الموضوع: اوتو ايجبت (الوداع غير ماسوف عليك )

انا بروح اساسا على حسابي اعمل اصلاحات هناك عفشة او كهرباء مش عشان ضمان مثلا

بطلب 5 حاجات .... اطلع الاقي واحدة بس اتعملت و الباقي يا اتلصم يا متعملش

مع العلم انهم واخدين فلوسها يعني ووقتها اللي كل حاجة عندهم بتاخد 4 ساعات

اخرهم تغير لمتين ستوب قعدوني 4 ساعات .....

اخر مرة رحتلهم اشتكيت من :1-لمبتين ستوب بايظين

2- رشاشات المياه بتضرب في اي حته .

3-صوت ترزيع في الكنبة ورا في المطبات .

4-تزييق في الكراسي و الطابلوة قدام .

و قعدت متابع العربية لحظة بلحظة ....اولا دخلت بعد ساعتين مرمية بره

ثانيا مدخلتش الا لما ابتديت اتكلم بقلة ذوق عشان يحس

ثالثا اللمبتين اتغيرو و الرشاش اتعمل بالايد كده اي كلام و محطوش مياه حتى

رابعا بقا و ده المهم دخلت قسم السمكرة عشان الترزيع 5 دقايق

طبعا دخلت زي ما خرجت و قعدت في الغسيل ساعتين

لحد ما زعقت برده واحد دخل جابها

الاستلام بقا و ده المتوقع

العربية ملحوسة مياة و طرطشه
2- الكنبة زي ما هيا بترزع
3-الكراسي و التابلوه بيزيقوا زي ما هما

رجعت للبيه المهندس طلع معايا و عايز يقنعني انهم ربطوا الدنيا و انا عندي هلاوس

كنت خلاص هسبله بصراحة خللي واحد تاني من جوه يجرب قالله اه فعلا الكنبة فيها مشكله

امال يا ولااااااااااااااااااااااا اااااااد التيت كانت العربية معاكو جوه بتعملوا ايه ؟ و ليه محدش جرب؟؟؟

المهندس بيقوللي معلش تعالى يوم تاني نعملها

في عقل بالي ((هو انا شغال في طابونة يابني كل شوية هجيلكوا واخد اجازة ))

مردتش اشتمه و مشيت و حالف انها اخر مرة اجي الزفت ده ....

كلمني نيسان مصر بيسالني ايه اخبار الصيانة قلتله زفت

راح مكلمني المهندس ده بيقوللي ايه اللي مزعلك و انا قلتلك تيجي

قلتله طيب هبقا اجي ((يبقى يقابلني ))و لا رحت و لا فضيت اروح و لا هروح بصراحة .

اه حاجة نسيت اقلها انني طالب منهم كاوتش كوبلن داخلي يمين من شهر و نص و مجبهوش وولا تابعوا معايا ....

الخلاصة :
المركز نضيف و الاستراحة ممتازة و المعاملة شيك

لكن شغل و حرفيه و ضمير مفيش و بطء رهيييييييييييب

اوتو ايجيبت الودااااااااااااااااااااا ااااااع