كورولا 2007 ؛ اوكتافيا a5 ؛ مرسيدس زلموكه E200 موديل 1994

**هانى القناوى** · 31-05-2013 12:57 PM

شكرا يا ahmedalaahosny على ردك
ونشوف باقى الناس هاتقولنا ايه

**هانى القناوى** · 31-05-2013 12:59 PM

طيب يا ahmedalaahosny ماتعرفشى عامله كام كورولا 2007 لو عربيه نظيفه شركه بره جوه وعداد قليل

**zangry** · 31-05-2013 02:38 PM

افضل حاجة الاوكتافيا

**sha2e** · 31-05-2013 03:32 PM

1 / قوه ومتانه الصاج المرسيدس والاوكتافيا الكرولا بره الموضوع
2 / قوه المحرك مرسيدس
3 / الثبات مرسيدس والاوكتافيا - الكرولا بره برضو
4 / تحمل الطرق المكسره والمطبات العااااااليه التلاته الأفضلية بينهم فى النقطه دي بسيطه
5 / كفائه التاكيف فى الجو النار اللى احنا فيه ده (جو الصعيد الجواااااااااااااانى ) الكرولا باكتساح ثم الاوكتافيا لو تاكيفها كويس والمرسيدس لو شرق اوسط لو المرسيدس اوروبي بيكون تكييفها ضعيف
6 /استهلاك البنزين الاقل استهلاك الكرولا باكتساح لان موتورها 1300 بيشم البنزين
8 / مين اقل اعطال الكرولا
9 / توافر قطع الغيار معرفش ايه المنتشر عندكم أكتر
10 / توافر الميكانيكيه اللى بيفهموا ( مع العلم لايوجد لدى توكيلات للصيانه ) برضو معرفش عندكم ايه الوضع
11 / كل قد ايه تفتح الكبوت الكرولا لو حالتها حلوه وتحت الـ 100 الف كيلو يدوب تغير زيت وتيل فرامل
12 / وسائل الامان الاوكتافيا والمرسيدس

الكرولا : استهلاك بنزين أكتر من ممتاز - تكييف ممتاز - قلة اعطال
الاوكتافيا والمرسيدس : صاج قوي جدا - فئة اعلى - امان اكتر

الخلاصه لو اكتر استخدامك داخلي يبقى الكرولا افضل
لو استخدامك للطرق السريعه كتير يبقى المرسيدس او الاوكتافيا افضل

**ahmedalaahosny** · 31-05-2013 04:45 PM

المشاركة الأصلية كتبت بواسطة هانى القناوى

طيب يا ahmedalaahosny ماتعرفشى عامله كام كورولا 2007 لو عربيه نظيفه شركه بره جوه وعداد قليل

بص يابرنس علي كونتكت كار في واحده نضيفة وارد يابان خليجي وجميلة اوي اعتقد تدخل ع الموقع وتتفرج بمزاج حضرتك اللي انا بكلم حضرتك عليها دي اوتوماتيك ب 135 الف وفي مانيول ف رينج التمانينات عامة خدلك لفة ف الموقع وشوف الميزانية وبالتوفيق ان شاء الله

**هانى القناوى** · 31-05-2013 04:48 PM

شكرا يا ahmedalaahosny

**هانى القناوى** · 31-05-2013 04:50 PM

شكرا يا zangry على رايك

**هانى القناوى** · 31-05-2013 04:58 PM

شكرا على المقارنه الجميله دى يا sha2e
طيب انا بمشى على الطريق الزراعى بمسافه 40 كيلوا رايح و 40 جاى
وبمشى حواى 3 كيلوا داخل المدينه
اغلب الميكانيكيا اللى قابلتهم رشحولى الزلموكه اعلى فئه اللى هة e200 موديل 94 ( بيسموه فرخ شبحه )
قالولى هتلاقى ميكانيكيه تخصص مرسيدس اكتر من العربيات الجديده هنا فى الصعيد وقليل لو لاقيت حد بيفهم فى الحديت او وكيل للصيانه
قالولى الموديل ده فى الزلموكه انجكشن يعنى تعتبره عربيه حديثه فى استهلاك البنزين
بس قالولى هات الخليجى منه فل ابشن علشان تكيف الخليجى تلاجه اقوى من الشرق اوسط
وكمان عفشتها معمره جداااااااا وعاليه عن الارض
اما الترشيح التانى كان اوكتافيا a5 من 2009 قالولى تعتبر زى المرسيدس بس شكل وحجم اقل بكتير

**sha2e** · 31-05-2013 05:32 PM

المشاركة الأصلية كتبت بواسطة هانى القناوى

شكرا على المقارنه الجميله دى يا sha2e
طيب انا بمشى على الطريق الزراعى بمسافه 40 كيلوا رايح و 40 جاى
وبمشى حواى 3 كيلوا داخل المدينه
اغلب الميكانيكيا اللى قابلتهم رشحولى الزلموكه اعلى فئه اللى هة e200 موديل 94 ( بيسموه فرخ شبحه )
قالولى هتلاقى ميكانيكيه تخصص مرسيدس اكتر من العربيات الجديده هنا فى الصعيد وقليل لو لاقيت حد بيفهم فى الحديت او وكيل للصيانه
قالولى الموديل ده فى الزلموكه انجكشن يعنى تعتبره عربيه حديثه فى استهلاك البنزين
بس قالولى هات الخليجى منه فل ابشن علشان تكيف الخليجى تلاجه اقوى من الشرق اوسط
وكمان عفشتها معمره جداااااااا وعاليه عن الارض
اما الترشيح التانى كان اوكتافيا a5 من 2009 قالولى تعتبر زى المرسيدس بس شكل وحجم اقل بكتير

بخصوص الزلمكه اخر موديل فعلا كان موتور انجكشن زي الموجود فى الشكل الى بعده "العيون" لكن للاسف انا مش عارف هو موديل سنة كام بالظبط لكن عموما هوا آخر موديل قبل العيون علطول
لكن حتى لو انجيكشن برضو استهلاكه أكبر لانه 2000 سي سي ولو قارنته بالكرولا هيكون تقريبا ضعف الاستهلاك لان الكرولا 1300 استهلاكها قليل جدا جدا
بخصوص التكييف فالعربيه فى منها اصدارين الخليجي الى هو اصدار الشرق الاوسط وده تكييفه افضل من الاصدار التاني الى هو الاوروبي

فى نقطه عايز اوضحها لو الدعم اتطبق المرسيدس هتطلع بره وده هيقلل من سعرها جامد جدا
فلو بتفكر فى المرسيدس لازم تعرف انك هتجبها تفضل معاك فترة طويله لان فى حالة تطبيق الدعم هيكون اعادة بيعها صعبه وبخسارة

حاول تسأل وتتأكد تاني على الاكثر انتشارا عندكم وكمان الاسهل صيانه بالنسبه ليك

احنا قارنا بين التلات عربيات فى نقط ونسينا اهم حاجه
انت ميولك الشخصي لأنهى فيهم لان ده عامل مهم

**هانى القناوى** · 31-05-2013 05:51 PM

كلامك مظبوط يا sha2e
بس الكورولا 1600 مش 1300 مش هاتختلف كتير
انا سالت واحد كان معاه العربيه الزلموكه دى وباعها من حوالى سنتين وندمان عليا انها كانت بتستهلك 200 كيلوا للصفيحه (الصفيحه 20 لتر ) يعنى تعتبر اقتصاديه بالنسبه للموديلات السابقه
انا معاك ان اوكتافيا a5 افضل من ناحيه التكنولوجيا الزياده واستهلاق اقل فى البنزين هى والكورولا بس المشكله علشان اصلح عطل عايز توكيل
وموضوع الدعم ده الحكومه لسه محتاره ومش عارفه تجل ولا تهبب اى حاجه فى الايام اللى احنا شايفنها دى وبيقولوا من شهر 7 اللى جاى هايطبقوا بس لسه ماحددوش ايه الفئات ولا الانواع بس حرام واحد يركب عربيه ب 500 الف ج 1300 سى سى وياخد دعم وانا اركب موديل 94 200 سى سى ب 100 او 120 الف من غير دعم ولا انت رايك ايه يا باشا
يعنى انا فى دماغى يا زلموكه 94 نظيفه اووى او اوكتافيا a5 موديل 2009 ايه رايك ياباشا