كويسة تفرحك مش تقرفك

مجرد رائى

**Zing0** · 17-06-2013 09:07 PM

السلام عليكم
كل عام و أنت بخير يا أستاذ ماهر
معلش أنا كنت غايب الفترة إللى فاتت عن المنتدى و معرفش إللى حصل
و الحمد لله أنك و الأسرة الطيبه بخير و طظ فى أى حاجه ثانيه
================================
بالنسبة للانشيا ديدار و فورد إسكورت و غيرها ....
أنا ملاحظ أن حضرتك بتدور على أوبشنز و بتنسى حاجه مهمة...
" إشترى ليك و للسوق"
يعنى لازم تكون عربيه منتشرة جداً علشان قطع غيارها و إصلاحها يكون سهل و أسعارة كويسه و لما تفكر تبيعها تتباع بسرعه
وجهة نظرى و لك مطلق الحريه للإختيار:
خليك فى اللادا (موديل حديث) أو الشاهين (ممكن مكيفه و باور و ....) أو الفيرنا و الانسر و .... الحاجات المشهورة.
و طبعاً الحاله هى الأساس, يعنى صينى متصان و لا ألمانى متهان.
=========================
حفظك الله من كل سوء, و السلام عليكم و رحمة الله

**besso33** · 18-06-2013 01:50 AM

اللانشيا عربية محترمة جداااا بس المهم تلاقي حاجة نضيفة مش تتعبك في صيانتها وانا اصلا بدور علي واحدة نضيفة وعلي فكرة اي عربية في مصر سعرها زي ما بتشتريها زي ما بتبيعها مش بقصد نفس السعر ولكن اقصد القيمة