الله يبارك فيك يا كبير وعقبالك إن شاء الله .. هو فعلا الموضوع مكلف جدا بس هايزود ثقتك في العربية و أهو أمان لو سرحت و دخلت ملف بسرعة ..
مبروك عليك . و عقبال الكاوتش .
ازاي يا باشا سفرياتك كتير بالعربيه و لسه مكملتش 20000
بص حضرتك انا مش باتحرك بالعربية داخل سوهاج خالص .. بافضل المشى كنوع من الرياضة .. انما استخدامى للعربية للسفر سوهاج - المنيا 200 كم أو سوهاج - القاهرة 500 كم .. و انا باسافر المنيا مرة كل شهر أو شهرين و القاهرة بالكتير مرتين فى السنة .. والعربية موديل 2011 يعنى مالحقتش تمشى هى حاليا عاملة 14300 كم .. بس أدى الحكاية ..
لو كلنا بنفكر زيك كده مكنشى هيبقى فيه ازمة مرور ابدا
الناس برضه معذورة يا استاذ عمرو .. أقل مشوار فى القاهرة من بيتك لشغلك 20 30 كم .. و لو هاتخرج بالليل مع اصحابك نفس الحكاية .. وكل بيت اصبح يملك عربيتين و تلاتة .. وماحدش بيرضى يوصل حد عشان مايتعطلش جنبه .. لازم الدنيا تزحم والمرور يتشل .. والناس خلقها يضيق و العربيات تخبط فى بعض .. تصدق انا الاسبوع اللي قعدته في القاهرة يمكن خرجت بالعربية 3 4 مرات و باقى الاسبوع بالمترو .. يا راجل اروح من اشارة روكسى لسيتى ستارز ف ساعة إلا ربع ؟! و الساعة 11 بالليل يعنى مش وقت ذروة ولا زحمة
20 30 كيلو بين البيت و الشغل يا وسيم يبقى قريب
انا المسافة بين بيتي و شغلي 55 كيلو رايح و زيهم جاي =d