الأن في مصر....Volvo C30!!!

**Golfer05** · 11-03-2009 12:49 PM

الاخ العزيز . مع احترامي الكامل للميجان ولمالكي ميجان. لا يجوز ابدا المقارنة بين ميجان وفولفو لفروقات شاسعة جدا تتعلق بعناصر عدة مثل الامان وبلا منازع لصالح فولفو كواليتي تصنيع و ده واضح جدا لو قمت بتجربة قيادة فولفو اتزان ومناورة عالية جدا وبرضه بلا منازع لصالح فولفو وحاجات كتيييييييييييييييير وممكن تحكم بنفسك بمجرد تجربة قيادتها يعني بص الحاجات اللي ممكن تصميم ممكن السعر لصالح ميجان لكن صدقني مش حاجة اكتر من كدة وجرب قبل ما ترد عليا:b4_237:

**therealhatem** · 18-03-2009 11:37 PM

أنا من ساعة ما شفتها فى فيلم Twilight وهى دخلت قلبى
الفولفو عامله ذى الذهب

**Ibrahim88** · 19-03-2009 02:32 PM

I saw it at smart car maadi showing it from its back

**chato_eg** · 20-03-2009 09:28 AM

المشاركة الأصلية كتبت بواسطة Golfer05

الاخ العزيز . مع احترامي الكامل للميجان ولمالكي ميجان. لا يجوز ابدا المقارنة بين ميجان وفولفو لفروقات شاسعة جدا تتعلق بعناصر عدة مثل الامان وبلا منازع لصالح فولفو كواليتي تصنيع و ده واضح جدا لو قمت بتجربة قيادة فولفو اتزان ومناورة عالية جدا وبرضه بلا منازع لصالح فولفو وحاجات كتيييييييييييييييير وممكن تحكم بنفسك بمجرد تجربة قيادتها يعني بص الحاجات اللي ممكن تصميم ممكن السعر لصالح ميجان لكن صدقني مش حاجة اكتر من كدة وجرب قبل ما ترد عليا:b4_237:

أكيد طبعا الفرق كبييير...و لا يجوز المقارنة
حتى أنا تعمدت إظهار إنى غير جاد فى الكلام لما كتبت ( هاهاها ) و إنى كنت موجه الكلام بشكل أساسى لشاركى كنوع من المزاح بين إثنين أصحاب ميجان....
بالنسبة لمسألة التجربة...إيدى على كتفك...أجربها فى أى وقت و أى مكان ...ماعنديش مانع أبدا...بس تفتكر يعنى إن صاحبها ممكن يدينا لفة ؟؟!!!...
أكيد الراجل مش هيرضى و خصوصا مع عدم وجود سابق معرفة
و التوكيل هيخافوا...تلاقى مافيش غير 2 ولا 3 عندهم...
منهم لله التوكيلات إللى بتخسف بعربيات زى الفل الأرض...

**Mustafa_Farouk** · 20-03-2009 11:02 AM

المشاركة الأصلية كتبت بواسطة therealhatem

أنا من ساعة ما شفتها فى فيلم Twilight وهى دخلت قلبى
الفولفو عامله ذى الذهب

me too , amazing car for

awsome movie.

**Golfer05** · 21-03-2009 10:56 AM

أكيد طبعا الفرق كبييير...و لا يجوز المقارنة
حتى أنا تعمدت إظهار إنى غير جاد فى الكلام لما كتبت ( هاهاها ) و إنى كنت موجه الكلام بشكل أساسى لشاركى كنوع من المزاح بين إثنين أصحاب ميجان....
بالنسبة لمسألة التجربة...إيدى على كتفك...أجربها فى أى وقت و أى مكان ...ماعنديش مانع أبدا...بس تفتكر يعنى إن صاحبها ممكن يدينا لفة ؟؟!!!...
أكيد الراجل مش هيرضى و خصوصا مع عدم وجود سابق معرفة
و التوكيل هيخافوا...تلاقى مافيش غير 2 ولا 3 عندهم...
منهم لله التوكيلات إللى بتخسف بعربيات زى الفل الأرض...

هاني بك ماتخدشي في بالك

انا بس كنت عاوز اوضح شوية نقط مهمة

عشان دمي محروق لعربيات فولفو بسبب التوكيل بتاعها اللي مهمل جدا في حقها مش ليه لارتفاع اسعاره مثلا ؟ لأ اسعارها تعتبر عادية مقارنة بمثيلاتها من السيارات. مالهاش سوق؟ ده عيب تسويق لأن كل من تعامل مع فولفو حازت ثقته. بل بالعكس فولفو ليها مميزات كتيرة جدا مش موجودة في عربيات تانية زي الامان فولفو معروفة انها أأمن سيارة في العالم بلا منازع وده ممكن تشوفه بنفسك علي اليوتيوب في اختبارات التصادم . انت عارف ان أول سيارة نزلت بمجموعة الايرباج كاملة كانت فولفو بالأضافة للعديد من براءات الاختراع في عناصر الامان في السيارات كلنا شوفنا عربيات محترمة وأغلي من فولفو في السعر عاملة حوادث ومش عارفينلها ملامح اصلا .
انا ممكن اقترح علي اي حد يسوق فولفو حتي ولو كانت قديمة ويجربها علي الطريق عاملة ازاي و في المنورات مثلا وقطع غيارها المعمرة جدا وقوة مواتيرها الجبارة وحاجات تانية كتير وأظن ان تجربة فولفو قديمة حتي فرصتها اكبر بكتير من تجربة فولفو جديدة

**chato_eg** · 23-03-2009 09:41 AM

أنا مدرك تماما لتفرد فولفو و تميزهم ....و فعلا التوكيل بتاعها مهمل فيها جدا ...... فى مرة كنت فى شارع التحرير و مشيت على رجلى مخصوص لحد عندهم علشان أتفرج على ال c30 و لاقيتهم راميينها كأنها عربية قديمة مستعملة محطوطة على جانب بعيد عن الواجهة الزجاجية و بالرغم من مساحة العرض الكبيرة و فى موقع متميز إلا أنهم كانوا راميين العربيات زى ما تكون واقفة فى مخزن.....حقيقى كنت زعلان ... و ما عرفتش أتفرج عليها بذمة غير لما شاركى قال هى واقفة فين فى المنطقة بتاعته و رحت لها مخصوص .....
و التوكيل ده أصلهم بيتاجروا فى حاجات تانية...زى تجهيزات المغاسل ( Dry Clean )....و باين عليه فاتح مركز الخدمة لماركات تانية لإنى بأشوف بجواره و ملاصق فيه تماما مركز خدمة لدايو و مؤخرا اسبيرانزا... فمش حاطط دماغه فيها أوى

**MoToRiZeR** · 23-03-2009 04:32 PM

شفت إمبارح واحدة تانية سيلفر في الدقي غير اللي شفتها انا و نادر !

و الله والعربية إنتشرت يا رجالة و بقي فيه منها 2 في البلد .

**sa3dawy** · 23-03-2009 05:24 PM

اعتقد الفيات برافو احسن منها كاختيار غير تقليدى .. 150 حصان تورك 230 nm وتابلوة كاربون فايبر دا غير الجنوط 17 وعرضة 225 !! وزينون وسينسورز وكمان بابين زيادة !
وايطالى 100%