نيسان تٌعلن عن إستدعاء صني 2013 بسبب عيب بالمكابح
الكلام ده هنا كمان ولا برة بس؟
هنا ممكن يبيعو السيارات اللي مسحوبة من برة
طيب ونيسان مصر مفروض تعمل نفس الكلام
المفروض على مالكى النيسان يسألوا على الموضوع ده ويتأكدوا انه كلام صحيح ولا لأ
مصدر الخبر ده منين؟؟
شكرا
مش ده موضوع التيل و الطنابير البيتغيروا هنا في الضمان ؟
مش عارف ليه مفيش اي اهتمام بالمستهلك المصري زي الناس برة بالرغم من اننا من اكتر الدول اللي بيتحقق فيها اعلى مبيعات لانواع كتيرة من العربيات والاجهزة الالكترونية والكهريائية. يعني مثلا تقوم الشركة المنتجة من باب الحفاظ على سمعتها وتجنب اي جزاء قانوني بسحب موديل معين من عربية فيها عيب من كل المشترين ومعالجة العيب أو تبديلها في بعض الاحيان بعربية زيرو الخبر ده سمعناه كتير في دول كتيرة عمر ما مصر ماكانت واحدة منها (متهيألي حصلت مرة بس في موديل من موديلات الكورولا كان فيها مشكلة في دواسة البنزين)
فين نيسان تيم يقوم بدوره مع نيسان ايجيبت ومع الوكلاء ؟؟ لازم نجبرهم استدعاء لكل السيارات ويتم إعلان الأمر في الصحف حتى لا يتسبب الأمر في كوارث لا قدر الله لأن فيه ناس كتير مبتعملش صيانة في التوكيل ولا بتتابع زينا كده .. وحرام انهم يدفعوا ثمن عيوب التصنيع دي
اللي فهمته من الخبر ان ليه علاقه بمشوار بدال الفرامل في السرعات البطيئة فعلا انا بحس لما بهدي بالعربيه ان الفرامل بتخف ' مشوار الدواسه بيطول بس كنت فامر ان ده طبيعي
لاحول ولاقوه الا بالله
الله المستعان على سمعة الشركات اللي بتضيع بسبب مصانع في بلاد غريبة
بالنسبة لنيسان صني في مصر هي بتتجمع في مصنع نيسان في 6 اكتوبر لكن لو كانت بجد القطع بتيجي من الهند هتلاقي برضه مصر بدأت في استدعاء العربيات هنا كمان لكن المهم في القطع الجديده اللي هتركب
العيب في ماستر الفرامل الرئيسي
الموضوع ده فعلاً بحسه بيحصل معايا أحياناً .. إني بحتاج أدوس جامد عشان الفرامل وكدة
أصلاً أنا كنت رايح صيانة ال 5 إن شاء الله السبت الجي وكنت ناوي أقولهم على الموضوع ده ..
سبحان الله ..
اقتبس من الخبر :
"وسوف يشمل الاستدعاء قرابة 22,188 سيارة من موديلي «ميكرا»، و«صني». وسوف يتم استدعاء السيارات المعابة في الهند وبعض المناطق الأخرى علي غرار أفريقيا وأوروبا. وسوف يشمل الاستدعاء 67,089 سيارة من السيارات المصدرة لنفس الخلل."
يعنى الخبر متضمن مصر وممكن خلال فترة يتم الاتصال بالملاك علشان يغيروا او عند اقرب صيانة، عموماً ننتظر ونشوف.
ده بيتكلم عن السيارات المصدرة من الهند لأفريقيا وأوروبا .. نيسان هنا بتصنع الصني مش بتستوردها
ياريت حد من مسئولى المنتدى يفيدنا بخصوص الموضوع عن طريق نيسان ايجيبت
شوفو الخبر ده كده
Nissan Micra, Sunny recalled | News | Autocar India
بيقول ان المفروض الاستدعاء هيتم عالميا و ان اللي بيحصل في الهند هو جزء من الحمله لتغيير اسطوانه الفرامل الرئيسيه و دي مشكله ملهاش علاقه بموضوع الصفاره علي ما اعتقد دي ليها علا قه بالمشوار بتاع بدال الفرامل
و الله البيجو اوربي اكيد هيكون فيها شويه مزايا احسن من الصني لو تقدر عليها و علي قطع غيارها اشتريها بس من الاخر الصني عرييه معقوله و قطع غيارها باسعار معقوله يعني الاكصطدام بتاهها ب 600 بينما بتاع الاكسنت ار بي ب 1300 و خد علي كده من الاخر شوف امكاناياتك قبل ما تاخد القرار
علي فكره المشوار بيتغير و مش ثابت و ده غريب يعني مره بصراحه الفرامل انقذتني نا دخل في عربيه تانيه كانت جايه في وشي بسرعه و نا وقفت و هو فادني و وقف بعدي بكتير بس انا كده بدءت احس ان المشكله في العربيه و مش فيا انا
لتني كل شويه اقرب او ابعد الكرشي علشان موضوع الفرامل ده ساعات الاقي نفسي مش عارق اجيب البدال لأخره اقوم مقرب الكرسي و ساعات الاقي رجلي مزنوقه و بتكون في وضع 90 زرجه و انا جايب اخر البدال و كنت مفكر ان ده سببه اني مش عارف اضبط الكرسي و القعده عليه صح بصراحه انا بقالي 6 شهور العربيه معايا و كل ما اركبها اضبط الكرسي علشان بدال الفرامل
شكرا للرد ... من دراستى للبيجو 301 السيارة تفتقد الاتى : زجاج خلفى و جانبى ملون + مرايات ضم + الطارة المالتى عديمة الفائدة لان المالتى فى دراع على اليمين يعنى تروح تقلب من الكاسيت نفسه أقرب + سبويلر + لو ركبت ديفيدى او كاميرا او تتبع تبقى السيارة برة الضمان يعنى البس + توكيل و مراكز خدمة زبالة مشفتش ولا واحد قال فيه كلمة واحدة عدلة + الفتيس ستيب ترونيك اللى اثبت فشله مع الجدارة فى الكورولا... نخش على المزايا : صاج الأجناب الله أكبر صلب + تقفيل اوروبى اسبانى يعنى ان حتى طقم الكواليتى كنترول بتاع المصنع اوروبى على ابوه + مفيش ايد مصرية لمستها فى اى مرحلة من مراحل التصنيع + كاويتش ميشلان بولندى من احسن 3 فرد فى العالم + جنوط 16 موش 15 زى النيسان و اوروبى موش صينى زى النيسان + انا شوفت البارت ليست موش فارقة كتير عن قطع غيار النيسان + البطارية فارتا اوروبيه وواخده بادج بيجو و ستروين موش كلورايد زى الصنى ........ أغير ولا اعمل ايه يا شباب !!!
معلش سؤال بعد إذنك ماذا تقصد بالفتيس ستيب ترونك الذى اثبت فشلة فى التويوتا على ما اعتقد حضرتك خلطت بين التويوتا الجنوب افريقى بالفتيس ال mmt حيث ان معظم السيارات الحديثة الان بفتيس ستيب ترونك وعلى فكره فتيس البيجو 301اكثر من ممتاز و عن تجربة و مثله مثل اى سيارة بفتيس ستيب ترونكك بل بلعكس الفتيس من انعم ما يمكن ولا يوجد به سوسته تحتاج للضغط عليها عند النقل بالاضافة انه يوجد 2 mod واحد للقيادة الرياضية و واحد للأرض الزلقة
غير لبيجو افضل
موديلات الكورولا اللى أقصدها اللى هى الجنوب افريقى بتاعة ال 3 سنوات اللى فاتو كان اللى كان نازل بها الستيب ترونيك و توكيل سمير ريان قاللى انهم بعد ما لقوا شكاوى كتير جدا من الفتيس لانه موش مناسب لزحمة مصر نزلوا موديل السنة دة بفتيس اوتوماتيك فقط و العربية كلها يابانى صرف.
يا ريت تقوللى انت جبت ال 301 منين و بكام وف مدة زمنية اد ايه و راكبها بقالك كام كيلو ؟!!! معلش استحملنى اصل الحيرة مموتانى و شركة نيسان بيستهبلوا و السبع قاللى يوم الخميس انهم هيغلوا العربية تانى اول يونيو يعنى النهاردة .. بصراحة قفلونى منهم قفلة طين ... و قوللى بجد انت موش همك فروقات الامكانيات و الكماليات بين ال 301 و الصنى ؟
انا عندى نفس مشكلة الفرامل الى مشوارها طويل دى يا جماعة رغم أنى مغير التيل و الطنابير ورا وقدام بالكامل !!!!!
حد يعرف نيسان هتستدعى السيارات فى مصر ولا ايه؟؟؟
أنا عارف إيه كانت مشكلة التويوتا الجنوب أفريقى بالنسبة للفتيس ال mmt بس إيه علاقة الفتيس ده بالبيجو ال 301 ده حاجة و ده حاجة تانية خالص البيجو مافيهاش فتيس mmt أصلاً!!
أنا حجزت البيجو فى أول يوم الإعلان نزل و إستلمتها فورى بعد دفع أوفر برايس 3 ألاف بس دلوقتى صعب جداً تلاقيها ولو لقيتها هاتلاقى الأوفر برايس بقى أكتر.
النهاردة كنت عاوز أجيب واحدة بيزلاين لأحد أقربائى و وجدت أن الأوفر برايس لها أصبح 5 ألاف جنية بعد أن كان ألفين فقط الطمع بتاع المعارض زاد جداً لما شاف الإقبال على السيارة.
أنا إشتريت من عند أباظة فى التجمع الخامس بس مش هاتلاقى عنده غير بيزلاين دلوقتى.
أنا لسه ما كملتش 500 كيلو بالعربية بس إطمن جداً هاتتبسط منها إن شاء الله و مافيش حاجه هاتفتقدها من الصنى بعد ما تجلس جوه البيجو بس نصيحة جيب الهاى لاين و ليس البيزلاين فرق كبير بينهم و بالتوفيق إن شاء الله.
على فكره مشوار بدال الفرامل فى الصنى فعلاً متغير وليس ثابت وعن تجربه شخصيه
فى السرعات العاليه بيقى قصير وع السرعات البطيئه بيبقى أطول
إزااااى ولييييييه ماعرفش
ياريت حضرتك تعمل موضوع للأستطلاع
بين النيسان والبيجو
وعلى فكرة انا متأكد ان النتيجة محسومة
فراملها زباله الصراحه كذا مره اجى افرمل الاقيها بتسحب وبتاخد وقت عما تفرمل ولازم ادوس جامد على الدواسه عشان تفرمل
العربية فراملها كويسة و مفيهاش حاجة
بتحصل فأكبر الشركات
المهم تصليح الخطأ فكل الدول ..