تأثير الشمس على دهان السيارة

**hany79** · 26-05-2013 12:10 AM

السلام عليكم جميعا
عندي استفسار هل موضوع تكليح أو البقع اللي بتظهر على البوية و خصوصا على السقف من الشمس و تقريبا الفوطة الزفت الزفرة هل ليها علاج و لا لابد من دهان السيارة

و شكرا جميعا

**hamaka** · 26-05-2013 12:21 AM

متابع

**eslamsubaru** · 26-05-2013 12:38 AM

ده طبيعى مع عوامل الجو فى مصر : عفار و تراب للصبح و شمس حارقة ...
بس الحل بسيط و سهل جدا :
أولا للوقاية : يجب عمل بوليش للعربية مرة كل شهر و عمل شمع للعربية مرة كل 3 الى 6 شهور..
ثانيا الحل للخدوش اللى ظهرت مش هيكون اعادة دهان انما حل بسيط بس لازم يكون عند ناس خبرة و لازم يكون ناس خبرة : بيتعمل سنفرة لطبقة الشمع اللى اتجرحت و يتم وضع طبقة شمع جديدة للسيارة و بترجع فابريكة مرة ثانية و العملية كلها بتاخدلها من 6 الى 8 ساعات .. و فى ناس هنا عملت مواضيع كتير عن البوليش و الشمع هتلاقى طلبك فيها ..
بس لازم تعمل بوليش على الأقل مرة فالشهر علشان تحافظ على لون عربيتك و لمعتها .. جرب و هتشوف الفرق.
انا بعمله بنفسى فالجراج و بتاخد منى العربية ساعة و نص تقريبا.

**hany79** · 26-05-2013 12:43 AM

المشاركة الأصلية كتبت بواسطة eslamsubaru

ده طبيعى مع عوامل الجو فى مصر : عفار و تراب للصبح و شمس حارقة ...
بس الحل بسيط و سهل جدا :
أولا للوقاية : يجب عمل بوليش للعربية مرة كل شهر و عمل شمع للعربية مرة كل 3 الى 6 شهور..
ثانيا الحل للخدوش اللى ظهرت مش هيكون اعادة دهان انما حل بسيط بس لازم يكون عند ناس خبرة و لازم يكون ناس خبرة : بيتعمل سنفرة لطبقة الشمع اللى اتجرحت و يتم وضع طبقة شمع جديدة للسيارة و بترجع فابريكة مرة ثانية و العملية كلها بتاخدلها من 6 الى 8 ساعات .. و فى ناس هنا عملت مواضيع كتير عن البوليش و الشمع هتلاقى طلبك فيها ..
بس لازم تعمل بوليش على الأقل مرة فالشهر علشان تحافظ على لون عربيتك و لمعتها .. جرب و هتشوف الفرق.
انا بعمله بنفسى فالجراج و بتاخد منى العربية ساعة و نص تقريبا.

اولاً الف شكر لنصيحة حضرتك بخصوص الوقاية لأن ده انا زي حضرتك بعمله تقريباً كل ٣ شهور للعربية لكن الموضوع ده في عربية واحدة قريبتي و بفكر اخد منها العربة بس خايف ان اللون ميرجعش لأنه كحلي و التجيير باين فيه قوي

**p r i n c e** · 26-05-2013 01:33 AM

غطي العربية بعد ما تركنها

**hany79** · 26-05-2013 01:38 AM

المشاركة الأصلية كتبت بواسطة dr-a.7.m.a.d

غطي العربية بعد ما تركنها

سيادتك دي مشكلة و للأسف حصلت، الغطاء طبعاً للوقاية

**mo7a_mo7a** · 26-05-2013 01:58 AM

المشكلة دي لا حل لها الا اعادة الدهان
وللاسف النصائح المتكررة باستخدام البوليش لا تجدي لان ببساطة البولش بيشيل جزء من دهان العربية مع تكرار الاستخدام
الحماية بتكون بالشمع مش البولش ودي بتحمي من الاتربة والاملاح مش من الشمس
التكليح وبهتان الدهان والمشاكل دي بتظهر نتيجة سبب من اتنين
1- الدهان غير مطابق لمواصفات المناطق الحارة
2- نوع الدهان ردئ

لذا انصحك ان قررت اعادة الدهان استخدام دهانات ممتازة ايطالي او الماني لتقاوم عوامل التعرية

تقبل تحياتي