كان بقالي فترة الفرامل مش مريحاني و قدام بتمسك قبل ورا
رحت عند الميكانيكي بتاعي في مصر القديمة ... كشف و قالي الطنابير ورا فيها ريجة جامدة و محتاجة خرط و ملو تيل خلفي او تشتري طنابير و تيل جديد زي ما تحب
المهم وداني عند ورشة الحاج محمد هلالي ... بصراحة تعاملهم في منتهي الامانة والذوق و الحاج محمد راجل محترم اوي اوي
فكوا الطنابير و غسلوا الاول بالجاز و المياه و الرابسو زي الصورة دي
[IMG]
و بعدين اخد الطنابير علي المخرطة عشان يخرطها ... الصورة دي
وبعدين عمل تيل بقيمة اتخن من القيمة العادية عشان توازي قيمة الخرط و التيل لزق و كبس مش برشام و ده افضل بكتير كأنه فابريكة
تم التجميع و التقفيل و رجلاش خفيف علي الهاند بريك و طبعا مرضيوش يتقلوا علي الرجلاش دلوقتي عشان التيل يطبع و المفروض اروح لهم زيارة بعد 10 ايام عشان يرجلشوا ورا و يرجلشوا الهاند بريك تبقي تكتين بس
النتيجة : مرضية جدا جدا عن الاول الحمد لله والاربع فرد مسكوا تمام اوي
المكان : ورشة فراملكو الحاج محمد هلالي - كورنيش مصر القديمة خلف مجمع آل محمود الطبي
الصنايعي : الاسطي تامر وده شاب زي العسل و فاهم شغله
موبيل : 01150508096
التكلفة: 120 جنيه بخلاف اكرامية الصبيان
و ده الكارت بتاع المحل عشان لو حد عاوز يستفيد
المفضلات