السلام عليكم ورحمة الله وبركاته
أولاً كل سنة وانتم طيبين و ربنا يعود علينا رمضان بالخير واليمن والبركات
زي ما قالت الأستاذة علا و بعض الأعضاء إن الشيطان بيجي قبل رمضان و يركب دماغ الناس في محاولة لاختلاق المشاكل بينهم والهاهم عنه
أنا بصراحة كل سنة قبل رمضان بأيام قليلة بحاول أعمل عفو عام و اسامح أي حد ظلمني بل و بتصل بكل الناس إلي بيني و بينهم خلافات
أحيانا طبعاً باجي على كرامتي بس والله ديماً بأفاجأ برد فعل غير متوقع من الشخص إلي بتصل به أو بروحله ولا كأن مكانشي فيه مشكلة بنا أصلاً

علشان كدة أنا فكرت أعمل المبادرة ديه و اتمنى إن الكل يشاركني في هذا العفو عن طريق
أولاً إن كل واحد بينه و بين أي حد على المنتدى أي خلاف يدخل هنا و يسامحه و يعتزرله
ثانياً ممكن أي واحد شايف خلاف بين اتنين من الأعضاء يدخل هنا ويدعوهوم ويقوم بدور الوساطة بينهم ليصلحهم و أنا أرشح الاساتذة أحمد ابراهيم و كريم منير و شيكو للقيام بهذا الدور لم لهم من حب بين الأعضاء
و أنا هبدأ بنفسي
أنا أسف جداً لأي عضو جرحته في أي مشاركة ليا و اتمنى إنه يكون مسامحني أو يجي هنا و يعاتبني

أما بالنسبة للوساطة فاتمنى اني أكون وسطة خير بين حبيب قلبي دكتور محمد nilestorm و حازم خضر والأوستاذ Matrixawy يا ريت لو يجوا هنا و يعلنوا العفو العام عن بعض

ربنا يجعل Nilemotors دايماً مكان الحب والمودة بين الاعضاء زي مكان و هيكون إن شاء الله