شكل تابلوه النيو اكسنت بتاعي مختلف ليييييه حد يفهمني ارجوكم !!!

**amor777** · 29-05-2013 12:58 PM

انا في حاجه هتجنني قوي انا اشتريت عربيه نيو اكسنت مستعملله اوتوماتيك وهيه موديل 2011 ومكتوب في الرخصه بتاعتها موديل 2011 بس في حاجه غريبه برضه تاريخ تحرير الرخصه يوم 28 اكتوبر 2010 يعني اعتقد هيه من اوائل دفعه 2011 المهم انا عندي شكل التابلوه كالاتي علي اليمين عداد السرعه وعلي الشمال عداد الار بي ام وجواه مؤشر للحراره وجمب عداد السرعه مؤشر البنزين فيه واحد صاحبي بقي معاه برضه نيو اكسنت برضه 2011 اوتوماتيك والرخصه بتاعته طالعه في يونيو 2011 التابلوه عنده مختلف تماما اولا معندوش مؤشر للحراره هيه لمبه بتنور بس لو العربيه سخنت ومؤشر البنزين عنده في النص بين مؤشر السرعه والار بي ام واضائه التابلوه بيضاء انا عندي لونه مصفر شويه مع العلم ان انوار التكيف لونها ازرق عندي وعنده يعني اضواء التكييف في التابلوه مفهاش اختلاف نفسي اعرف ليه شكل التابلوه عنده غير عندي هل انا عربيتي مش موديل 2011 وهيه موديل 2010 بس اتعملت علي انها 2011 مع العلم اني شوفت عربيات نيو اكسنت موديل 2010 وبرضه مفهاش مؤشر للحرارة فيها لمبه بس بردو زي التابلوه الي عند صاحبي يعني مش الي عندي ولا ايه هتجنن مع العلم ان الشكل المنتشر اللي هوه بتاع صاحبي اللي هوه مؤشر البنزين في النص بين عداد السرعه والار بي ام ياريت الي عنده اي معلومه يفيدني بيها لاني مش فاهم حاجه ازاي عربيتين نفس الموديل والتبلوه يكون شكله مختلف كده ويا تري انهي الشكل الافضل للي يعرف الشكلين وشافهم قبل كده مستني من اي عضو يفيدني بسبب الاختلاف ده بالرغم من انها نفس الموديل وشكرا ليكم جدااااا
وعشان يبقي الموضوع واضح دي صورة لشكل التابلوه الي عندي بس طبعا عداد السرعه بالكيلو متر مش بالاميال زي الي في الصورة

ودي صورة لشكل التابلوه الي عند صاحبي وده الشكل المنتشر في كل موديلات النيو اكسنت اصلا

ياريت يا جماعه حد يفيدني باي حاجه ولو حتي توقع لسبب الاختلاف ده ايه ايه بقي العدادت الي عندي دي ده كان شكل نزل فتره ولا كان شكل قديم ولا ايه بالظبط ياريت اي رد من الاعضاء ممكن يفيدني

**mody_elmasry** · 29-05-2013 01:03 PM

اولا هو فين مؤشر الحراره في الصوره رقم 2
لو مفيش يبقي ده كده مش طبيعي

**haysam2000** · 29-05-2013 01:09 PM

اعتقد ممكن تكون عربيتك خليجى

**SAMEH_FOUAD** · 29-05-2013 01:30 PM

ياباشا عربيتك دية مواصفات اوروبية لانهم اللى بيتعاملوا بالميل , لكن سواء الخليج او احنا بنتعامل بالكيلو متر

ومؤشر الحرارة عند صاحبك لمبة مافيش عداد , لاقدر الله لو حرارة المحرك ارتفعت هتنور احمر , وهنا لازم يقف فورا

**mahamedaraby** · 29-05-2013 01:39 PM

اعتقد ان العداد حصل فية مشكلة باظ مثلا او حصله اى حاجة علشان كدة غيره بواحد استيراد
او الحاجة التانية ان هو غيره بعداد كليو متر قليل علشان يعرف يبعها

**ASSASSIN** · 29-05-2013 01:40 PM

المشاركة الأصلية كتبت بواسطة kar!m

ممكن يكون صاحب العربية غير العدادات لأي سبب .. مؤشر اتكسر .. ملف اتحرق .. باغة العدادات اتكسرت.

و جاب واحده استيراد .. و كانت مختلفة شويه.

+11111111

**amor777** · 29-05-2013 01:58 PM

يا جماعه انا كاتب ان العداد عندي بالكيلو متر مش بالاميال زي الي في الصورة انا منزل الصورة دي من علي النت وملقتش غيرها لكن انا عندي بالكيلو متر عادي طيب لو انا عربيتي خليجي اتاكد ازاي من الموضوع ده !!! عشان موضوع انه غير عدادت التابلوه دي صعبه شويه ياريت حد يفيدني ولو اتصلت بخدمه عملاء هيونداي هيفيدوني بحاجه ولا في الضياااع