الموضوع: اجيب سيفك 93 ولا سيفك 98

شوف ياباشا انت الاول لازم تحدد انت ميال لاى شكل فيهم

ودية كدة مقارنة سريعة مابينهم

1- السعر : سعر السيفيك الجيل السادس lxi بيبدأ من 47 الف الى 52 الف

- سعر السيفيك الجيل الخامس Si بيبدأ من 45 الى 55 الف جنية طبعا اللى ب45 الف جنية هتبقى حالة متوسطة او اقل شوية

2- التقفيل : بحس انة افضل فى السيفيك الجيل السادس عن الجيل الخامس شوية

3- المحرك : 1500 سى سى فى الجيل السادس بقوة 105 حصان واحد كامة انجيكشن - مقابل 130 حصان لصالح السيفيك الجيل الثانى من محرك 1600 سى سى 2 كامة , فطبعا فرق قوة لصالح الجيل السادس وفرق واضح جدا على الطريق

4- الثبات : الاتنين كويسين جداااااا وممتازين بس الافضلية لصالح السيفيك ال Si بفضل تصميمها

5- المساحة : الاتنين زى بعض بالظبط بس الجيل السادس يمتاز بارتفاع السقف قليلا عن الجيل الخامس فبيبقى لية الافضلية فى التقطة دية

6- الفرامل : فى السيفيك الجيل الخامس افضل بفضل الطنابير الخلفية الديسكات بعكس الطنابير الطبلة فى الجيل السادس , طبعا انا بتكلم على اتنين استوك لكن لو هتعدل فى النهاية الاتنين هيكونوا بنفس الكفاءة

7- قطع غيار الاتنين متوافرة وتقريبا سعر واحد

8- طبعا ال Si هتمتاز بأوبشن اعلى واكتر + فتحة السقف

دية مقارنة سريعة مابين الاتنين فى كل حاجة

المشاركة الأصلية كتبت بواسطة mohandelboshy

تسلم يا كبير علي التوضيح ده سؤال تاني معلش علي كترة استفساراتي

طيب معلش وده اللي انا كنت بقوله في اول المشاركة 46 يجيبوا عربية 96 فاضية ولا لا زي ما انت كاتب هصلي الاعضاء بيقولوا متجبش
معني كلامك ان الجيل السادس احسن من الجيل الخامس في حاجات كتير
طيب انت لو اول مرة تركب هوندا تجيب ايه منهم 93 ولا 96 ..00

مهو انا عاوز مساعدة والمبلغ ان شاء الله 45 اكمل واجيب ال 96 ولا اشوف 93 ويفيض معايا كمان علي اساس ان فيه معروض ex علي 42 و 43 نضيف
معلش هتعبك معايا بس محتاج رأيكم جدا لاني كل يوم بكون في حيرة اكتر ومش عارف اختار بصراحة لو هوندا وعربية تانية كان الاختيار هيبقي سهل انما الاختيار بين الهوندا والهوندا صعب جدا

شوف اولا عشان تعرف مين افضل من مين , جمع نقاط التفوق فى المقارنة اللى انا عملتهالك دية هيطلعلك النتيجة كالاتى :

هيطلع 4 نقاط تفوق لصالح الجيل الخامس si , مقابل نقطتين لصالح الجيل السادس lxi وممكن تكون 3 فى حالة تعديل نظام الفرامل الخلفى

يبقى ازاى الجيل السادس افضل ؟؟؟؟؟

شوف هية اصلا المقارنة مش مظبوطة لانك بتقارن ال high line بال base line فطبعا ماينفعش ,لكن انت هنا بتقارن سعر بموديل

يعنى من الاخر 45 طبعا مش هيجيبلك si حالة حلوة , ومبلغ 47-48 -49 مش هيجيبلك بردة lxi مش محتاجة مصاريف

ولو طبعا عملت الاختيار مابين ال ex الجيل الخامس ومابين الجيل السادس lxi طبعا هقولك لأ ال lxi الجيل السادس هتكون افضل

انت عايز نصيحتى ليك الواقع اللى هتلاقية قدامك كالاتى :

- سيفيك الجيل الخامس هتلاقى كتييييييييير منها متهان ولازم تكون فاهمها كويس جدااا عشان ماتلبسش , وزى ماقلك محمد نبيل فى موضوع المحركات اعرف الاكواد اللى قالهالك وشوفها فى العربية عشان تعرف تقيم سعرها كويس

- سيفيك الجيل السادس هتلاقيها بحالة كويسة بفرصة اكبر من الجيل الخامس لكن فاضية اوبشن