الموضوع: حاجة غريبة فى عداد الحرارة و مؤشر البنزين

المشاركة الأصلية كتبت بواسطة peter magdy

مساء الخير على احلى شباب فى المنتدى
انا عندى حاجة غريبة ابتدت تظهر فى عداد الحرارة
طبعا العداد الطبيعى بتاعة انة يبقى فى النص على طول و بيتحرك بعد النص بعلامة فبتشتغل مروحة الريداتير فتبرد الماتور ف العداد يرجع للنص تانى
دلوقتى المؤشر فى المنتص عادى يطلع سنة سنة لحد العلامة القبل الاخير ( العلامة الحمراء ) فى اقل من نصف دقيقة
و بعدين تشتغل مروحة الريداتير فيرجع للنصف تانى
الموضوع دة لاحظتة اول مرة و انا رايح المقابلة الشهر اللى فات فى سوق السيارات و الاعضاء الكرام شافو السيارة و قالولى قلل المية من القرابة شوية - و فعلا عملت كدة بس لان عينى مش بتبقى على مؤشر الحرارة على طول
و خصوصا ان حركى انة يعلى و ينزل تانى بتتم فى اقل من دقيقة ف بشوفها بالصدفة
هل ممكن تكون الحركة دى بتحصل بسبب مياة موبيل الخضراء ولا اية السبب
---------------------------------
تانى حاجة مؤشر البنزين
و دى من ساعة ما اشتريت العربية
لما اجى افول العربية طبيعى العداد بيعلى لاخر علامة
العربية جوة القاهرة تقريبا بتعدى 450 كم مش بحسبها اوى
لحد ما اول الى 200 كم مش بعد التفويلة العداد واقف مكانة و بعد 200 بحاجات بسيطة يبتدى ينزل بسرعة
يعنى بعد كل مشوار العداد ينزل شوية
يعنى مرة العداد كان على النص بالظبط و فولت من بنزينة وطنية اللى فى الماظة 83 جنية
ووقت تانى و العداد فى الربع الاخير فولت بردو 84 جنية
و كذا موقف تانى
هل دا عادى مع كل اللى معاة العربية كدة ولا اية - هى مش فارقة قوى لو حلها بسيط ماشى لكن لو قصة يبقة خليها
انا المهم عندى مشكلة الحرارة - حلها اية - و هل كدة فى مشكلة ولا عادى اسيبها كدة و خلاص
شكرا

بالنسبة لموضوع مؤشر البنزين أنا لاحظته وعلقت عليه هنا فى المنتدى من أول ما أشتريت العربية وده موجود فى كل العربيات مش عربيتك بس ..
مؤشر البنزين ليس له أى علاقة بالموجود فعليا فى التانك ..
وبما إن المشكلة دى معروفة من سنين لدى الشركة .. يا ترى ماذا فعلت الشركة تجاه هذه المشكلة ..؟؟
للأسف لا شئ ..
هل الموضوع بهذه الصعوبة حتى تعجز الشركة عن معايرة عوامة البنزين على المؤشر أو أيا كان طريقة قياس مستوى البنزين داخل التانك ..؟؟

أظن موضوع مؤشر الحرارة غير حقيقى (يعنى المؤشر نفسه بيهيس) و ده لأن مش طبيعى أن الحرارة تزيد لغاية العلامة الحمراء و تقل تانى فى 30 ثانية (لا حرارة الموتور بتزيد بالمعدل السريع ده و لا المروحة تبرد برضه بالسرعة ديه) .. أظن أنك هتحتاج تحط العربية على الكومبيوتر لمراجعة حساس الحرارة .. و ممكن تكون مشكلة السلك الأرضى بتاع الضفيرة (العيب الشهير لموديل 2012) .

أما موشر البنزين فحضرتك محتاج تتابعه فترة بدقة و تحسب بتحط كام لتر فى كل مرة .. لأن ممكن فى مرة من المرتين دول عامل البنزينة زود لغاية الزور و فى المرة التانية لغاية لما المسدس فصل. مع ملاحظة أن التقسيم فى عداد البنزين مش شرط يكون زيه فى التنك (بمعنى أن علامة المؤشر لما تكون على النص ممكن التنك يكون فيه أكتر أو أقل من النص و ده بيرجع لحجم التانك و مكان العوامة فيه).

سلام عليكم...
بيتر خبيب قلبى..
هاتعمل حاجتين اتنين....ها يحددو العيب بالضبط وكمان هايصلحوة..
1- تفصل كابلات البطارية..سالب...وموجب..وتشي� � البطاريةوبالمرة
هاتتمم على ميتها وهى على الارض..وبعدين تغسلها وتسيبها على
الارض لغاية ما تخلص موضوعنا وهو كالاتى,,

2-هاتبص على الارضى ..وهو 2 كابل واحد منهم مثبت تحت البطارية
والتانى مثبت فى الفتيس ..تمام كدة....تماااااااااام

عندك احتمالين..وهو ان احد الأطراف غير مثبت بطريقة صح..يعنى يكون سايب
وعايز يتقرط علية..
لو ارضى اللى مربوط فى الفتيس....قرط علية ب بيبة 12 أولقمة12بوصلة طويلة
لو الارضى المثبت فى جسم العربية..فكه..وسنفر تحتية..بسنفرة على فد المسمار فقط
وبعدين ثبتة تانى....وبعدين ركب بطاريتك..وتوكل على الله
لان الحرارة اللى وصفتها كدابة..والمؤكد الحرارة الكدابة تنتج من تهريب سلك الأرضى
او ضعفة...
وان شاء الله الحل هايكون ..فى كدة..ودة على اساس ان سلك الارضىكويس ومحمل
مش هاتشتكى منة بعد كدة..
وابعد تفكيرك عن صباع الحرارة...لأنة مستيعد مؤقتا على حسب وصفك...
وهذا ماتيسر لى ...واتمنى اكون افدتك ياحبيبنا

سلام عليكم...
بيتر خبيب قلبى..
هاتعمل حاجتين اتنين....ها يحددو العيب بالضبط وكمان هايصلحوة..
1- تفصل كابلات البطارية..سالب...وموجب..وتشي� �� � البطاريةوبالمرة
هاتتمم على ميتها وهى على الارض..وبعدين تغسلها وتسيبها على
الارض لغاية ما تخلص موضوعنا وهو كالاتى,,

2-هاتبص على الارضى ..وهو 2 كابل واحد منهم مثبت تحت البطارية
والتانى مثبت فى الفتيس ..تمام كدة....تماااااااااام

عندك احتمالين..وهو ان احد الأطراف غير مثبت بطريقة صح..يعنى يكون سايب
وعايز يتقرط علية..
لو ارضى اللى مربوط فى الفتيس....قرط علية ب بيبة 12 أولقمة12بوصلة طويلة
لو الارضى المثبت فى جسم العربية..فكه..وسنفر تحتية..بسنفرة على فد المسمار فقط
وبعدين ثبتة تانى....وبعدين ركب بطاريتك..وتوكل على الله
لان الحرارة اللى وصفتها كدابة..والمؤكد الحرارة الكدابة تنتج من تهريب سلك الأرضى
او ضعفة...
وان شاء الله الحل هايكون ..فى كدة..ودة على اساس ان سلك الارضىكويس ومحمل
مش هاتشتكى منة بعد كدة..
وابعد تفكيرك عن صباع الحرارة...لأنة مستيعد مؤقتا على حسب وصفك...
وهذا ماتيسر لى ...واتمنى اكون افدتك ياحبيبنا