البومه والشارك

**horas3000** · 29-05-2013 07:34 PM

المشاركة الأصلية كتبت بواسطة kazamodia

بص .. الشارك افضل طبعا مع اني لسه شاري بومة جديدة !
المشكلة في الشارك هي قطع الغيار واعادة البيع لو تقدر على المشكلتين دول يبقى هات شارك طبعا

+11111
الشارك احسن من البومه بمراحل من ثبات و تجهيزات
مشكلتها ان لسبب ما السوق لم يتقبلها و التوكيل مخدمهاش كويس
فمنتشرتش فاعاده بيعها و سعر قطع غيارها اتاثروا بده

**aboamina** · 29-05-2013 10:02 PM

انا زيك بالظبط عايز عربية في نفس حدود السعر ومحتار بين البومة والشارك والكورولا (من2007 - 2009) والاوكتافيا (2005-2007) وكل عربية في الاربعة ليها مميزات وعيوب تقريبا حفظتها من كتر البحث والسؤال .... ومن كتر حيرتي قررت هدور على المتاح من الاربع انواع والعربية اللي هقابلها والاقي حالتها كويسة وهرتحلها نفسيا هشتريها من غير ما اتردد

**tarek_asem** · 30-05-2013 12:32 PM

المشاركة الأصلية كتبت بواسطة aboamina

انا زيك بالظبط عايز عربية في نفس حدود السعر ومحتار بين البومة والشارك والكورولا (من2007 - 2009) والاوكتافيا (2005-2007) وكل عربية في الاربعة ليها مميزات وعيوب تقريبا حفظتها من كتر البحث والسؤال .... ومن كتر حيرتي قررت هدور على المتاح من الاربع انواع والعربية اللي هقابلها والاقي حالتها كويسة وهرتحلها نفسيا هشتريها من غير ما اتردد

طب ايه عيوب الشارك عن البومه غير قطع الغيار وسعر اعاده البيع ؟؟

**aboamina** · 30-05-2013 02:15 PM

عيوب الشارك هي اللي انت قولتها :
اسعار قطع الغيار عالية ومش متوفرة في كل مكان مقارنة بالبومة ، تقيلة بالنسبة لاعادة البيع ، بالاضافة الى انه مش اي ميكانيكي يعرف يشتغل فيها

**Sa3D ALEX** · 30-05-2013 09:22 PM

بعد اذن الجميع مع كامل احترامى ليكم كلكم
اللى بيقول على الشارك قطع غيار غاليه ومش موجوده ده كلام بعيد جدا من الصحه نهائى
انا عندى فى اسكندريه اكتر مكان العربيه دى مضروبه فيه ومع ذلك العربيه انتشرت بكثره ومفيش محل بيبيع قطع غيار لانسر مبيشتغلش فيها امال يبقى فى القاهره بأه ايه

يا جماعه كلامكم ده اللى جايب العربيه الارض انزلو بنفسكم وشوفو السوء وقطع الغيار انا عامل هنا موضوع مخصوص فى اسعار قطع غيارها من خارج التوكيل لعل وعسى اساعد الناس فى اختيارتهم واشيل الحيره دى العربيه جميله جدا وبدأت تمسك سعر وشوفو الناس بتطلب فيها كام أحد الاعضاء بيقول هنا مبلغ 90 الف ميجبش شارك نظيفه وخليك فى البومه احسن يبقى احنا بنغى ونرد على نفسنا

**aboamina** · 30-05-2013 11:40 PM

المشاركة الأصلية كتبت بواسطة sa3d alex

بعد اذن الجميع مع كامل احترامى ليكم كلكم
اللى بيقول على الشارك قطع غيار غاليه ومش موجوده ده كلام بعيد جدا من الصحه نهائى
انا عندى فى اسكندريه اكتر مكان العربيه دى مضروبه فيه ومع ذلك العربيه انتشرت بكثره ومفيش محل بيبيع قطع غيار لانسر مبيشتغلش فيها امال يبقى فى القاهره بأه ايه

يا جماعه كلامكم ده اللى جايب العربيه الارض انزلو بنفسكم وشوفو السوء وقطع الغيار انا عامل هنا موضوع مخصوص فى اسعار قطع غيارها من خارج التوكيل لعل وعسى اساعد الناس فى اختيارتهم واشيل الحيره دى العربيه جميله جدا وبدأت تمسك سعر وشوفو الناس بتطلب فيها كام أحد الاعضاء بيقول هنا مبلغ 90 الف ميجبش شارك نظيفه وخليك فى البومه احسن يبقى احنا بنغى ونرد على نفسنا

انا بقول ان قطع غيارها غالية ومش متوفرة في كل مكان (مقارنة بالبومة)...كمان مرة (مقارنة بالبومة) وللا حضرتك شايف ان كلامي غلط وقطع غيار البومة اغلى واقل انتشارا؟

**ahmed-moga** · 31-05-2013 04:02 AM

لو عايز عربيه تكنولوجيا جديده وحديثه وماتور قوي ثبات ممتاز ومش ناوي تجيبها علشان تبيعها بعد سنه ولا اتنين ومفيش مشكله انك تدفع اكتر شويه في قطع الغيار في مقابل انها هتقعد معاك فتره اطول وبجوده ممتازه يبقي لانسر شارك
لو عايز عربيه تقليديه ذو تكنولوجيا قديمه وقليله لكن باردو ماتور حلو وثبات جميل وسعر قطع غيار مناسب ومعمره وتتباع بسرعه يبقي لانسر بومه 1600 مانويل او اوتو وابعد عن 1300 الأوتو

**aboamina** · 01-06-2013 01:53 PM

المشاركة الأصلية كتبت بواسطة sa3d alex

لا والله حضرتك مش بتكلم غلط وواضح نبره الاستهزاء فى كلام حضرتك ومع ذلك هرد عليك بكل احترام
اولا انا مجبتش سيره البومه فى كلامى نهائى انا بتكلم على الشارك فقط وبوضح ازاى العربيه انتشرت وقطع غيارها بقت فى كل حته عند اى حد بيشتغل فى الانسر عموما واسعارها بقت فى متناولنا
ثانيا لايوجد اى وجه مقارنه لشارك والبومه نهائى دى فئه ودى فئه اعلى واحدث واكبر منها وكمان اغلى

والله ما اقصد اي استهزاء وآسف لو انت فهمتها كده...صاحب الموضوع محتار مابين العربيتين وانا رديت عليه قولتله انا محتار زيك بينهم وعارف شوية مميزات وعيوب الاتنين والعربية اللي هلاقيها منهم حالتها حلوة وسعرها معقول هشتريها بدون تردد ولما سألني عن عيوب الشارك قولتله ايه اللي يميز البومة عنها فحضرتك رديت وقولت كلامكوا ده اللي جايب العربية الارض وكلام من ده ,وبرضه لو كان سألني على مميزاتها كنت هقوله ايه اللي يميزها عن البومة (طبعا من وجهة نظري) وعلى فكرة انا لغاية من 3شهور كان معايا لوجان وكنت لما بلاقي حد بيسأل عليها كعيوب ومميزات كنت برد عليه برده بمنتهى الموضوعية دون التحيز لكونها عربيتي . ربنا يباركلك في عربيتك وما تزعلش مني