الموضوع: معيش فلووووووووووووس

بسم الله الرحمن الرحيم
عايز اغير زيت و عايز اغير تيل و عايز اغير قواعد موتور و معيش فلوس للثلاثة
سألت علي قواعد الموتور 2 ب250 و قاعدة الفتيس ب 330 (قبل الفصال )
حد بقي يقدر يفدني لو حابب اغير زيت موبيل 10000 هيعمل كام
و يكمل جميلو ويقولي افضل نوع تيل و سعرو اية لو كمان يقول سعر التيل الجي ام
العربية فيكترا بي اتوماتيك

ربنا يوسع علينا أجمعين، قولو آمين، الانسان يحاول يداوم على الاستغفار و قرأة سورة الواقعة و الصلاه في ميعادها، برضه مع الأخذ بالأسباب: يعني ربنا سبحانه عرفوه بالعقل و الفلوس إلي بتفضل في جيب الانسان هي حصيلة الدخل بتاعو و نشيل من الدخل دة المصاريف... طب نعمل إيه؟ ممكن ندور على حاجات تزود الدخل و الحلول متعددة ذي: تغيير الشركات لشركة تانية بتدفع أكتر، أو أفضل من كدة معرفة كورسات مميزة معروف إن ليها تأثير على الدخل، أو السفر برة، ده من ناحية الدخل - أما من ناحية الصرف ممكن كل واحد يوفر مبالغ كبيرة لو هو جاد و فعلاً عاوز يوفر، هادي أمثلة زي عادات غبية و أولها التدخين و التبرع لإسرائيل! أيوا ذي ما أنا كاتب... معروف إن في شركة أمريكية شهيرة مثلاً بتتبرع بشكل منتظم لإسرائيل و كل ده من فلوسنا احنا!و شرب الشيشة و الذي منه! و دي حاجات بتدمر أساساً الصحة... فمبدئياً بتاخد فلوسك و صحتك و ده بيأثر على انتاجيتك و صحتك. صحتك دي هي زي المولد للانتاج و إلي بيتسبب في الحصول بإذن الله على الفلوس، في ناس بتصرف جامد في حاجة معينة زي السيارات مثلاً، أو الملابس الغالية أوي أو السفر برة... و كل انسان أدرى بدخله و مصاريفه و ظروفه، و بالتالي عارف إيه إلي بيبلع فلوس كتير و حاجة ملهاش أي 30 لازمة، في ناس مثلاً بتتغدى في الشغل و ده بيكلف ألوف شهرياً! ممكن الواحد فينا يجيب لنش بوكس و يظبته عندو في البيت فيها أكل قيمته الغذائية ممتازة و بربع أو تلت الثمن مثلاً و يا سيدي تبقى على الاقل ضامن نظافتها و غيرو و غيرو كتير. ربنا يعمل الصالح، أخوكو أحمد سامي.