ممكن تاخد واحد من ولادى تربيه ؟

**shaddadfalcon1** · 28-05-2013 08:35 PM

المشاركة الأصلية كتبت بواسطة horas3000

و الله انت جبتم المفيد ههههه
انت تقولي لها الحل ده و في وجود جوزها طبعا
و هي هتعرض عليكي تربي عيالك كمان

ماهو المثل بيقول امشي في جنازته ولا امشي في جوازته ههههههههههه

**Samah AbdAllah** · 28-05-2013 09:25 PM

هههههههههههههه
متقلقوش انا متزقعة ان الحل ده يحصل فى اى وقت
هيجيبلها واحدة من الاخوات تساعدها
اوعوا تفهمونى صح ;-)

**shaddadfalcon1** · 28-05-2013 11:03 PM

وفي حل تاني

في حضانات بتاخد من سن 3 شهور من الصبح للساعه 5 او 3 تقريبا اعتقد ده هيريحها اكتر

**miceg** · 28-05-2013 11:23 PM

عندي بنوته واحده بس ومكنتش بتنيمي السن ده
كنت محتاج اوديها لحد يربيها ههههههههههههه

**طارق _عبد السلام** · 28-05-2013 11:52 PM

المشاركة الأصلية كتبت بواسطة s a m a

الام مش قادرة بسبب المرض عندها ms
وعندا طفل اكبر عمره 4 او 5 سنين
وجابت توأم وشايفة انها مش قادرة وتعبانة جدا ومش عارفة تراعى التوأم ولا حتى الطفل الاكبر
وعاوزة اللى يراعيها هى نفسها لانها دائما تقول مش قادرة
لما قالتلى انا اندهشت جدا من انها بتتكلم جد
وكان سؤالى هتقدرى تبعدى عنه ويكبر بعيد عنك عادى قالتلى اة منا مش قادرة
طيب والاب موافق ومش هيزعل ان ابنه هيتربى بعيد عنه قالتلى اة موافق لانه شايفنى تعبانة ومش قادرة اراعيهم فقالى اللى يريحك
قولتلها طيب هاتى واحدة تسعدك فى البيت قالتلى منا هجيب برضه واحدة تسعدنى عشان الولد التانى والطفل الاكبر
طيب ليه بقا مانتى هتجيب حد يساعدك ليه تفرطى فى ابنك
انا مش مستوعبة بصراحة انى اتخلى عن ابنى مهما كان تعبى

ربنا يشفيها يارب

مرضها صعب جدا زوجتى مصابه بنفس المرض مرحله اولى

دى كده لاتقدر تربى او تراعى حتى من معها فى البيت عندما تأتى لها الهجمات (المرض ده بيحاولوا يطلعوا له علاج بس لسه)

فعلا اللى زيها الموضوع صعب بس الكارثه انها لو تركت ابنها لحد يربيه هتزعل جدا وده هيزيد عليها المرض لان الغضب مدمر فى التصلب العصبى المتناثر

ربنا معاها ويشفيها يارب

**shaddadfalcon1** · 29-05-2013 12:28 AM

ابني لسه رامي دلوقتي القلم بتاع خاله من الدور التامن وراح قاله ياخالو انا رميت القلم من الشباك والقلم نزل علي السن بتاعة واتكسر لو كان نزل علي دماغ حد كان خرمههاله

عيال عايزه يد من حديد عشان تربيها

**Ahmed Amin** · 29-05-2013 10:13 AM

أستاذة سما, هوا ليه حضرتك مذكرتيش إنها مريضة في بداية الموضوع عشان تاخدي أكبر قدري من المشاركات والاراء من الأعضاء اللي ممكن فكرة منهم تكون مفيدة جدا بالنسبة لها ومجتش علي بالها.

يعني دلوقتي كل اللي قرأ الموضوع في الأول جه في تفكيره انا وباقي الاعضاء انها أم مهملة وغير مسؤلة.
ودولقتي كله بيدعيلها بعد ما كان بيذم فيها.!! بس برضه مفيش حلول كفاية ليها.
أعتقد أنو كان من الأفضل انك توضحي ظروفها من الاول كنتي اخدتي ردود قيمة من الاعضاء اللي شاركو, واراء ممكن تساعدها بدل ما يذمو فيها صفحة ونص ويمشوا من غير ما نسمع رأيهم فالحاجة اللي تساعدها.

وأنا رأيي دلوقتي انها لو كانت هتجيب حد تبقي واحدة كبيرة عشان عنين الزوج مهما كان وعشان مرضها فيمضطرش يبص برة او الشيطان يوسوس له..
والواحدة الكبيرة دي ترعي الولاد تحت اشرافها وقدام عنيها وتكون Full time عشان صحيان البيبي بليل, وتنام في غرفة الأولاد.
او لو الوالد يتكفل بيه في فترة المساء مع ان دا هيكون صعب لظروف شغله بس ربنا يعينهم وييسر أمورهم ويشفيها قريب.

**طارق _عبد السلام** · 29-05-2013 05:15 PM

توضيح للمشاركين فى الموضوع لان مرض الام صعب وربنا يشفيها ويهون عليها

مرض ms
او التصلب العصبى المتعدد (المتناثر )

ده مرض ملوش علاج للآن وعلاجه مكلف جدا جدا والعلاج بيكون عباره عن ادويه وابر تأخر هجمات المرض فقط وليس للشفاء (الشفاء من عند الله فى كل حال ) هم يجتهدون لايجاد علاج لانهم يعتقدون من اسباب الهجمات ان جهاز المناعه بيهاجم الجسم نفسه لانه بيعتقد ان تآكل الاعصاب ده ميكروب او اى شىء مضر فجهاز المناعه للجسم بيهاجم الاعصاب

المرض ده ممكن الام فجأه تصاب بعمى مؤقت لفتره معينه
وممكن يحدث لها شلل لفتره معينه ايضا
وفى المراحل المتقدمه شلل وعمى وعلاجه مرهق جدا لوهى بتاخد ابر انترفيرون بيتا

يعنى هى اصلا محتاجه مجهود كبير لتراعى نفسها وقت الهجمات لان بيدربوا المريض انه هو اللى يعطى نفسه الابره تحت الجلد وقت بدايه الهجمه

الدعاء لها ولكل مريض بالشفاء

**Samah AbdAllah** · 29-05-2013 05:16 PM

انا وضحت من البداية انها تعبانة
ولما لقيت الردود فاكرة انه تعب دلع وضحت نوع المرض
وان كنت لازلت مش مستوعبة انهم الاتنين موافقين عادى انهم يودوا الولد يتربى عند حد
خاصة ان الحمل ده مكنش بالساهل وكان فى زيارات للاطباء وسعى ليه
يعنى مادامت هى وزوجها عارفين انها مريضة وانها مش بتقدر تخدم نفسها ولا الطفل اللى عندها
اسعى واحاول اجيب اولاد تانى ليه ؟
عشان ارميهم !!!
مش عاوزة اقول كان كان طفل في التوام مريض وكانت بتدعى انه يموت وتقوله انا بحتسبه عند ربنا
ادخل بيه الجنة عشان انا مش قادرة على الاتنين
مهما كان مرضى مش هدعى على ولادى ولا هتنازل عن واحد منهم
ومفيش حد هيربى طفل زى امه مهما كان
اعتقد انها هتجيب حد يساعدها فى شغل البيت وترتيبه
لكن مش حد مقيم

-

الموضوع: ممكن تاخد واحد من ولادى تربيه ؟

LinkBack

أدوات الموضوع

عرض

-

-

-

-

المواضيع المتشابهه

ولادى عايزين بلاى استيشن ساعدونى ياشباب

واحد جرى وراء كلب علشان يعضة وينهش عظم الكلب تصدقو ممكن يحصل؟ ممكن مع كمبورة

تربيه عسكريه 28/8

ما هو الفرق بين النيو اكسنت والفيرنا ومين احسن فى الشراء دى ولادى وشكرء

تربيه الاطفال

الكلمات الدلالية لهذا الموضوع

المفضلات

المفضلات

ضوابط المشاركة