صنايعي الكاوتش في المنيا جاري قال ده اسمه " تفتيح شغل " وهو سائد ومنتشر في مصر
عرض للطباعة
صنايعي الكاوتش في المنيا جاري قال ده اسمه " تفتيح شغل " وهو سائد ومنتشر في مصر
الموضوع ده بيحصل معاى كل يوم فى اشارة شارع المدبح لدرجة انى بقوله يا رااااااجل بس تقول لمين شويه عيال مسرحهم يجيبوا شغل - حسبى الله ونعم الوكيل فى معدومى الضمير
ده انا فى مرة سمعت ان بتاع الكاوتش ممكن العجله تكون مريحه ويقولك مخرومه بقت اقف فوق دماغه :d
تحذير كمان من واحد بيقف فى المريوطية ومكانه بالظبط لوانت جاى من مشعل ونازل على المريوطية فى دخلة جنب موقف الميكروباصات اللى اخرها طالعة الدائرى فى هناك فى الشارع ده قب لالطلعة بشوية واد بيقف لابس نظارة سودا وكل اما عربية تعدى يقولها الحق الكاوتش نايم
انا عرفت الموضوع ده من حد هنا فالمنتدى وشفت الواد نفسه يوم الخميس اللى فات واقف قبل بتاع الكاوتش بشوية وشاور لكارينز والراجل مبصلوش اساسا
حصلت معايا في المريوطيه
و دفعت .. كان معايا حريم
وحياتك نزلت ووقفت على راسه مش على ايده
ويادوباني لفت راسي بعيد عنه لحطه علشان اعطس كان مركب خابورين وانا مش محتاج غير واحد بس
وشايفه بعيني
يقولي ايه لا يا باشا دول كانوا اتنين جنب بعض انت مخدتش بالك منهم ولا ايه
اقوله والله هو كان واحد يعملي ازاي بقولك ايه انا فاهم انا الحوارات دي
انت عايز تعمل كده علشان تقولي انا بسرقك وبتاع هتدفع يعني هتدفع
تسلم ايدك يا باشا عالموضوع
فيه كمان بتوع الكاوتش ف بنزينة التعاون صلاح سالم عند عمارات العبور
الحركة دى اتعملت معايا عند البنزينة اللى على مدخل المعمورة فيها واحد برده معدوم الضمير كنت داخل ازود ورغم انى نزلت من العربية وفضلت واقف جنبه بس للاسف برده ما اخدش بالى عملى فى عجلتين 10 خوابير واحدة 7 والتانية تلاته وبعد كده فهمت من واحد كاوتش معرفه قالى استحالة كل الاخرام تبقى جنب بعضها ابعد عن بتوع البنزينة فى اى مكان واى حد تشك فيه لانك مستحيل تكشفه وهو بيخرم العجلخ بابرة صغيرة اوى مخبيها فى ايده وحسبنا الله ونعم والوكيل فيهم
بتحصل معايا كتير عيال صغيرة تقعد تقولي العجلة نايمة يا بية ومبعبرش حد ومبقفش اصلا خالص واوصل البيت الاقي ولا الهوا العجل زي الفل شغل نصب واحتيال