السلام عليكم
هل يعقل ان التكيف فى الزحمه ملهوش اى لزمه ؟
عرض للطباعة
السلام عليكم
هل يعقل ان التكيف فى الزحمه ملهوش اى لزمه ؟
حسب العربية واماكنة الشحن بتاع التكييف ودرجة الحرارة
عربيتك نوعها ايه ياباشا وحاله التكييف ايه
زي ماهو واضح مازدا
واعتقد 323 مش كدة
لو تخميني صح يبقي دة الطبيعي
عربية موديل ثمانينات
اكيد تكييفها على ادها ويرجع طبعا لحالة الموتور ومتنساش حالة عزل العربية
يعني ممكن التككيف يبقي ممتاز بس العربقية مفتحة من كل حتة
لا التكييف ممتاز في الزحمة هو اساساً مهمته ان لما اكون واقف في اشاره الاقي شويه هوا غير القرف اللي شايفه قدامي !
العربيه مش مفتحه ولا حاجه بالعكس انا شايف العزل بتاعها كويس نوعآ ما
بالاضافه لان التكيف بليل بيكون تلج يعنى اتوقع انه سليم بس انا بتوقع انه شحن ناقص لانى لما بمشى فى طريق مش بقف فى زحمه التكيف بيشتغل كويس ولا ايه رائيكم ؟
وهل صوت التكتكه اللى بيطلع من الكباس فى الزحمه بس او على السلانسيه دى بلية الكباس ولا شحن ناقص ولا زيت كباس ناقص ؟
لانى اول ما ادوس بنزين صوت التكتكه بيروح فا انا سمعت انه ملهوش اضرار وسمعت ناس تانيه بتقول انه ممكن الشحن ناقص او زيت الكباس ناقص او لو بلية ممكن اعمل نفسى اطرش مؤقتآ
ايه رائيكم برضه وجزاكم الله كل خير
اعتقد الكباس عندك ضعيف
بدليل انك بتقول لما بتتحرك بالعربية التكييف بيبقى كويس و لما توقف فى زحمة او اشارة مش بيسقع
انا لاحظت حاجه كمان ياريت توضحهالى وجزاكم الله خيرآ
فى بذبوذ فى صدر العربيه لما تفتح الكابوت بلاقيه فى وشى على طول عبارة عن قطعه كوتش جاى من التلاجه على طول وهو بيجيب مايه لما التكيف يشتغل بوقت تنقيط خفيف وساعات بيكون سريع على حسب التبريد بس اللى استغربتله انه بيطلع هواء هل ده طبيعى انه يطلع هواء ؟