ارجو المساعده موتور استرا 1200

**محمد الباشا** · 27-05-2013 02:40 AM

الاساتذه الكرام تحيه طيبه ارجو المساعده انا موتورى باظ خالص عربيه اوبل استرا 1200 سى سى - موديل 2000 والعربيه ما بتدورش والميكانيكى قالى محتاجين شورت بلوك ( موتور بدون وحدات تغذيه)
1- عايز اعرف سعره هيكون كام ؟
2- وهل الشورت بلوك ده زى ما انا فهمت منه انه الموتور بدون وحدات التغذيه ولا بيبقى نص الموتور التحتانى؟
3 - احسن واحد بيبيع الموتير ديه وبكام بيركبه الميكانيكى
وشكرا جزيلا

**ahmed_gamal** · 27-05-2013 03:09 AM

الشورت. بلوك. هيعمل. من 3000 : 3500.
الموضوع ده لسة حاصل مع واحد صاحبي. و جبنا الموتور من سوسو. ب 5000. والمفروض انه موتور كورسا 2010 و تركيبه أتكلف 650. جنيه

**محمد الباشا** · 27-05-2013 04:34 PM

شكرا يا استاذ احمد بس كنت عايز اعرف اجيبه منين لانى بسمع اسعار 4000 الى 4500 ومسمعتش عن 3000 او 3500 خالص وفين ده سوسو
وشكرا

**Driver101** · 27-05-2013 07:10 PM

محمد سوسو فاتح في الوكالة وفي المريوطية.

**محمد الباشا** · 28-05-2013 12:46 AM

والله متشكر يا دريفير بس هو سؤال هو ب3000 ده كويس على شورت بلوك لان انا بسمع اقل سعر 4000 ده احسن حاجه باور هورس 175

**Driver101** · 28-05-2013 10:48 AM

المشاركة الأصلية كتبت بواسطة محمد الباشا

والله متشكر يا دريفير بس هو سؤال هو ب3000 ده كويس على شورت بلوك لان انا بسمع اقل سعر 4000 ده احسن حاجه باور هورس 175

بصراحة يا أ/ محمد ليس لدي فكرة عن الأسعار وخاصة بالنسبة للأسترا، لكني لو مكانك هاخد لفة على بتوع الاستيراد لسببين هتجمع الأسعار وتقدر تشوف range الأسعار وكذلك الحالة بتاعة الحاجة، أشهر ثلاثة تجار هم سوسو والعايدي واسلام عبد الشافي (الاتنين دول في الحرفيين). بالنسبة لسوسو الشغل اللي عنده بيكون نظيف أنا جبت من عنده بيت الكامة وكانت حالتها ممتازة بس هم غاويين فصال، يعني لو مش بتعرف تفاصل خد معاك حد له في الفصال. وربنا يوفقك إلى ما فيه الخير.

أخوك/ محمد حسن

**محمد الباشا** · 28-05-2013 11:38 AM

والله متشكر يا استاذ محمد حسن بس انا الى مجننى الاسعار يعنى الاورمه بس ب 4000 امال الموتور كامل بكام ب 6000 لا هما بيبالغوا جامد هنزل اشوف ولو فى حد من الاخوه الاعضاء عنده اقتراح او تجربه يقدر يساعدنا بيها ارجو انه ميبخلش علينا بيها ان شاء الله