تيل فرامل أمامي فلوانس !!

**sherif_ellethy** · 27-05-2013 01:47 PM

السلام عليكم ورحمة الله وبركاته ... أنا في توكيل رينو العبور يا جماعه بعمل صيانة ال 15000 وكان ليا شكاوي بسيطة والصيانة دي مجانا زي ما انتم عارفين ... المهم من نص ساعة خرج المهندس المسئول وقاللي التيل الأمامي لازم يتغير !! قولتله ازاي بعد 15000 بس ؟ قاللي التيل متاكل ولو استنيت عليه ممكن يضر الطنابير ... ولما سألته مش بدري علي التيل كده ؟ قاللي مش شرط ده حسب الطرق اللي بتمشي فيها وحسب طريقة استخدامك وقاللي براحتك عايز تسيبه كمان 1000 - 2000 بالكتير وان كان ده خطر وممكن يكلفك أكتر... ايه رأيكم في الكلام ده أغير ولا ايه؟؟ ضروري من فضلكم...

**elokle** · 27-05-2013 02:06 PM

اكيد تغير التيل لان التكلفه دلوقت لو 600 جنيه لكن لو استنيت شويه هتضرب الرقم ده في 3 او 4 لما تغير الطنابير

**svneleven** · 27-05-2013 03:34 PM

أنا شايف لو التيل محتاج تغيير للدرجة ديه كنت حضرتك مؤكد هتحس أن الفرامل ضعيفة و طالما حضرتك مش حاسس بأي فرق في الفرامل يبقي اعمل عبيط. واحد قريبي معاه نيو اكسنت صيانة ال 10000 هبور قالولو غير التيل عمل عبيك و الدنيا زي الفل راح صيانة ال 15000 و داخل علي ال 20000 و كله تمام.

**Waleed_Fathy** · 27-05-2013 10:59 PM

اتاكد بنفسك من حالة التيل هل خلصان و لا لسه فيه تخانه

**stonecoldmido5** · 28-05-2013 04:09 AM

المشاركة الأصلية كتبت بواسطة sherif_ellethy

السلام عليكم ورحمة الله وبركاته ... أنا في توكيل رينو العبور يا جماعه بعمل صيانة ال 15000 وكان ليا شكاوي بسيطة والصيانة دي مجانا زي ما انتم عارفين ... المهم من نص ساعة خرج المهندس المسئول وقاللي التيل الأمامي لازم يتغير !! قولتله ازاي بعد 15000 بس ؟ قاللي التيل متاكل ولو استنيت عليه ممكن يضر الطنابير ... ولما سألته مش بدري علي التيل كده ؟ قاللي مش شرط ده حسب الطرق اللي بتمشي فيها وحسب طريقة استخدامك وقاللي براحتك عايز تسيبه كمان 1000 - 2000 بالكتير وان كان ده خطر وممكن يكلفك أكتر... ايه رأيكم في الكلام ده أغير ولا ايه؟؟ ضروري من فضلكم...

نفس الكلام اللي اتقالي في الداستر و في نفس عدد الكيلوات بس في الاسكندرية, حاسس اني انا اللي بحكي الموقف ده و اضطريت اني اغيره و للاسف طلع كأنه جديد و المشكلة الاكبر ان التيل الجديد ابتدا يصفر بعد اقل من الفين كيلو