تيدا 2013 من اوتو ايجبت مدينة نصر

**M.A.EL-SATAR** · 16-09-2012 09:55 AM

الحمد لله ربنا وفقني واشتريت تيدا هاتشباك 2013 من اوتو ايجيبت - مدينة نصر الصراحة الفضل يرجع للمنتدى بعد ربنا ان اروح اشتري من عندهم ارجو منكم قبول اضمامي لقسم نيسان المتميز واحب ااكد على كل كلمة اتقالت في حق الوكيل المحترم معاملة ممتازة ومواعد مظبوطة والورق بتاع العربية كلة جاهز معملتش حاجة غير اني رحت على المرور على طول ورخصت الحمد لله امبارح.

لحد دلوقتى انا عملت بالعربية حوالي 40 كم لسة مخدناش على بعض يعني

لو سمحتو ياشباب اني لاحظت ان اللمبة الزرقاء بتاعت الحرارة مش موجود يعني مفيش حاجة تبينلك ان العربية باردة غير RPM العالي واول متدور وبتظهر اللمبة الحمرا اول ما تفتح الكوناكت وبتطفي بعد كام ثانية كدة سالت المعرض قالي ممكن ال 2013 كدة اصل النيسان صني 2013 كدة فاعتقد ان دة اول اختلاف ظهر معايا لحد دلوقتي في موديلات 2013

تاني حاجة دي الاهم لانها مسببالي مشكلة في السواقة وهي المرايا الشمال الابعاد فيها غير اليمن خالص وكمان النقطة العمياء فيها كبيرة جدا وبالتركيز لاقيتها بتكبر الاشياء يعنى بتقرب مش بتبعد ولما ركبت العربية باليل لاقيتها بتعكس النور بتاع العربيات الخلفية في وشي اكثر من اليمين انا معايا فكترا وانم عارفين ان مراية الفكترا صغيرة ازاى بس الصراعة بشوف فيها احسن من المرايا بتاعة التيدا الي اكبرمنها 3 مرات بالاضافة ان المراية فيها زي عارفين لما بيبقى عليها نقط ماية وبتنشف بتعمل بقع كدة بس للاسف البقع دة مش عايزة تطلع ( المرايا اليمين مظبوطة ومرياحني)

وكان في زميل هنا في المنتدى عمل موضوع عن نفس المشكلة بس مقلناش وصل لايه ودة لينك الموضوع بتاعة

http://www.nilemotors.net/Nile/203143-2011.html

وانا من بعد المعاملة الممتازة الي شوفتها بعيني من اوتو ايجبت بالاضافة لاراء الزملاء هنا محدش يصدق ان المراية ممكن تكون اتكسرت او اتركبت وازازة غيرها

احب اضيف اني رحت شوفت تيدا تانية في اوتو ايجبت ولاقيت الكتابة بتاعة الابعاد غير حقيقه مكتوبة على اليمين بس مش على الشمال زي عندي بالضبط بس مشوفتش الصراحة ابعادها

اخيرا بشكركم على المعلومات اللي الواحد استفاد منها وياريت لو حد قابلته مشكلة المرايا دى يقلنا عليها

**Ahmed_selmy** · 16-09-2012 11:06 AM

اولا مبروك على العربيه, وربنا يباركلك فيها
ثانيا عندى تصحيح صغنن ان العربيه 2012 مش 2013
ثالثا بخصوص المرايا انا بردوا لاحظت ان واحده غير ااتانيه وبردوا حتاكدلك, لانى فى الشغل

**SAMEH_FOUAD** · 16-09-2012 11:06 AM

اولا الف مبروك ياباشا ويديك خيرها ويكفيك شرها بإذن الله

موضوع مؤشر الحرارة , هية التيدا اصلا مافيهاش مؤشر حرارة , بس فيها لمبة المفروض اللمبة دية بتنور ازرق لحد مالعربية بتوصل لدرجة الحرارة الطبيعة , وبعد كدة بتطفى , وفيها لمبة حمراء بتنور لما حرارة العربية لاقدر الله بتكون عالية فدية اللى تخلى بالك منها دية كانت فى تيدا 2008 اللى معايا , لكن مش عارف بقى موديلات 2013 عملوا فيها اية , وعموما اهم حاجة تخلى بالك ان لو لا قدر الله اللمبة الحمراء اشتغلت لازم تبطل المحرك فورا

بالنسبة للمرايات روحلهم التوكيل لان التيدا الموديل السابق ماكنتش بالسوء دة

وتوكيل نسيان محترم ومميز

**M.A.EL-SATAR** · 16-09-2012 11:50 AM

المشاركة الأصلية كتبت بواسطة semsem kane

اولا الف مبروك ياباشا ويديك خيرها ويكفيك شرها بإذن الله

موضوع مؤشر الحرارة , هية التيدا اصلا مافيهاش مؤشر حرارة , بس فيها لمبة المفروض اللمبة دية بتنور ازرق لحد مالعربية بتوصل لدرجة الحرارة الطبيعة , وبعد كدة بتطفى , وفيها لمبة حمراء بتنور لما حرارة العربية لاقدر الله بتكون عالية فدية اللى تخلى بالك منها دية كانت فى تيدا 2008 اللى معايا , لكن مش عارف بقى موديلات 2013 عملوا فيها اية , وعموما اهم حاجة تخلى بالك ان لو لا قدر الله اللمبة الحمراء اشتغلت لازم تبطل المحرك فورا

بالنسبة للمرايات روحلهم التوكيل لان التيدا الموديل السابق ماكنتش بالسوء دة

وتوكيل نسيان محترم ومميز

ربنا يبارك فيك يا باشا

هما شكلهم لغوا اللمبة الزرقا هشوف كدة في الصيانة

**szaalouk** · 16-09-2012 11:51 AM

الف الف مبروك يا باشا
ربنا يديك خيرها و يكفيك شرها
و مبروك انضمامك لأسره الصقور

تحياتي

**Ali_Abo_Amr** · 16-09-2012 12:45 PM

الف مبروك على العربية المحترمة دى ...
وبخصوص المراية الشمال فعلا حاجة غلسة لانهم عدلوها من اول موديل 2011 بقت مقعرة بتكبر الاشياء ...
انا باركب عربيتى موديل 2009 المراية الشمال طبيعية
ولما باركب عربية زميلي موديل 2011 المراية الشمال بتعصبنى وباحس انى مش عارف اسوق

لدرجة انى اقترحت عليه يغيرها :)

مسألة تعود بس مش اكتر

وربنا يباركلك فيها ويعطيك خيرها ويكفيك شرها

**M.A.EL-SATAR** · 16-09-2012 01:25 PM

المشاركة الأصلية كتبت بواسطة ali_abo_amr

الف مبروك على العربية المحترمة دى ...
وبخصوص المراية الشمال فعلا حاجة غلسة لانهم عدلوها من اول موديل 2011 بقت مقعرة بتكبر الاشياء ...
انا باركب عربيتى موديل 2009 المراية الشمال طبيعية
ولما باركب عربية زميلي موديل 2011 المراية الشمال بتعصبنى وباحس انى مش عارف اسوق

لدرجة انى اقترحت عليه يغيرها :)

مسألة تعود بس مش اكتر

وربنا يباركلك فيها ويعطيك خيرها ويكفيك شرها

انا هحاول اتعود عليها مدام هية كدة بس هبقى اقولهم في صيانة الالف ايه نظامها بالضبط

**kliken** · 16-09-2012 02:29 PM

الف مبروك يا باشا على العربيه
هى فعلا المرايه كده انا برضه استغربت و سألتهم فى التوكيل عليها
و موضوع اللمبه بتاعه التبريد برضه كده فى التيدا
و ربنا يحفظهالك يا باشا