انا بقالي فترة بسال على العربيات وبنسبة كبيرة استقريت على الاكسنت إن شاء الله ........ عاوز حد يطمني لأن هنا في السعودية الفرق بينها وبين الياريس 2000 ريال بس :whtauwant:
أنا هتجنن والله ........... المهم أتوكل على الله أشتري ولا لأ وشكرا
عرض للطباعة
انا بقالي فترة بسال على العربيات وبنسبة كبيرة استقريت على الاكسنت إن شاء الله ........ عاوز حد يطمني لأن هنا في السعودية الفرق بينها وبين الياريس 2000 ريال بس :whtauwant:
أنا هتجنن والله ........... المهم أتوكل على الله أشتري ولا لأ وشكرا
ربنا يهديك للخير
العربيه مشكلتها التعليق الخلفى ليها أقصد مشكله المساعدين الخلفين اللى ملهومش حل و الناس بتشتكى حتى بعد التغير فى التوكيل و دى بصراحه مشكله موقفانى عن شرائها حتى الان
و أنا من رأى شوف ال بيجو 301 او الستروين السى اليزيه الاتنين زى بعض الفرق الشكل و أنا شخصيا منتظر ريفيوهاتها من الزملاء لإتخاذ القرار فيهم
الاعتقد ان الاكسنت بتنزل بكمليات هاي لاين احسن من مصر و الطرق في السعوديه طبعا غير مصر بكتيييييييييير فمشكله المساعدين هتبقي معدومه في بلد زي السعوديه بتحترم المواطن وطرق مصممه بموصفات عالميه لا تحك في مطب ولا تربط عفشه فتوكل علي الله الاكسنت جميله وشكرا
انا معايا الاكسنت 2013 و ممتازة بصراحة، المساعدين مشكلة لو طرق صعبة و معاك نااااس على الكنبة يعنى محمل
البيجو 301 و الستروين بصراحة بصراحة مش مطمن ليهم تمااااااما !
و هقولك ليه و طبعا ممكن اكون غلط
اما شركة تبقى العادة بتاعها 200 الف، و عشان كده بتنزل عربيات كفائة يعنى، اكيد اما تنزل عربية ب140 باين يبقى فيه انّ فى الموضوع ! لحد متعرف ال انّ دى، متجيبهاش عشان متلاقيش نفسك متبهدل بعدين
و لو حد يعرف يقول و يصححلى معلوماتى
و اى سؤال فى الاكسنت احنا فى الخدمة
لو هى فعلا بالإنتشار الكبير ده إسألهم و إتأكد على الأقل العلربيه عامله إيه فى مطبات الهوا؟
لأنى اللى أعرفه إن عفشتها عندك زى عندنا
ثانيا جربها و إن شاء الله يهديك للخير
الاكسنت اربي عربيه شبابيه مش عائليه بمعني انك لو عاوز تملها ناس وتحط حاجات في الشنطة هتلاقيها واطيه من ورا شويه طبعا بعد ما تغير مساعدين
لكن العربيه في المجمل حلوه
التفكير الصح بقي هو لو سعرها قريب قوي من موديلات ياباني او الماني طبعا الياباني والالماني يكسب
بس المهم وانت بتقيم موديب تاني غير الاكسنت تبص للوكيل وتوافر قطع الغيار وسعرها
وربنا يهديك للخير
الاكسنت النص فل في السعودية ب46 الف تقريبا والفل الكامل ب51
طب النص فل الالنترا ب55 الف والفل الكامل ب62 واحسن بكتير منها
ده رايي الشخصي وعموما هنا في السعودية الهيونداي محبوب دلوقتي وقطع غيار رخيصة ومتوفرة
وزي ما قلتو الطرق مش بتبين عيوب السيارات زي مصر عشان مفيش مطبات وحفر كتير
هيه فعلا المشكلة معدومة هنا علشان كده كنت عاوز اعرف رأي الناس اللي في مصر علشان هنزلها معايا إن شاء الله
الحمد لله مفيش المشكله ده هنا علشان كده بسال علشان هنزلها معايا إن شاء الله
والله فعلا الياباني أحسن في الجودة بس الشكل بجد سئ جدا ........ شوف الياريس تصميمها عامل ازاي حاجة تخنق بجد مع إن امكانياتها ممكن تكون أحسن بس برضه الشكل لازم يكون مقبول وشكرا
أنا هنزل المعارض إن شاء الله وأسأل النهارده بس هو فيه معرض تاني غير بتاع الوعلان اللي في طريق خريص وشكرا جدا ليك
عالفكرة سيبك من الهرى الكتير اللى بيقولك عربية وحشة الاكسنت منتشرة جدا فى مصر برده وعربية يعتمد عليها بسم الله ما شاء الله وموش هتندم ان شاء الله وقطع غيارها خارج التوكيل رخيصة وابتدى ينزلها حاجات تقليد كتير كمان
وعالفكرة فى السعودية ابتدت الهيونداى تغزو السوق وتفضل عن التويوتا الكامرى والتويوتا معروف كينج اليابانى
انا حاليا مش بس كل 10 دقايق الاقى اكسنت فى الشارع، لأ انا كل 10 دقايق بشوف كتيييير لدرجة انى لازم اشوف نفس اللون كمان !
طب ده انا جمب الشغل مكان ما بركن فى اكسنت نفس اللون راكنة تقريبا بتاعت احد السكان، برخم و اروح اركن جمبه مخصوص عشان يبقوا عزوة كده :d
و فى صيانة ال 1000 كانوا الاكسنت قد عدد الالنترا او اكتر
لأ الحمد لله العربية انتشرت و حاجاتها هتتوفر و ترخص كمان ان شاء الله
وشوف المقاطع دى والله بتوع السعودية ملهومش حل
‫رفع الكنق السلطان اكسنت جنوني S‬‎ - YouTube
‫رفع السلطان + فك كفر على اكسنت‬‎ - YouTube
قال مساعدين قال ههههههههههع
مع هوجة الدولار تستاهل طبعا بس بتمنى كنت اجبها اول السنة ايام ما كان نفس السعر يجيبلى الhighline بس الحمد لله طبعا على كل شئ
حصلت معايا برضه :D رايح افتح المرايات و فى ايدى الريموت بفتح السنتر لقيت الصوت بعيد قلت يا فضيحتى :D
ولو حد قالك دى كورى
شركة هيونداى من اكبر الشركات فى العالم لصناعة السفن العملاقة والمولدات العملاقة والقطارات والرادارات حتى الساعات يا راجل يا طيب موش سيبنها ههههههع
حد ليه شوق فى حاجة بعد كده وصناعات ثقيلة معقدة اخرى لسه تصنيع الطائرات هههههههههع
HYUNDAI Heavy Industries PL Part 2.avi - YouTube
شكرا ياجماعة والله وان شاء الله ربنا يكرمني بالذي فيه الخير انا هروح المعارض بكره ان شاء الله وربنا يكتب اللي فيه الخير ان شاء الله.... وايه احسن لون لشكل العربية
الابيض النبيتي
ابيض اسود نبيتى
بالترتيب كده
انا جايبها لون اسمه mocha bronze
لون القهوة بلبن كده :D شوفها فى الشارع و شوف هترتاح لإيه و ايه هيشدك ;)
شوف انا شوفت تقريبا كل الالوان على الاكسنت ما عدا اللون ده :)
وابيخ لون فيها الصراحة اللون الشامبين
بس لون القهوة بلبن ده ابيخ منه الصراحة هههههههههههههههههههههع ( بهزر والله )
انا شفت البيجو فعلا عل الطبيعه لكن دون تجربه شكلها تحفه لكن الله اعلم بامكانيات العربيه
البيجو مغامرة + انها سياره موجها للاسواق النامية بتكنولوجيا قديمة وده فى حد ذاته عيب + لسه محدش جربها وعلى فكره مفيهاش اى حاجة ولا ايه بى اس ولا اى بتنجان الا فى الهاى لاين ومن جوه تحس انها متفرقش كتير عن الفيرنا :)
وشكلها دى بقى ازواق بس انا الصراحة شايفوا وحش
و عشان نبقى محايدين معاك اقرا المشاركة دى http://www.nilemotors.net/Nile/360546-301-100-a.html
انا لازلت مش مقتنع بال301 و مش مقتنع بكتير من اللى فى التقرير بس قلت يمكن الكلام يفيدك ;)
انا بصراحة مشدود للأبيض أوي وبعد كده الاسود إن شاء الله
البيجو افضل
ما دام نويت بقى يبقى اقرا التقرير بتاعى اما اشتريت ان شاء الله يساعدك ;)
http://www.nilemotors.net/Nile/349546-rb-2013-a.html
الف شكر على المرور والرد ........ بس أنا فعلا استريحت للكسنت من كل حاجة شكل + سعر اعادة بيع + قطع غيار متوفرة + صيانة .............. والعربية ممتازة تستاهل كل قرش هيدفع فيها ان شاء الله
الف شكر ياهندسة وربنا يباركلك فيها ويكفيك شرها إن شاء الله ........ أنا في السعودية ونازل المعارض ان شاء الله علشان اجيب عروض الاسعار والمواصفات إن شاء الله وهقولكم عليها وشكرا جدا
انا عندى حق فى نقط كتير بس انتا موش واخد بالك هههههههههههههههع علشان لو حبيت تنزل بيها مصر ان شاء الله معندناش ال 1400 وخايف تكون حاجاتها مختلفة عن اللى عندنا 1600 فحاول انك تخليها 1600
وشوف عند المجدوعى او الناغى باين لان احلى حاجة هيونداى في السعودية ليها اكتر من وكيل